گەنەرال ەرمەكباەۆ!
وتستاۆكىگە ءجاي كەتپەي بۇكىل تەندەر ۇتقان گەنەرالدار مەن شەنەۋنىكتەردىڭ تۋىسقاندارىن ايتىپ كەتىڭىز!
ەل ءبىلۋ كەرەك ەلىمىزدەگى جەمقور باتىرلاردى!
مىڭ مينيستر اۋىسسا دا، ءبارىبىر ناتيجە بولمايدى!
سەبەبى اسكەري قورعانىستى جەمقورلىق جاۋلاپ ەمەس، ۇيا سالىپ تورلاپ العان!
كەز كەلگەن ەلدى باسىپ الۋ ءۇشىن ەڭ ءبىرىنشى قارۋ جاراماق قويماسىن ورتەيتىنىن تاريحتان بىلەمىز.
ارىستاعى قويما جارىلعاندا ەرمەكباەۆ “بۇكىل اۋىل ايماققا جاقىن قويمالار كوشىرىلەدى جانە تەكسەرىلىپ قاتاڭ باقىلاۋدا بولادى” دەپ ۋادە بەرگەن ەدى.
حالىقتىڭ كوبىسى بىلە بەرمەيتىن شىعار اسكەرگە ميللياردتاعان ەمەس تريلليونداعان اقشا بولىنەتىنىن.
قارۋ جاراق قاۋىپسىزدىگىنە بولىنگەن قارجىلار تەندەر ارقىلى ويناتىلىپ، ءورتتى الدىن الاتىن قۇرعىلاردىڭ ارزانى ورناتىلىپ ناتيجەسىندە تۇتانعان زاتتى سەزبەي جارىلىس بولاتىنىن ءبىرى بىلسە، ءبىرى بىلمەس. ارىستاعى جارىلىستان سوڭ ساباق المادىق، مەملەكەتىمىزدىڭ قورعانىسى سالاسىندا تەندەردى الىپ تاستاۋ كەرەك!
اسكەري سالاداعى كوپتەگەن جەمقورلىقپەن تانىسپىن! اسكەريلەردىڭ تاماعى، ءتىپتى تەگىن بەرىلەتىن كيىمدەرى، پاتەراقىلارىنا دەيىن جەمقورلىق جايلاعان!
بارلىعى تەندەرمەن ويناتىلادى، تەندەردى ۇتاتىندار سول شەنەۋنىكتەردىڭ تۋىسقانى. اسكەري ساربازدار بىلاماق جەپ جاتسا دا ولارعا ءبارىبىر. كوپ دۇنيە جازۋعا، اشىنىپ تۇرىپ ايتۋعا بولار ەدى. قورعانىس سالاسى ەلىمىزدىڭ قاۋىپسىزدىگىنە قاتىستى بولعان سوڭ وسىمەن توقتايىن!
ءبىزدى شەت ەل تىڭشىلارى دا وقىپ وتىراتىنىن ۇمىتپاۋىمىز كەرەك!
اسىرەسە اسكەري قورعانىسقا قاتىستى ۆيدەو مەن سۋرەتتەر تاراتار كەزدە مەملەكەتىمىزدىڭ قاۋىپسىزدىگىن ويلاڭىزدار!
بىزگە تاليباندار كەلىپ اۋرە بولماي اق قويسا بولادى، ىشتەگى جەمقور تاليباندار جەتىپ جاتىر!
ال گەنەرال ەرمەكباەۆ مىرزاعا ايتارىم ناعىز ەلىن سۇيەتىن وفيتسەر بولسا، بۇكىل جەمقورلاردىڭ ءتىزىمىن ەل الدىنا شىعارماساڭىز دا، پرەزيدەنتكە اشىپ ايتىپ كەتىڭىز!

ايگۇل ورىنبەك

Abai.kz