رەسەي ەلىندەگى قۇرىلىس جۇمىستارىنا ءوزبەك ميگرانتتارىن ارنايى پويىزبەن قازاقستان ارقىلى الدىرتۋدى ويلاستىرىپ جاتىر. بۇل جءونىندە رەسەيدىڭ كءولىك ءمينيسترىنىڭ ورىنباسارى نيكيتا ستاسيشين حابارلادى دەپ جازادى تاسس.

ء"بىز وزبەكستان ميگرانتتارىن ىرىكتەۋ، ولارعا ۆاكتسينا سالۋ، رەسەيگە جەتكىزۋ ماسەلەسىن ويلاستىرىپ جاتىرمىز. ەڭ قاۋىپسىز جول - قازاقستان ارقىلى پويىزبەن جەتكىزۋ", - دەدى ستاسيشين. ميگرانتتاردى ىرىكتەۋ جىل سوڭىنا دەيىن جۇزەگە اسپاقشى.

رەسەي ميگرانتتاردى اۋىل شارۋاشىلىعى سالاسىنا دا تارتۋدى جوسپارلاپ وتىر. ناۋرىز ايىنان بەرى ميگرانتتار رەسەيگە تەك ۇشاقپەن بارا الاتىن. جۇمىس بەرۋشىلەر ۇشاقپەن مول شىعىن كەتەدى دەپ شاعىمدانعان.

ەڭبەك ميگرانتتارىنىڭ جەتىسپەۋىنەن اۋىل شارۋاشىلىعىندا جەمىس-جيدەكتىڭ 20 پايىزى جينالماي قالعان.

مامىر ايىندا تاجىكستان مەن وزبەكستان ميگرانتتارىنا شەكتەۋ الىنىپ تاستاعان. بىراق بۇل ناتيجە بەرمەگەن. سەبەبى، ۇشاقتىڭ قىمباتتىعىنان كوپتەگەن ميگرانتتار رەسەيگە بارا الماي وتىر.

Abai.kz