قىرعىزستاننىڭ ساندىق دامۋ مينيسترلىگى 2023 جىلدىڭ سوڭىنا دەيىن تەحنولوگيانى 5G جەتكىزەمىز دەپ جوسپارلاپ وتىر. بۇل جءونىندە قىرعىزستاننىڭ 2021-2023 جىلدارعا ارنالعان ساندىق ەكونوميكالىق تۇجىرىمداماسىندا ايتىلعان.

مەكەمەنىڭ مالىمەتىنشە، قازىر بايلانىس سالاسى ءالى 4G-عا دا جەتپەگەن، بىراق ۇلتتىق تەلەكوممۋنيكاتسيالىق سالا 5G ەنگىزۋدى قاجەت ەتەدى.

5G تەحنولوگياسىن ەنگىزۋ ءۇشىن بايلانىس وپەراتورلارىنا ءتيىمدى جاعداي جاسالىنۋى ءتيىس. ول ءۇشىن جيىلىكتى قازىرگى راديوەلەكتروندىق قۇرالداردان بوساتۋى ءتيىس. سونىمەن بىرگە تاۋلى ايماقتارعا تەستىلەۋ جۇمىسىن جۇرگىزۋى قاجەت.

2020 جىلى كوروناۆيرۋس پاندەمياسى باستالعان كەزدە، "5G انتەنناسى ارقىلى ۆيرۋس تارايدى ەكەن" دەگەن اڭگىمە شىققان. سول كەزدە قىرعىز بيلىگى قىرعىزستان اۋماعىنا ءالى 5G ەنگىزىلمەگەنىن، راديوتولقىندار ۆيرۋس تاراتا المايتىنىن جەتكىزگەن.

Abai.kz