تۇركيا پرەزيدەنتى رەجەپ تايىپ ەردوعان 187 ءورتتىڭ 15 -ءى جالعاسىپ جاتقانىن ايتتى. بۇل تۋرالى ول A Haber مەن ATV تەلەارنالارىنىڭ بىرلەسكەن باعدارلاماسىندا حابارلادى.

"سەگىزىنشى كۇن ءورت توقتار ەمەس. ول ءالى دە ءوز كۇشىندە. قوناقۇيلەردە قالعان ادامدار بار. ءبىز ەۆاكۋاتسيا جاسادىق. ءبىز تەڭىزدەن دە، قۇرلىقتان دا ەۆاكۋاتسيا جاساپ جاتىرمىز. الەمنىڭ كوپتەگەن بولىكتەرىندەگى سياقتى ءبىزدىڭ ەلدە دە ورمان ورتتەرىنىڭ سانى كۇرت ءوستى. ساياساتقا ورىن بولماۋى كەرەك. ءبىزدىڭ ويىمىزشا 8 كۇن ىشىندە 187 ءورت بولدى. 187 ءورتتىڭ 15 -ءى ءالى دە جالعاسۋدا. ولاردىڭ كوپشىلىگى باقىلاۋدا",  - دەدى پرەزيدەنت.

ونىڭ ايتۋىنشا، ميلاس ايماعىنداعى جىلۋ ەلەكتر ورتالىعىنا ءورت قاۋپى ءتونىپ تۇر. تىكۇشاقتار مەن ۇشاقتار ءسوندىرۋ جۇمىستارىن جۇرگىزۋدە.

28 شىلدەدەن باستاپ 13 پروۆينتسياداعى ورمان ءورتىنىڭ سالدارىنان تۋريستىك ماۋسىمنىڭ ورتاسىندا كوپتەگەن تانىمال تۇرىك كۋرورتتارى وت قۇشاعىندا قالدى. تۇركياداعى ءورتتى "جالىن ۇلاندارى" ۇيىمى ءوز موينىنا العان ەدى.

Abai.kz