تۇركىستان وبلىسىن دامىتۋعا 3,6 تريلليون تەڭگە بولىنەدى. بۇگىن ۇكىمەت وتىرىسىندا ۇلتتىق ەكونوميكا ءمينيسترى اسەت ەرعاليەۆ بۇل اقشانىڭ قالاي جۇمسالاتىنىن ايتتى. 

«كەشەندى جوسپاردى ىسكە اسىرۋدىڭ 5 جىلى ىشىندە 3,6 ترلن تەڭگەگە 142 ءىس-شارا ورىندالادى. تۇركىستان وبلىسىنىڭ ەكونوميكاسى 5 جىلدا 1,5 ەسە وسەدى»، — دەدى ا. مامين.

اتقارىلاتىن جۇمىستار ىشىندە ينۆەستيتسيالىق جوبالاردى ىسكە اسىرۋ، كولىك جانە ينجەنەرلىك-كوممۋنيكاتسيالىق ينفراقۇرىلىمدى، الەۋمەتتىك سالانى، ءتۋريزمدى دامىتۋدى، سونداي-اق قوعامدىق قۇقىقتىق ءتارتىپتى قامتاماسىز ەتۋ سىندى شارالار قامتىلعان.

سونىمەن قاتار، كولىك جانە ينجەنەرلىك-كوممۋنيكاتسيالىق ينفراقۇرىلىمدى دامىتۋ جوبالارى ىسكە اسىرىلاتىن بولادى. تۇركىستان، شىمكەنت جانە تاشكەنت قالالارىن بايلانىستىراتىن جوعارى جىلدامدىقتى تەمىرجول ماگيسترالىن سالۋ، تۇركىستاندا جاڭا تەمىرجول جانە اۆتو ۆوكزالدار سالۋ جوسپارلانۋدا.

ال، بولىنەتىن 3,6 تريلليون تەڭگەنىڭ 2,7 تريلليونى - جەكە ينۆەستيتسيالار، 530,6 ميلليارد تەڭگە - رەسپۋبليكالىق بيۋدجەتتەن، 348,5 ميلليارد تەڭگە جەرگىلىكتى بيۋدجەتتەن قاراستىرىلعان.

Abai.kz