قىركۇيەك ايىندا جامبىل وبلىسىندا سالىنىپ جاتقان زاۋىتتان QazVac ۆاكتسيناسىنىڭ بىردەن ميلليون دوزاسى شىعادى. بۇل تۋرالى ءوڭىر باسشىسى بەردىبەك ساپارباەۆ ايتتى. 

- ءساۋىر جانە مامىر ايلارىندا ۆاكتسينانىڭ 50 مىڭ دوزاسى شىعارىلدى، ماۋسىم ايىندا – 100 مىڭ ، شىلدە - تامىز ايلارىندا – 500 مىڭ، قىركۇيەكتەن باستاپ – 1 ملن دوزاسى شىعارىلادى،- دەدى ساپارباەۆ.

ونىڭ ايتۋىنشا، اتالعان زاۋىت ۆاكتسينالاردىڭ ادامدارعا دا، جانۋارلارعا دا ارنالعان باسقا تۇرلەرىن دە دايىندايدى.

ول زاۋىتتىڭ تەحنيكالىق ىسكە قوسىلۋى 19 ماۋسىمدا بولعانىن حابارلادى. قازىرگى ۋاقىتتا اقش پەن قىتايدان جەتكىزىلەتىن جابدىقتى باپتاۋ جانە مونتاجداۋ اياقتالۋدا. اكىم پاندەمياعا بايلانىستى جابدىقتى جەتكىزۋدە قيىندىقتار بولعانىن، الايدا قازىرگى ۋاقىتتا بارلىق قاجەتتىلىكتىڭ 99% جەتكىزىلگەنىن اتاپ ءوتتى. جابدىقتى قابىلداۋ اياقتالعاننان كەيىن تەحنولوگيالار تەكسەرىلە باستايدى، سودان كەيىن ولار GMP تالاپتارىنا سايكەستىگى تەكسەرىلەدى.

- بۇل كەم دەگەندە ءبىر جارىم ايدى الادى. سودان كەيىن ءبىز سەرتيفيكات الىپ، ليتسەنزيالاۋدان ءوتۋىمىز كەرەك, - دەدى وبلىس اكىمى.

ايتا كەتەيىك، 2020 جىلى جامبىل وبلىسى، قورداي اۋدانىنداعى گۆاردەيسكي اۋىلىندا كوروناۆيرۋسقا قارسى وتاندىق ۆاكتسينا شىعاراتىن زاۋىتتىڭ قۇرىلىسى باستالعان بولاتىن. زاۋىت قۇرىلىسىنا 5 ميلليارد تەڭگە ءبولىندى. ول الدىمەن كوكتەمدە، سودان كەيىن جازدا، سودان كەيىن 2021 جىلدىڭ اياعىندا جۇمىس ىستەي باستايدى دەپ بولجانعان. ال، 2021 جىلى ساۋىردە پرەمەر-ءمينيستردىڭ ورىنباسارى ەرالى توعجانوۆ قازاقستاندىق ۆاكتسينا تۇركيادا شىعارىلاتىندىعىن جانە الدىن الا قۇجاتتارعا قول قويىلعانىن ايتقان ەدى.

Abai.kz