كوروناۆيرۋستىڭ ورشۋىنە بايلانىستى بيىل قازاقستاندا قۇربان شالۋ ەكى ءتۇرلى جولمەن ىسكە اسپاق. ءبىرىنشى جولى قاتاڭ سانيتارلىق تالاپتاردى ساقتاپ، ءداستۇرلى نەگىزدە قۇربان شالۋدى ىسكە اسىرسا. ەكىنشى جولى ونلاين فورماتتا.

"قىزىل" ايماقتاعى قۇربان شالۋشىعا قولايلى جاعداي جاساۋ جانە كومەككە مۇقتاج جانداردى قولداۋ ماقساتىندا وتكەن جىلداعى تاجىريبەنى قولدانىپ، qurban2021.kz سايتى ارقىلى تەك ونلاين رەجيمدە جۇزەگە اساتىن بولادى.

سايت 15 شىلدەدەن باستاپ ىسكە قوسىلدى. qurban2021.kz 22 شىلدەگە دەيىن جۇمىس ىستەيدى. قۇربان شالۋعا نيەت ەتكەندەر سول ارالىقتا تاپسىرىس بەرە الادى. ال مۇقتاج وتباسىلار قۇرباندىق ەتىن الۋ ءۇشىن 17 شىلدەدەن باستاپ سايت ارقىلى ءوتىنىش بىلدىرە الادى.

قۇرباندىق مالىن شالۋ ءۇشىن تاپسىرىس بەرۋ: بۇل جەردە تاپسىرىس بەرۋشى ءوڭىردى تاڭداپ، قاجەت انكەتالىق مالىمەتتى تولتىرادى. قۇرباندىق ەتىن الۋ ءۇشىن ءوتىنىش قالدىرۋ (مۇقتاج جاندار ءۇشىن): بۇل فۋنكتسيا 17 شىلدەدەن باستاپ قوسىلادى. قۇرباندىق شالىنعاندىعى تۋرالى مالىمەت: بۇل فۋنتسيا ارقىلى تاپسىرىس بەرگەن ادام مالىمەت الا الادى.

قمدب توراعاسىنىڭ ورىنباسارى، نايب ءمۇفتي وڭعار ەرشاتتىڭ سوزىنشە، بىلتىر ونلاين قۇربان شالۋدىڭ ەسەبى WhatsApp ارقىلى سۋرەتىن، قاجەت جاعدايدا بەينەجازبا جىبەرىپ وتىرعان. بەينەجازبادا مال كىمنىڭ اتىنان شالىنىپ جاتقانى دا اتاپ وتىلگەن. بيىل دا ونلاين تاپسىرىس بەرىلگەن قۇرباندىقتىڭ شالىنۋ بارىسىن سايت ارقىلى قاداعالاۋعا بولادى.

Abai.kz