وزبەكستان اۋماعىنان اۋعانستاننىڭ بۇرىنعى ۇكىمەتىنىڭ اسكەري قىزمەتشىلەرى مەن بەيبىت تۇرعىندارىن ەۆاكۋاتسيالاۋ اياقتالدى.

"اۋعانستانداعى بەلگىلى وقيعالارعا بايلانىستى بۇرىنعى اسكەري قىزمەتكەرلەر مەن اۋعانستاننىڭ بەيبىت تۇرعىندارىنىڭ توبى وزبەكستاننىڭ مەملەكەتتىك شەكاراسىن زاڭسىز كەسىپ ءوتىپ، ۇستالدى. 12-13 قىركۇيەكتە وزبەكستان اۋماعىندا بولعان بارلىق اۋعان ازاماتتارى باسقا ەلگە شىعارىلدى",-دەدى وزبەكستان ءسىم رەسمي وكىلى يۋسۋپ كابۋلجانوۆ.

تەرمەزدەن ارنايى رەيسپەن اۋعان ازاماتتارىن دوحاداعى امەريكاندىق اسكەري بازاعا كوشىرۋ باستالدى. بۇل تۋرالى اقش پەن وزبەكستان ۇكىمەتتەرى كەلىسكەن. Wall Street Journal-دىڭ حابارلاۋىنشا، بۇل - تاليبان بيلىك باسىنا كەلگەننەن كەيىن وتباسىمەن بىرگە ۇشاقتار مەن تىكۇشاقتار ارقىلى وزبەكستانعا قاشىپ كەتكەن اۋعانستان اۋە كۇشتەرىنىڭ ۇشقىشتارى. ولاردىڭ سانى 585 ادامدى قۇرايدى.

Abai.kz