ەلىمىزدەگى جاۋاپتى ناۋقان - جاڭا وقۋ جىلىنا تالاپكەرلەر قابىلداۋى باستالار الدىندا جوعارى ءدىني ماماندار دايارلايتان نۇر-مۇباراك ۋنيۆەرسيتەتىنىڭ پرورەكتورى، پروفەسسور ءشامشادين كەرىمگە ءتىلشىمىز جولىعىپ، بىرنەشە ساۋالدار قويىپ، جاۋاپ العان ەدى.

- قۇرمەتتى ءشامشادين تۇرسىنۇلى! سىزبەن «پورتال قوناعى» رەتىندە تاعى دا كەزدەسۋدىڭ جولى ءتۇستى. بۇل كەزدەيسوق ەمەس. شامالى كۇندەردەن كەيىن «نۇر-مۇباراك» ەگيپەت يسلام مادەنيەتى ۋنيۆەرسيتەتىنە كەزەكتى قابىلداۋ ماۋسىمى باستالاتىنىن بىلەمىز. وسى رەتتە، قابىلداۋ بارىسىندا بيىل نەندەي وزگەرىستەر مەن جاڭالىقتار بار، قانداي قۇجاتتار تاپسىرۋى قاجەت؟

ەلىمىزدەگى جاۋاپتى ناۋقان - جاڭا وقۋ جىلىنا تالاپكەرلەر قابىلداۋى باستالار الدىندا جوعارى ءدىني ماماندار دايارلايتان نۇر-مۇباراك ۋنيۆەرسيتەتىنىڭ پرورەكتورى، پروفەسسور ءشامشادين كەرىمگە ءتىلشىمىز جولىعىپ، بىرنەشە ساۋالدار قويىپ، جاۋاپ العان ەدى.

- قۇرمەتتى ءشامشادين تۇرسىنۇلى! سىزبەن «پورتال قوناعى» رەتىندە تاعى دا كەزدەسۋدىڭ جولى ءتۇستى. بۇل كەزدەيسوق ەمەس. شامالى كۇندەردەن كەيىن «نۇر-مۇباراك» ەگيپەت يسلام مادەنيەتى ۋنيۆەرسيتەتىنە كەزەكتى قابىلداۋ ماۋسىمى باستالاتىنىن بىلەمىز. وسى رەتتە، قابىلداۋ بارىسىندا بيىل نەندەي وزگەرىستەر مەن جاڭالىقتار بار، قانداي قۇجاتتار تاپسىرۋى قاجەت؟

- وتكەن وقۋ جىلىنان باستاپ «يسلامتانۋ» ماماندىعىنىڭ باكالاۆر بولىمىنە مەملەكەت تاراپىنان گرانت بولىنە باستادى. اللا قالاسا، بيىلعى وقۋ جىلىندا 100 گرانت بولىنبەكشى. بۇل گرانتتاردى تەست ءتاسىلى ەمتيحانىمەن ەڭ جوعارى بالل جيناعان تالاپكەرلەر يەلەنەدى. 60-تان جوعارى بالل جيناپ گرانتقا قول جەتكىزە الماعان تالاپكەرلەر اقىلى بولىمگە سۇحبات ارقىلى قابىلدانادى. تولەماقى كولەمىنىڭ ەڭ تومەنگى مولشەرىن قر ءبىلىم جانە عىلىم مينيسترلىگى بەلگىلەيدى. جوو وسى بەلگىلەنگەن مولشەردەن كەم الۋعا حۇقى جوق. بىلتىر ءبىر جىلدىق تولەم - 320 مىڭ بولىپ بەلگىلەنسە، بيىل ودان كەم بولماسى انىق. وقۋ ورنىنا تەك ۇكىمەت جىل سايىن بەلگىلەگەن تولەماقىنى 10 پايىزعا دەيىن عانا تومەندەتۋگە رۇقسات ەتىلەدى. سول سەبەپتەن تالاپكەرلەرگە ايتار كەڭەسىم - گرانتقا ىلىگۋ ءۇشىن كۇش سالىپ، ارەكەتتەنگەنى ءجون. ءبىز گرانتقا تۇسكەندەردىڭ يماندى، قابىلەتتى، بولاشاق ءدىن جۇمىسىنا بارۋعا دايار جاستار بولعانىن قالايمىز. مەملەكەتتىك تاپسىرىس گرانتتارى ەڭ الدىمەن مەشىتتەرگە بىلىكتى، يمامدار دايىنداۋ ماقساتىندا ءبولىنىپ وتىر. تەست تاسىلىندەگى ەمتيحاندى قر ءبىلىم جانە عىلىم مينيسترلىگى وتكىزەدى. قابىلداۋ قر ءبىلىم جانە عىلىم مينيسترلىگىنىڭ ەرەجە-تالاپتارىنا ساي جۇرمەك.

- تالاپكەرلەرگە ەرەكشە قۇلاق قاعىس، قابىلداۋ كوميسسياسى 20-شى ماۋسىمنان باستاپ ءوز جۇمىسىن باستايدى. «يسلامتانۋ» ماماندىعىنا قۇجاتتاردى قابىلداۋ 20-شى ماۋسىم مەن 1-ءشى شىلدە ارالىعىندا، 2-7 شىلدە ارالىعىندا شىعارماشىلىق ەكى پاننەن ەمتيحان بولادى، ودان سوڭ كەشەندىك تەستكە جىبەرىلەدى. ياعني، كورىپ وتىرسىزدار، وقۋعا قابىلداۋ ۇدەرىسى وتە قىسقا ۋاقىتتىڭ ىشىندە وتكەلى وتىر. سوندىقتان «يمام بولام، «يسلامتانۋ» ماماندىعىنا گرانتقا ىلىگەم» دەگەندەر وسى قىسقا ۋاقىتتا قۇجاتتارىن تاپسىرىپ، شىعارماشىلىق ەمتيحاننان وتپەسە، ۇلگەرمەيدى. ال مەكتەپتى بيىل بىتىرگەندەر كەشەندىك تەستكە جىبەرىلمەيدى. ولاردىڭ مەكتەپتە تاپسىرعان ەمتيحاندارىنداعى «قازاقستان تاريحى» مەن قازاق (ورىس) تىلىنەن العان بالدارى ەسكەرىلەدى. قابىلداۋعا قاتىستى مالىمەتتەردى مىنا تەلەفونداردان الا الاسىزدار: 8-727- 302-09-40.

- بۇعان قوسىمشا «ءدىنتانۋ»، «اراب-اعىلشىن»، «اعىلشىن-اراب» ماماندىقتارىنا دا تالاپكەرلەر قابىلدانادى. «ءدىنتانۋ» ماماندىعىنا جوعارى ءبىلىمى بارلارعا قىسقارتىلعان 2 جىلدىق باعدارلامامەن وقۋعا سىرتتاي بولىمگە ارنالعان توپقا قابىلدانادى. بۇل اسىرەسە، جۇمىسىنان قول ۇزبەي «قوسىمشا ماماندىق الام» دەگەن ءدىن قىزمەتكەرلەرىنە كومەك بولماق. يسلامتانۋ ماماندىعىنا ءتۇسۋشى تالاپكەرلەردەن ءبىلىم جانە عىلىم مينيسترلىگىنىڭ «جوو قابىلداۋ ەرەجەسىندە» كورسەتىلگەن قۇجاتتاردان تىس، ناركولوگيالىق جانە پسيحوتەراپيالىق ديسپانسەردەن انىقتاما، سوتتالماعاندىعى تۋرالى كۋالىك تالاپ ەتىلەدى.

بۇرىنعى وقۋ جىلدارىندا «شەتەل فيلولوگياسى»، «ءدىنتانۋ» ماماندىعىنا ماگيستراتۋرا ءبولىمى اشىلىپ،تالاپكەرلەر قابىلدانىپ كەلسە، بيىلعى وقۋ جىلىنان باستاپ «يسلامتانۋ» ماماندىعىنا دا ماگيستراتۋرا بولىمىنە تالاپكەرلەر قابىلدانادى. سونىمەن بىرگە وسى ءۇش ماماندىققا دا دوكتورانتۋرا ءبولىمى اشىلىپ وتىر. بۇيىرتسا، اتالعان ماماندىقتارعا ماگيستراتۋرا مەن رھد دوكتورانتۋرا ءۇشىن ارناۋلى گرانت بولىنەدى دەپ كۇتىپ وتىرمىز.

تولىعىراق haq.abai.kz سايتىنان وقي الاسىزدار