2000 جىلدان 2021 جىلدىڭ ءبىرىنشى جارتىسىنا دەيىن قازاقستانعا اۋعان ۇلتىنان 608 ادام كوشىپ كەلدى. بۇل تۋرالى LS سايتى مالىمدەدى. 

اۋعانستاننان كەلگەن ازاماتتار سانى 2020 جىلى - 125 ادام، 2011 جىلى - 52 ادام، 2010 جىلى - 45 ادام، 2019 جىلى - 44 ادام، 2000 جىلى - 38 ادام بولىپتى. ال 2002 جانە 2015 جىلدارى ولار قازاقستانعا ءبىر ادامنان قونىس اۋدارعان. ەسكە سالايىق، 2021 جىلدىڭ قاڭتار-ماۋسىمىندا قازاقستانعا قونىس اۋدارعان اۋعان ازاماتتارىنىڭ سانى 78-گە جەتتى. بۇل ۋاقىتتا قازاقستاننان اۋعان ۇلتىنىڭ سەگىز ادامى عانا كەتكەن.

سونىمەن قاتار، ۇلتتىق ستاتيستيكا بيۋروسى 2021 جىلدان بەرى اۋعانستاننان كەلەتىن ميگرانتتار تۋرالى مالىمەتتەردى بولەك ساقتاپ كەلەدى. ماسەلەن، وسى جىلدىڭ ءبىرىنشى جارتىجىلدىعىندا بۇل ەلدەن قازاقستانعا 113 ادام كوشىپ كەلگەن. سونىمەن قاتار، بيۋرو مالىمەتىنشە قازاقستاندىقتاردىڭ اۋعانستانعا تۇراقتى تۇرۋعا كەتۋىن تىركەمەگەن.

ال، ازىرگە اۋعان بوسقىندارىنىڭ قازاقستانعا كەلۋ مۇمكىندىگى تۋرالى ماسەلە كوتەرىلگەن جوق.

Abai.kz