جۇما كۇنى جاپونيادا كوروناۆيرۋس ينفەكتسياسىنا شالدىعۋدىڭ راستالعان جاعدايلارىنىڭ سانى 1 ميلليوننان استى، دەپ حابارلايدى قازاقپارات. 

بۇعان جاپونيانىڭ كوپتەگەن پرەفەكتۋرالارى سوڭعى كۇندەرى ۆيرۋسقا شالدىعۋدىڭ راستالعان وقيعالاردىڭ رەكوردتىق كورسەتكىشتەرى تىركەلگەنى سەبەپ بولدى.

جۇما كۇنى توكيونىڭ ەلوردالىق ۇكىمەتى كوروناۆيرۋسقا شالدىعۋدىڭ كۇنسايىنعى 4515 وقيعاسىن راستادى. بۇل ەل استاناسىندا تىركەلگەن ەكىنشى كورسەتكىش، سەبەبى ءبىر كۇن بۇرىن، ياعني بەيسەنبىدە رەكوردتىق 5042 جاعداي تۋرالى حابارلانعان بولاتىن.

سونداي-اق وساكا پرەفەكتۋراسى رەكوردتىق 1310 وقيعا تۋرالى مالىمدەدى. پرەمەر-مينيستر يوسيحيدە سۋگا ەندى پاراليمپيادا ويىندارىن كورەرمەندەرمەن وتكىزۋ ماسەلەسىن ونىڭ ۇيىمداستىرۋشىلارى جانە ۇكىمەتتەردىڭ بەسجاقتى كەزدەسۋىنەن كەيىن قاراستىرىلاتىنىن مالىمدەدى.

ورتالىق ۇكىمەت، توكيو ۇكىمەتى، ۇيىمداستىرۋ كوميتەتى، حالىقارالىق وليمپيادا كوميتەتى جانە حالىقارالىق پاراليمپيادا كوميتەتى جەكسەنبى كۇنى، وليمپيادا ويىندارى اياقتالعان سوڭ كەزدەسەدى.

پاراليمپيادا ويىندارى 24 تامىزدا باستالۋى ءتيىس.

Abai.kz