«Saba Group» كومپانياسى الماتىداعى № 125 مەكتەپتىڭ اۋلاسىنان جاڭا وقۋ كورپۋسىن سالادى. اتالعان سۋ جاڭا عيماراتتا 600 باستاۋىش سىنىپ وقۋشىسى ءبىلىم الاتىن بولادى. بۇل تۋرالى Abai.kz اقپاراتتىق پورتالى حابارلايدى.

№ 125 جالپى ءبىلىم بەرەتىن ورتا مەكتەپ الماتى قالاسىنىڭ بوستاندىق اۋدانىنداعى «الماگۇل» شاعىن اۋدانىندا ورنالاسقان. اتالعان ءبىلىم مەكەمەسىنىڭ ديرەكتورى ءشامشىنۇر باكيەۆانىڭ ايتۋىنشا، قازىر بۇل مەكتەپتە 1850 بالا وقىپ جاتىر. ال مەكتەپ جانىنا سالىناتىن جاڭا عيماراتتا (وقۋ كورپۋسى) باستاۋىش سىنىپتىڭ 600 بالاسى ءبىلىم الاتىن بولادى.

«ءبىز جاڭا عيماراتتىڭ سالىناتىنىنا وتە قۋانىشتىمىز. ءسوزسىز، بۇل ءبىزدىڭ شاعىن الاڭداعى ورىنداردىڭ جەتىسپەۋشىلىگى ماسەلەسىن شەشەدى. باستاۋىش سىنىپ وقۋشىلارى جاڭا كەڭ سىنىپتاردا وقيتىن بولدى»، - دەيدى ءشامشىنۇر باكيەۆا.

«Saba Group» كومپانياسى سالاتىن ءۇش قاباتتى جاڭا عيماراتتا كەڭ كولەمدى 11 وقۋ بولمەسى، قىزدار مەن ۇلدارعا ارنالعان بولەك كيىنۋ بولمەلەرى، جۋىناتىن بولمەلەر مەن دارەتحاناسى بار شاعىن سپورت زالى بولادى. سپورت زالى ارنايى نۇسقاۋشىلار جانە قۇرال-جابدىقتارمەن تولىق جابدىقتالعان بولادى. جوبا بويىنشا، جاڭا كورپۋس مەكتەپ اۋلاسىنداعى اسفالتتالعان، بىراق قازىر بوس تۇرعان اۋماققا سالىناتىن بولادى. ونىڭ اينالاسىندا سپورت الاڭى بار اۋماق تا تولىقتاي اباتتاندىرىلادى.

«ءبىزدىڭ كومپانيا الەۋمەتتىك جاۋاپتى بيزنەس رەتىندە مەملەكەت باسشىسىنىڭ جاڭا مەكتەپتەر سالۋ جونىندەگى تاپسىرماسىن قولدايدى. مۇندا 600 بالا ءبىلىم الاتىن بولادى. قوسىمشا بارلىق قاۋىپسىزدىك تالاپتارىن، سونداي-اق، مەكتەپ باسشىلىعىنىڭ ەسكەرتپە-تىلەكتەرىن ەسكەرە وتىرىپ جاسالعان. ءبىزدىڭ كومپانيا بارىنشا جايلىلىقتى قامتاماسىز ەتۋگە جانە وزگەرىستەر تۇرعىندار ءۇشىن پايدالى ەكەنىنە كوز جەتكىزۋگە تىرىسادى. ءبىز «Comfort City» تۇرعىن ءۇي كەشەنىن سالۋ تۋرالى شەشىم قابىلداعان كەزدە، تۇرعىندار بالالارىن قايدا وقىتادى دەپ ويلادىق»، - دەيدى «Saba Group» قۇرىلىس كومپانياسىنىڭ ديرەكتورى ەرجان ابدىقادىروۆ.

ونىڭ ايتۋىنشا، ولار مۇنىمەن توقتاپ قالماق ەمەس جانە قالادا جاڭا مەكتەپتەردىڭ قۇرىلىسىن باستاۋعا دايىن. جاڭا عيماراتتىڭ قۇرىلىسى جاقىن كۇندەرى باستالىپ، كەلەسى جىلدىڭ مامىرىندا اياقتالادى. سونىمەن قاتار، تۇرعىندارعا ىڭعايلى بولۋ ءۇشىن «Comfort City» تۇرعىن ءۇي كەشەنىنىڭ اۋماعىندا ەمحانا، بالاباقشا جانە پوليتسيا پۋنكتى بولادى.

ەرعالي بەرىكۇلى

Abai.kz