"قازاقستاندا 2021 جىلدىڭ 8 ايىندا ەسىرتكى ساتاتىن 800-دەن استام سايت بۇعاتتالدى" دەپ مالىمدەدى بريفينگتە قر ءىىم ەسىرتكى قىلمىسىنا قارسى كۇرەس دەپارتامەنتىنىڭ باستىعى باقىتجان ءامىرحانوۆ.

"اعىمداعى جىلدىڭ 8 ايىندا سوتقا دەيىنگى 127 ءىس تىركەلدى، ونىڭ ىشىندە 58 جارناما بويىنشا جانە 69 ينتەرنەت ارقىلى ساتۋ بويىنشا. ەسىرتكى تاراتاتىن 810 سايت بۇعاتتالدى", - دەدى ءامىرحانوۆ.

ونىڭ ايتۋىنشا، اعىمداعى جىلدىڭ باسىنان بەرى 129 كەلى سينتەتيكالىق ەسىرتكى تاركىلەنگەن. سونىمەن قاتار 11 دارىلىك زەرتحانا جويىلعان. ول بريفينگتە اقتوبە وبلىسىندا 28 جاستاعى ەسىرتكى ساتۋشى ۇيىمداستىرعان زەرتحانا جويىلعانىن ايتتى. ءىىم مالىمەتىنشە، ۇستالعان ازاماتتىڭ ۇيىندە ءتىنتۋ كەزىندە سالماعى 47 گرامنان اساتىن پسيحوتروپتىق زات سالىنعان پلاستيك پاكەت تابىلىپ، تاركىلەنگەن.

Abai.kz