بوكستان قازاقستاننىڭ ەرلەر جانە ايەلدەر قۇرامالارىنىڭ جاڭا باس باپكەرى تاعايىندالدى. 

ۇلتتىق قۇرامانى ەندىگى تاڭدا قايرات ءساتجانوۆ باسقارادى. ول بۇل لاۋازىمدا 2018 جىلدان بەرى كوماندا تىزگىنىندە جۇرگەن عالىمبەك كەنجەباەۆتى الماستىردى.

ءساتجانوۆتىڭ باپكەرلىك ءوتىلى 31 جىل. ول 2011 جىلدان 2019 جىلعا دەيىن قازاقستان جاسوسپىرىمدەر قۇراماسىنىڭ اعا جاتتىقتىرۋشىسى بولىپ جۇمىس ىستەگەن. وسى ۋاقىت ىشىندە ونىڭ شاكىرتتەرى "ازيا بالالارى" حالىقارالىق ويىندارىنىڭ مەدالىن ەكى رەت جەڭىپ الدى، الەم چەمپيوناتتارىندا ەكى رەت ۇزدىك ۇشتىككە ەندى، ازيا چەمپيوناتتارىندا ەكى رەت جەڭىسكە جەتكەن.

بوكستان قازاقستان ايەلدەر قۇراماسىنىڭ باس باپكەرى بولىپ شاميل سافيۋللين كەلدى. ەرىك العابەك كوماندا تالىمگەرى قىزمەتىندە ەكى جىل بولدى. وسى ۋاقىت ىشىندە 2019 جىلعى الەم چەمپيوناتىندا كوماندا ەكى قولا مەدالعا، 2020 جىلعى ازيا ىرىكتەۋ تۋرنيرىندە ءبىر وليمپيادالىق ليتسەنزياعا يە بولدى جانە 2021 جىلعى ازيا چەمپيوناتىنىڭ كوماندالىق ەسەبىندە (8/1/1) جەڭىسكە جەتتى.

Abai.kz