وقىرماندارىن يماني ماڭگi قۇندىلىقتارعا شاقىرعان جىرلار - قاشان دا ومiرشەڭ. ونداي دۇنيەلەردiڭ قامتىمايتىن اۋديتورياسى جوق. جاسى بار، جاسامىسى بار قاراپايىم ەڭبەككەردەن باستاپ عۇلاما عالىمدارىڭىزعا دەيiنگi ارالىقتا كوكiرەك كوزi وياۋ جانداردىڭ جاقسى جىرعا ەلەڭ ەتپەيتiندەرi شامالى. سەبەبi, قوعامدىق قۇرىلىمدار مەن زامانالار وزگەرسە دە ءوزiنiڭ ءتۇپ نەگiزiنە، جاراتۋشىسىنىڭ راحىمىنا دەگەن ادام بالاسىنىڭ ۇمتىلىسى - ماڭگiلiك.

سونداي دۇنيەلەردiڭ بiرi مۇقاعالي جىرلارى ەكەنiن ۋاقىت تورەشi ءوزi دالەلدەپ كەلەدi. اسiرەسە، اقىننىڭ 80 جىلدىق تويى قارساڭىندا گازەت-جۋرنالداردا جاريالانعان جۇرەك جاردى پiكiرلەر تاسقىنى - سونىڭ دالەلi.

اقىننىڭ تۋعان قاراسازىنداعى ءۇش جۇزگە ساۋىن ايتقان القالى تويى قارساڭىندا ەكونوميكا عىلىمدارىنىڭ دوكتورى، پروفەسسور راحمان الشان ماعان تەلەفون شالدى.

- "جاس الاش" گازەتiنەن مۇقاڭنىڭ جىرلارى جايلى "جاراتۋشى، جالعىز يەم، قولداي گور" دەگەن بiر بەت ماقالاڭدى وقىپ شىعىپ، ويىما ستۋدەنتتiك كەزدەرiم ءتۇسiپ، ەرەكشە تەبiرە­نiس­تە وتىرمىن. راسىندا ول كiسi ۇلى اقىن ەدi عوي. مۇقاڭمەن كەزدەسكەن كەزدەرiمiز ءالi ەسiمدە، - دەدi عالىم.

وقىرماندارىن يماني ماڭگi قۇندىلىقتارعا شاقىرعان جىرلار - قاشان دا ومiرشەڭ. ونداي دۇنيەلەردiڭ قامتىمايتىن اۋديتورياسى جوق. جاسى بار، جاسامىسى بار قاراپايىم ەڭبەككەردەن باستاپ عۇلاما عالىمدارىڭىزعا دەيiنگi ارالىقتا كوكiرەك كوزi وياۋ جانداردىڭ جاقسى جىرعا ەلەڭ ەتپەيتiندەرi شامالى. سەبەبi, قوعامدىق قۇرىلىمدار مەن زامانالار وزگەرسە دە ءوزiنiڭ ءتۇپ نەگiزiنە، جاراتۋشىسىنىڭ راحىمىنا دەگەن ادام بالاسىنىڭ ۇمتىلىسى - ماڭگiلiك.

سونداي دۇنيەلەردiڭ بiرi مۇقاعالي جىرلارى ەكەنiن ۋاقىت تورەشi ءوزi دالەلدەپ كەلەدi. اسiرەسە، اقىننىڭ 80 جىلدىق تويى قارساڭىندا گازەت-جۋرنالداردا جاريالانعان جۇرەك جاردى پiكiرلەر تاسقىنى - سونىڭ دالەلi.

اقىننىڭ تۋعان قاراسازىنداعى ءۇش جۇزگە ساۋىن ايتقان القالى تويى قارساڭىندا ەكونوميكا عىلىمدارىنىڭ دوكتورى، پروفەسسور راحمان الشان ماعان تەلەفون شالدى.

- "جاس الاش" گازەتiنەن مۇقاڭنىڭ جىرلارى جايلى "جاراتۋشى، جالعىز يەم، قولداي گور" دەگەن بiر بەت ماقالاڭدى وقىپ شىعىپ، ويىما ستۋدەنتتiك كەزدەرiم ءتۇسiپ، ەرەكشە تەبiرە­نiس­تە وتىرمىن. راسىندا ول كiسi ۇلى اقىن ەدi عوي. مۇقاڭمەن كەزدەسكەن كەزدەرiمiز ءالi ەسiمدە، - دەدi عالىم.

راسىن ايتۋ كەرەك، قىرۋار عىلىمي جۇمىستارىن بىلاي قويعاندا، جاۋاپتى مەملە­كەتتiك iستەرiنەن قولى قالت ەتiپ، ءوز جەكە تۇرمىس-تiرشiلiگiنە دە مويىن بۇرۋى قيىن جاننىڭ پوەزياعا دەگەن مۇنداي iلتيپاتى مەنi قايران قالدىر­عان ەدi. "گازەت-جۋرنالدى اشىپ قالساڭ دا، تەلەديداردى باسىپ قالساڭ دا" مەملەكەتتiك جيىندار مەن شارالاردىڭ بەل ورتاسىنان تابىلىپ، ەلدەگi بiلiم قامى ءۇشiن الىس-جاقىن شەتەلدەرگە دە شاپقىلاۋمەن جۇرەتiن قازاقستان جوعارى وقۋ ورىندارى رەكتورلارى قاۋىمداستىعىنىڭ توراعاسى، "تۇران" ۋنيۆەر­سي­­تەتiنiڭ رەكتورى راحمان باۋىرىمىزدىڭ وسىلايشا تەبiرەنە تۇرىپ، پiكiر ايتۋى، ءسوز جوق، ماقاتاەۆ پوەزياسىنىڭ قۋات-كۇشi ەدi.

- ول جىلدارى قازمۋ-دىڭ فيلوسوفيا-ەكونوميكا فاكۋل­تە­تiنiڭ ستۋدەنتi بولاتىنمىن. ءوزiڭ بiلەسiڭ: مەن يا اقىن، يا جۋرناليست ەمەسپiن. بiراق اۋىل بالاسىمىز عوي، مۇقاڭنىڭ جىرلارى جۇرە­گiمە ءدوپ تيەتiن. بiر مەن عانا ەمەس، قا­سىمداعى باسقا دوستارىم دا ول كiسi­مەن ءار كەزدەسكەن سايىن قيالدارىنا قانات بiتiپ، وتانسۇيگiشتiك سەزiم­دەرi ارتىپ، بولاشاققا دەگەن ماقساتتارىنىڭ ايقىندالىپ، بiر تولقىپ قالاتىندارىن جاسىرمايتىن. ولار بولاشاق ءارتۇرلi ماماندىق يەلەرi ەدi.

ول جىلدارى ساباعىمىزدىڭ بiرازى سول كەزدەگi ماسانچي مەن كيروۆ كوشەلەرiنiڭ قيىلىسىنداعى قازمۋ-دىڭ مەحانيكا-ماتەماتيكا وقۋ كورپۋسىندا وتەدi دە، كەلەسi بولiگi باس پوشتانىڭ جانىنداعى ۋنيۆەرسي­تە­تiمiزدiڭ باس كورپۋسىندا جۇرگiزiلەتiن. سودان بiزدiڭ فاكۋلتەت ستۋدەنتتەرiنiڭ دامىل تاپپاي، ەكi ارادا شاپقىلاپ جۇرگەندەرi... ساباق پەن ساباق اراسىندا، جۇرەك جال­عاپ الۋ ءۇشiن، سول كەزدەگi "الاتاۋ" قوناقۇيiنiڭ ەڭ استىڭعى قاباتىنداعى "پەلمەنحاناعا" بارامىز. ول جەردە بiز جيi-جيi ۇلى اقىندى، مۇقاعالي ماقاتاەۆتى كەز­دەستiرiپ قالۋشى ەك. ول كiسi قۇددى بiر ءوز تۋعان بالالارىن قارسى العانداي-اق، بiزبەن شۇرقىراسا كەتەتiن. بiزدi كورiسiمەن:

- اۋ، جاستار، كەلiڭدەر، مەن سەندەرگە تاڭ الدىندا عانا جازعان جىرىمدى وقىپ بەرەيiن. سەندەرگە كوبi­رەك جىر تىڭداعان جاقسى. جۇرەكتەرiڭ جۇمسارادى، - دەيتiن دە ءوزiنiڭ قوڭىر ۇنiمەن باستاپ كەتەتiن. بولاشاق ەكونوميست رەتiندە وقىپ-توقىپ جۇرگەن تولىپ جات­قان ەسەپ-قيساپتارىم مەن ۇشى- قيىرسىز تەوريالارىم بiر ءسات ەستەن شىعىپ، جۇرەگiمدi اقىن جىرلارى جاۋلاپ الۋشى ەدi. "اقىننىڭ جاڭا ولەڭiنiڭ العاشقى وقىرماندارىنىڭ بiرi بولدىم" دەگەن ماقتانىش سەزiمi پايدا بولاتىن كوكi­رەگiمدە. اراسىندا بۇرىن جازىلعان ولەڭدەرiن دە وقىپ قوياتىنى بار. "ولەڭدەرiن سول ەستiگەن ساتiمدە جاتتاپ الا قويدىم" دەپ ايتا المايمىن. دەگەنمەن، كەيiنiرەك مۇقاڭنىڭ پىشاقتىڭ قىرىنداي جۇقا-جۇقا كi­تاپشالارىنان سول جولى ءوزi وقىپ بەرگەن جىرلارىن بiردەن تانيتىنمىن. جانە بوس ۋاقىتىم بولا قالسا، جىرلارىن قايتالاپ وقىپ جۇرەتiن ەدiم. ال اقىن، جۋرناليست دوس­تارىمىز تۋرالى ءسوز باسقا. ولار اقىننىڭ جاڭا ولەڭiن سول مەزەتiندە-اق جازىپ الىپ، جاتقا وقىپ، شابىتتانىپ كەتi­سەتiن.

- سەندەر ءتۇشپارالارىڭدى جەي بەرiڭدەر، تاماق iشiپ بولعاندارىڭشا مەن سەندەرگە قىسقا ولەڭدەرiمنەن وقىپ بەرەيiن. ساباقتارىڭنان قالىپ قويماڭدار. سەندەرگە بiلiم دە كەرەك، جىر دا كەرەك. بiلiم اقىلدارىڭدى، جىر جۇرەك­تەرiڭدi بايىتادى، - دەپ ءوزiنiڭ قوڭىر داۋسىمەن وقي جونەلە­تiن ەدi. سونداي جىرلارىنىڭ بiرi ەرiكسiز ەسiمiزدە قالىپ قويىپتى. سەبەبi, تۋعان اۋىلدارىن اڭساپ، ساعىنىشتان جۇدەپ جۇرگەن بiز سەكiلدi ستۋدەنتتەرگە ول ولەڭiنiڭ ەرەكشە ىستىق بولعانى تۇسiنiكتi دەپ ويلايمىن. قازiر دە مiنە قولىمدا - مۇقاڭنىڭ كiتابى. سول باياعى بiزدiڭ ساعىنىشىمىزدى مولايتا تۇسكەن ولە­ڭiنە تاعى دا كوز سالىپ وتىرمىن. سونى وقىپ بەرەيiن.

"بiر اڭگiمە قوزعاشى اۋىل جايلى،

بۇدان ارتىق راحات­ تابىلمايدى.

بۇلدىراسىن وتكەن

كۇن ساعىمداي بiر،

بiر اڭگiمە قوزعاشى اۋىل جايلى.

قار دا iلiگiپ قالعان-دى تاۋ باسىنا،

مۇز توڭدى ما،

بۇلاقتىڭ جامباسىنا؟

سۋىق كەلiپ، سۋىر دا جاتقان شىعار،

قامداپ الىپ ازىعىن قامباسىنا", -

دەيدi اقىن كەۋدەسiن كەرە، تەرەڭ بiر كۇرسiنiپ. "وقۋ، وقۋ" دەپ ءجۇرiپ، كوپتەن بەرi اۋىلعا بارا الماي جۇرگەن بiزدەر مۇڭايىسىپ قالامىز. سونى سەزگەندەي-اق، مۇقاڭ: "وي، باتشاعارلار! ەندەشە، باسقا تاقىرىپقا ويىسايىق!" - دەيدi دە:

"كوكتەم دە كەلەر،

وت وينار ءالi اسپاندا.

كوگەرەر ءالi:

كارi ەمەن، قايىڭ، جاس تال دا،

دۇلەيدiڭ شوعى

تۇسپەسە ەكەن دەپ تiلە،

اسپاندا اپات زاريادتار

جاعالاسقاندا..."-

دەپ باستالاتىن ولەڭiن وقي جونەلدi. ويلانىپ قالامىز. "سولاي بوپ كەتۋi مۇمكiن ەكەن-اۋ!" - دەگەن وي مازالايتىن بiزدi. بۇل ولەڭدەردi مەن قازiر دە جاتقا ايتىپ وتىرعان جوقپىن، ارينە. سول جىلدارى ءوزiم اقىن اۋزىنان تi­كەلەي ەستiگەن وسىنداي ولەڭ­دەرi قازiر دە ماعان ەرەكشە ىس­تىق. مەنiڭ ويىمشا، جيىرمانىڭ ۇستiندەگi ستۋدەنت كەزi­مiزدە بiزگە قاتتى اسەر ەتكەن اقىننىڭ ولەڭ­دەرi ۋاقىت وتە كەلە ودان بەتەر قۋاتتانىپ كەتكەن سياقتى. قازiرگi ستۋدەنت جاستاردىڭ مۇقاعالي پوەزياسىنا ارنالعان شىعارماشىلىق كەش­تەرiن قاراپ جۇرەمiن. بۇگiنگi جاس ءدال كەشەگi بiز سياقتى تولقيدى مۇقاڭ جىرلارىن وقىپ تۇرىپ. كۇندەلiگiندە ءوزi ايت­قان ەدi عوي: "بالكiم، مەن كەلەر عاسىر جاستارىنىڭ قۇرداسىمىن", - دەپ.

ول كەزدەرi قازمۋ-دىڭ باس كورپۋسى قازiرگi تەاتر-ونەر اكادەمياسى ورنالاسقان عيماراتتا، باس پوشتانىڭ قاسىندا بولاتىن. ۋنيۆەرسيتەتiمiزدiڭ الدىندا سۋبۇرقاق بار ەدi. اينالاسى جاسىل باق، جاعالاي قويىلعان ۇزىنشا ورىندىقتار. مۇقاڭدى كەيدە سول ورىندىقتاردان كورەتiن ەدiك. قوس قولىمەن ورىندىقتىڭ قوس قاپتالىن قاپسىرا ۇستاعان كۇيi قايران تالانت الىسقا، تىم بيiككە شابىتتانا كوز سالىپ وتىراتىن. قۇددى بiر قوس قاناتىن جايعان قىران دەسە بولعانداي. جالپى، مەن ءوز باسىم مۇقاڭنىڭ ەشقاشان جۇدەپ-جاداپ، ۇسقىنى كەتiپ جۇرگەن كەزiن كورگەن ەمەسپiن. كەيبiرەۋلەر "اناۋ-مىناۋ" دەپ ول كiسiنiڭ كەيبiر پەندەشiلiك قىرلارىن اۋىزعا الىپ جاتادى. ءبارiمiز دە جۇمىر باستى پەندەمiز. پەندەشiلiك كiمدە جوق!؟ كەمشiلiكسiز ادامدى تاۋىپ بەرiڭiزشi ماعان!؟

ول كiسiنi كورiسiمەن، امانداسىپ، قاسىنا جەتiپ بارىسامىز. جادىراي كۇلiپ، قۋانا قارسى الاتىن. تاعى دا ولەڭدەرiن وقيتىن. بوس ۋاقىتىمىز بار بولسا، جىرلارىن تىڭداي بەرۋدەن جالىقپايمىز. سونداعى مەنiڭ بايقاعانىم: اقىن ماقاتاەۆتىڭ اينالاسىندا كوبiنە جاستار جۇرەتiن. تالانتتى جاستار. بۇل زاڭدى كورiنiس ەدi. سەبەبi, جاقسىنى، شىن تالانتتى جاستار كوبi­رەك تانيدى عوي دەپ ويلايمىن. جۋرناليستەرمەن بiر كورپۋستا وقىدىق. ۇنەمi مۇقاڭنىڭ اينالاسىنان كورiنەتiن، ءجۇزiتانىس اقىن جiگiتتەرiمiزدiڭ كوپ­شiلiگi جۋرفاكتىڭ، فيلفاكتىڭ ستۋ­دەنتتەرi ەدi. ۋنيۆەرسيتەتتە شىعارماشىلىق كەشتەر بولا قالسا، ەكپiندەتiپ جىرلارىن وقىپ تۇراتىن. مۇقاڭنىڭ اسەرi ولاردىڭ جىرلارىنان دا، ءوز-وزدەرiن ۇستاۋلارىنان دا بiردەن بايقالۋشى ەدi.

"شىعارماشىلىق كەشتەر" دەمەكشi, فيلولوگيا، جۋرناليستيكا فاكۋلتەت­تە­رiندە سول كەزدەرi ادەبي ۇيiرمەلەر بار بولاتىن. ولار ءتۇرلi اقىن-جازۋشىلارمەن كەزدەسۋلەر ۇيىمداستىرۋشى ەدi. ءوز باسىم سول جىلدارى "مۇقاعاليمەن كەزدەسۋ ۇيىمداستىرىلدى» دەگەندi ەستiمەپپiن. سونىڭ ءبارi ول كiسiنiڭ جۇرەگiنە باتادى ەكەن عوي. بiر جولى بiزگە: "مەنi كەزدەسۋگە شاقىرساڭدار، پوەزيا جايلى كەڭiرەك ايتىپ بەرەر ەم", - دەپ تە قالعان بولاتىن. فيلولوگيا، جۋرناليستيكا فاكۋلتەت­تەرiنiڭ تiكەلەي ستۋدەنتتەرi بولماعاندىقتان، ۇندەي الماي قالعان ەدiك. بiزدiڭ ارامىزدا دا اقىن جiگiتتەر بولدى. ولار قولدارى قالت ەتسە بiتتi, مۇ­قاعالي اقىننىڭ قاسىنان تابىلىساتىن. ول كiسiنiڭ اسەرiمەن تالاي ولەڭدەر دە جازدى ارiپتەستەرiم.

عالىم راحمان الشاننىڭ وسى جۇرەك جاردى پiكiرi تۇسىندا بiزدiڭ دە ويى­مىز­عا ستۋدەنتتiك شاقتارىمىزدىڭ ورالا كەتكەنi... قازمۋ-دىڭ فيلولوگيا فاكۋل­تەتiنە 1972 جىلى وقۋعا تۇسكەن بiزدەر ۇلى اقىن دۇنيەدەن وتكەندە ءتورتiنشi كۋرستىڭ ستۋدەنتتەرi ەدiك. ءالi ەسiمدە جۋرفاك پەن بiزدiڭ فاكۋلتەتتiڭ بازبiر اقىن جiگiتتەرi:

- بۇگiن بiز مۇقاعالي اقىنمەن بiرگە بولدىق. جىرلارىن تىڭدادىق. كەرەمەت! ەرتەڭ دە بارامىز. شiركiن، مۇقاڭ!!! بiر ءوزi بiر ۋنيۆەرسيتەت قوي! پوەزيا ينستيتۋتى! - دەپ شابىتتانا، شالقي سويلەيتiن.

- شىن اقىندى كورiپ، تىڭداعىلارىڭ كەلسە، بiزبەن بiرگە جۇرiڭدەر، قىزدار، - دەسەدi اقىن جiگiتتەر.

- بiز اقىن ەمەسپiز. ءبiرتۇرلi ىڭعايسىز سياقتى بارعانىمىز. وقۋ كورپۋسىمىز دا باس پوشتانىڭ جانىندا ەمەس. ادەيi iزدەپ بارعانىمىز قالاي بولار ەكەن؟! - دەيمiز بiزدەر تارتىنشاقتاي.

- ەح، قىزدار، قىزدار. جiگiت بوپ جارالماعاندىقتارىڭنان-اق تالاي رۋحاني ولجالاردان قۇر قالىپ جۇرسiڭدەر عوي... - دەيدi ستۋدەنت اقىن جiگiت بiزدi بالاسىنىپ، "شەكەسiنەن" قاراعان كۇيi.

عالىم راحمان الشان ايتپاقشى، بiز وقىعان جىلدارى فاكۋل­تەتتەرiمiزدە اقيىق اقىنمەن ارنايى كەزدەسۋلەر وتكiزiلگەن بولسا، بالكiم، مەن دە ول كiسiنi كورۋ مۇمكiندiگiنە يە بولار ما ەدiم. كەيiن جىلدار وتە كەلە مۇقاڭنىڭ پوەزياسىنا قايتا-قايتا قايرىلعان ساتتەرiمدە ءوز بولمىسىمنان مىنانداي قىزىق جايتتى اڭعاردىم. "مۇقاڭدى تiرشiلi­گiن­دە كورگەن ەمەن", - دەگەن وي سانامدا تۇراقتاپ تۇرا المايدى ەكەن. ارينە، دايەكتەمە شىندىق رەتiندە سولاي دەپ ايتاتىنىم، جازاتىنىم بار. بiراق مەن ول كiسiنi جىرلارى، باسقا دا جازعان دۇنيەلەرi ارقىلى وتە جاقسى ءارi جاقىن تانيتىن سياقتىمىن. بولمىسىن وزiمشە كوڭiل تورiمدە سومداپ ال­عام. وعان عالىم راحمان الشان سياقتى كiسiلەردiڭ ەستەلiك­تەرi دە ءوز رەڭكiن قوسادى تيiسiنشە...

سونىمەن عالىمنىڭ پiكiرiنە قايتا ورالساق.

- مۇقاڭنىڭ 80 جىلدىعىنا بايلانىستى گازەت-جۋرنالداردا سانداعان ماقالالار مەن ول كiسiنiڭ سۋرەتتەرi جاريالانۋدا عوي. سولاردىڭ iشiندە بiر سۋرەت مەنiڭ كوزiمە اسiرەسە وتتاي باسىلدى. اقىن سىرتقى كيiمiنiڭ تۇيمەلەرi اعىتۋلى كۇيدە كو­شە­نi قاق جارىپ كەلەدi ەكەن. بەينە بiر تۇتاس الەمدi كوكiرە­گiنە سىيعىزىپ كەلە جاتقانداي... ول كiسi تiرشiلiگiندە دە سونداي ەدi. "جاس الاش" پەن "انا تiلiندە" قاتار جاريالانعان بۇل سۋرەتكە "انا تiلi" گازەتiندە "اقىن كەتiپ بارادى كوشەمەنەن" دەگەن تاماشا تاقىرىپ قويىلعان ەكەن. مiنە، ءدال وسى سۋرەتتە مۇقاڭنىڭ بۇكiل بولمىسى تۇر. كەڭ، ءمارت ءارi شۋاقتى كوڭiلi... ول كiسiنiڭ جىرى مەن جان شۋاعىنا تالاي بولەنگەنiمiز­دi جوعارىدا ايتتىم عوي. مۇقاڭنىڭ بەينەسiن كينودا نەمەسە تەاتردا سومداماق بولعان اكتەرلەر بولسا، سول سۋرەتكە مۇقيات زەر سالسىن دەگiم كەلەدi. ول كiسiنiڭ جانىندا بiراز جۇرگەن بiزدەر اقىن بولماساق تا اقىندارشا وسىلاي تولقىپ قالاتىنبىز. ءومiردi, ادامداردى شەكسiز سۇيەتiنiن، سول ادامداردان سوققى دا جەپ جۇرگەنiن ول كiسi جىرلارىمەن اڭعارتۋشى ەدi. بالاسىنباي بiزبەن سىرلاساتىن. تەك ءوزiنiڭ مۇڭىن جەتكiزۋشi ەدi. ەشكiم تۋرالى جامان ايت­پايتىن. كەيدە كەزدەيسوق، مۇمكiن، كەيدە ادەيi iزدەپ بارىپ اقىنمەن ۇشىراسقان ءسات­تەرiمدi ءوزiمنiڭ ەڭ بiر باقىتتى كەزدەرiم دەپ ەسەپتەيمiن. ءۇيi­مە قازاق تiلiندەگi گازەت-جۋرنالداردىڭ كوبiسiن جىل سايىن جازدىرىپ الىپ وتىرامىن. مiنە، قاراڭىزشى، اقىن ماقاتاەۆ جايلى قانشاما ماقالالار جاريالانىپ جاتىر! مىسالعا كەلتi­رiلگەن مىنا بiر ولەڭ جولدارىن وقىپ كورەيiكشi:

"قالتارىس، بۇلتارىسى

مىڭ سان قابات،

قىزىق ءومiر، اقىرىن تۇرسام قاراپ،.

بiرەۋلەردiڭ ەڭبەگi ەش،

تۇزى سور بوپ،

بiرەۋلەردiڭ باقىتى ءجۇر سورعالاپ.

قىزىق ءومiر كiم بiلسiن، سونىسىمەن،

الاسى مەن قۇلاسى، تورىسىمەن.

تاعدىر ءتۇرلi بولعانمەن ءومiر بiرەۋ،

ۇناتامىن ءومiردi سول ءۇشiن مەن!"

وسى ولەڭiن بiزگە دە وقىپ بەرگەن ەدi. سول كەزدەگiدەي جانىمدى ءالi دە تەربەيدi. راسىندا ءومiر كۇردەلi ءارi قىزىق قوي. قازاقتىڭ بiز سياقتى قانشاما ازاماتىنىڭ اقىن ولەڭدەرiنە قارىزدار ەكەنiن ەسەپتەپ شىعۋ قيىن شىعار. ورايى كەلiپ تۇرعاندا مىنانداي بiر ۇسىنىسىمدى ايتا كەتكiم كەلەدi. مۇقاڭ جايلى ءالi كۇنگە دەيiن تولىق قاندى دەرەكتi فيلم كورسەتiلە قويعان جوق. بۇل كiسiنiڭ كوزiن كورگەن­دەردiڭ تۇيگەن-بiلگەندەرiن الىپ قالۋى­مىز كەرەك قوي. مۇنداي كiسi تۋرالى كەڭ فورماتتى كوركەم فيلم تۇسiرiلسە، تiپتi جاقسى بولار ەدi. بۇگiنگi جانە كەلەر ۇرپاقتارعا رۋحاني ازىق بولسىن... مۇنداي شارۋالارعا قوماقتى قارجى كەرەك، ارينە. ماقاتاەۆ اتىنداعى قوردىڭ بار ەكەنiن دە بiلەمiن. بiراق مۇقاڭداي كiسiگە ارنالىپ ەكi-ءۇش قور اشىلسا دا كوپتiك ەتپەيدi. قور اشا­يىق. اقىننىڭ ءومiرi مەن شىعارماشىلىعىنىڭ كەڭiرەك ناسيحاتتالۋىنا سەپتi­گiمiزدi تيگiزەيiك دەگiم كەلەدi. مۇقاڭداي تالانتتارىمىزدى قاستەرلەسەك-ءوزiمiزدi سىيلاعانىمىز دەپ ويلايمىن.

عالىم وسىلاي دەپ ويىن ءتۇيiن­دەدi. ۋاقىتىنىڭ باسىم بولiگiن مىناۋ ءفاني ءومiردiڭ قاربالىسقا تولى قوعامدىق تiرلiكتەرiنە ارناپ جۇرگەن قايراتكەر عالىمنىڭ وسى بiر جۇرەك-جاردى سىرلارى مۇقاعالي شىعارماشىلىعىنىڭ ومiرشەڭدiگiنە مەگزەگەندەي. جاراتۋشى يەمiز ءوزiنiڭ شەكسiز جومارتتىعىمەن ايرىقشا تالانت جانە حاقتى تانيتىن سارابدال كوڭiل سىيلاعان مۇقاعالي اقىن، بۇيىرتسا، ءالi تالاي جۇرەك­تەر­دi نۇرعا بولەر دەگەن ۇمiتتەمiز.

نۇرلىتاي ۇركIمباي

«جاس الاش» گازەتى