قر قورعانىس ءمينيسترى بولىپ مۇرات كارىبايۇلى بەكتانوۆ تاعايىندالدى. پرەزيدەنت توقاەۆ وسىنداي جارلىق شىعاردى.

№ 649 جارلىقتا:

«مۇرات كارىبايۇلى بەكتانوۆ قازاقستان رەسپۋبليكاسىنىڭ قورعانىس ءمينيسترى لاۋازىمىنا تاعايىندالسىن»، - دەپ جازىلعان.

مۇرات بەكتانوۆ كىم؟

جاسى – 55-تە (18.09.1965 جىل). اسكەري شەنى – گەنەرال-لەيتەنانت (04.05. 2020 جىل). سولتۇستىك قازاقستان وبلىسىنىڭ سوكولوۆكا اۋىلىندا دۇنيەگە كەلگەن.

ءبىلىمى، ماماندىعى:

كيەۆتەگى جوعارعى جالپىاسكەري كوماندالىق ۋچيليششەنى (1988 جىلى), قر قارۋلى كۇشتەرىنىڭ اسكەري اكادەمياسىن (1998-2000 جىلدارى), رف قك باس شتابىنىڭ اسكەري اكادەمياسىن (2005-2007 جىلدارى) تامامداعان.

ەڭبەك ءوتىلى:

1989-1997 جىلدارى موتواتقىشتار ۆزۆودىنىڭ كومانديرى، دەسانتتىق-شابۋىلداۋ ۆزۆودىنىڭ كومانديرى، دەسانتتىق-شابۋىلداۋ باتالونى بارلاۋىنىڭ باستىعى، الماتى جوعارى جالپى اسكەري كوماندالىق ۋچيليششەسى ۆزۆودىنىڭ، كۋرسانتتار روتاسىنىڭ كومانديرى بولعان.

1997-1998 جىلدارى شتاب باستىعى - شوب كومانديرىنىڭ ورىنباسارى، كەيىن قورعانىس مينيسترلىگىنىڭ جاۋىنگەرلىك دايارلىق دەپارتامەنتىنىڭ وفيتسەرى رەتىندە قىزمەت ەتتى.

2000 جىلى قارۋلى كۇشتەردىڭ باس شتابىنا جەدەل جوسپارلاۋ دەپارتامەنتىنىڭ اعا وفيتسەرى رەتىندە كىردى، 2005 جىلى باس شتابتىڭ اسكەري اكادەمياسىنىڭ تىڭداۋشىسى بولىپ تاعايىندالدى.

2007-2013 جىلدارى قورعانىس مينيسترلىگى شتاب باستىقتارى كوميتەتىنىڭ جەدەل جوسپارلاۋ دەپارتامەنتى باستىعىنىڭ ورىنباسارى، كەيىن دەپارتامەنت باستىعى بولىپ جۇمىس ىستەگەن.

2013-2016 جىلدارى قازاقستان رەسپۋبليكاسى "شىعىس" وڭىرلىك قولباسشىلىعى اسكەرلەرىنىڭ قولباسشىسى قىزمەتىن اتقاردى، 2016 جىلى قارۋلى كۇشتەر قۇرلىق اسكەرلەرىنىڭ باس قولباسشىسى بولىپ تاعايىندالدى.

2019 جىلدىڭ ساۋىرىنەن باستاپ قر قورعانىس ءمينيسترىنىڭ ءبىرىنشى ورىنباسارى - قر قارۋلى كۇشتەرى باس شتابىنىڭ باستىعى بولدى.

Abai.kz