2022 جىلى استانانىڭ اۋەجايىنىڭ مۇمكىندىكتەرىن ارتتىرۋ ءۇشىن ۇشۋ-قونۋ جولاعىن تولىعىمەن قايتا جاساقتاۋ جوسپارلانىپ وتىر.

«كەلەسى جىلى ءبىز 2004 جىلى سالىنعان جانە قايتا جاڭارتۋدى قاجەت ەتەتىن قولدانىستاعى ۇشۋ-قونۋ جولاعىن تولىعىمەن جاڭارتۋدى جوسپارلاپ وتىرمىز. قازىرگى ۋاقىتتا بۇل ۇشۋ-قونۋ جولاعى نەبارى 35% سىيىمدىلىقپەن جۇمىس ىستەۋدە»، - دەدى نۇرسۇلتان نازارباەۆ حالىقارالىق اۋەجايىنىڭ اتقارۋشى ديرەكتورى داۋلەت حامزين.

ۇشۋ-قونۋ جولاعىن قالپىنا كەلتىرۋگە شامامەن 20 ميلليارد تەڭگە قاجەت. جوندەۋ جانە جولاقتاردى قايتا جاساقتاۋ كەزەڭىندە اۋەجاي ءبىر جارىم ايعا تولىعىمەن، ەكى جارىم ايعا جارتىلاي جابىق بولماق. ال رەيستەر اۋەجاي تولىق جابىلعان ساتتە كوكشەتاۋعا باعىتتالادى.

«ءبىز رەيس ەڭ كوپ دەگەن ساتتە ساعاتىنا التى رەيستى قابىلداپ، قىزمەت كورسەتە الامىز. ۇشۋ-قونۋ جولاعىنىڭ شەكتەۋلى بولۋىنا بايلانىستى ءبىزدىڭ اۋەجاي ودان جوعارى دەڭگەيدى كورسەتە المايدى. ياعني ءار بەس-جەتى مينۋتتا ەڭ كوبى ءبىر وپەراتسيا جاسالادى. كوكشەتاۋ اۋەجايىنىڭ الەۋەتى بىزدەن تومەن، ونىڭ سىيىمدىلىعى 2,5 ەسەگە از. بىراق ۇشۋ-قونۋ جولاعىن جوندەۋ كەزەڭىندە بۇل جەتكىلىكتى بولادى دەپ ويلايمىن، ويتكەنى رەيستەردى كۇنى بويى قابىلداۋعا بولادى»، - دەدى حامزين.

Abai.kz