الماتى. 3 مامىر. قازاقپارات -  الماتىدا وتكەن  «اباي الەمى» دەپ اتالاتىن  رەسپۋبليكالىق ستۋدەنتتىك ونەر فەستيۆالىندە سەمەيلىكتەر اباي ولەڭدەرى مەن ابايدىڭ قارا سوزدەرى بايقاۋلارىنىڭ باس جۇلدەلەرىن يەلەندى.

ونەر باسەكەسىن اباي اتىنداعى قازاق ۇلتتىق پەداگوگيكالىق ۋنيۆەرسيتەتى ۇيىمداستىردى.

الماتى. 3 مامىر. قازاقپارات -  الماتىدا وتكەن  «اباي الەمى» دەپ اتالاتىن  رەسپۋبليكالىق ستۋدەنتتىك ونەر فەستيۆالىندە سەمەيلىكتەر اباي ولەڭدەرى مەن ابايدىڭ قارا سوزدەرى بايقاۋلارىنىڭ باس جۇلدەلەرىن يەلەندى.

ونەر باسەكەسىن اباي اتىنداعى قازاق ۇلتتىق پەداگوگيكالىق ۋنيۆەرسيتەتى ۇيىمداستىردى.

«ماقسات - ۇلى اقىننىڭ شىعارماشىلىعىن ناسيحاتتاۋ، ستۋدەنت-جاستاردى  تاعىلىمى تەرەڭ تاريح ساباقتارى  مەن ۇلتتىق قۇندىلىقتاردى  دارىپتەۋگە باعىتتالعان مادەني ءىس-شارالار ارقىلى تاربيەلەۋ. وعان قازاقستانداعى  بارلىق جوعارى  وقۋ ورىندارىنىڭ ونەرپاز ستۋدەنتتەرى شاقىرىلدى. بىرنەشە كۇنگە سوزىلعان فەستيۆالدە ابايدىڭ كارا سوزدەرى  بايكاۋىنىڭ باس جۇلدەسىن  سەمەي مەملەكەتتىك ينستيتۋتىنىن ستۋدەنتى باۋىرجان يگىلىكوۆ جەڭىپ الدى. 1-3 ورىندى  سانجار اسفەندياروۆ اتىنداعى   قازاق ۇلتتىق مەديتسينا  ۋنيۆيەرسيتەتىنەن   نۇرسۇلتان سەرىكوۆ، اباي اتىنداعى  قازاق ۇلتتىق پەداگوگيكالىق ۋنيۆەرسيتەتىنەن سۇڭعات الىباەۆ، تاراز پەداگوگيكالىق ۋنيۆەرسيتەتىنەن  جۇماش ەسەنالى ءوزارا ءبولىستى»، - دەيدى قازۇپۋ-ءدىڭ باسپا ورتالىعىنىڭ جەتەكشى مامانى ءاليا اسماعۇلوۆا. ونىڭ ايتۋىنشا، سەمەيلىك ستۋدەنتتەر اباي ولەڭدەرى بايقاۋىندا دا باس جۇلدەنى يەلەندى.  وعان    سەمەي پەداگوگيكالىق ينستيتۋتىنان   ارمان شەريزات قول جەتكىزدى. ال اقتوبە پەداگوگيكالىق ۋنيۆەرسيتەتىنەن توعجان جولانوۆا ءبىرىنشى،  اباي اتىنداعى قازۇپۋ-دان   ينديرا بەكتەگەن ەكىنشى، قوجا احمەت ياسساۋي اتىنداعى  حالىقارالىق قازاق-تۇرىك ۋنيۆەرسيتەتىنەن   گۇلجاينا  ءجۇسىپوۆا ءۇشىنشى ورىندى ەنشىلەدى. وندا اباي اندەرى بايقاۋىندا باس جۇلدەنى  سۇلتانماحمۇت تورايعىروۆ اتىنداعى  پاۆلودار مەملەكەتتىك  ۋنيۆەرسيتەتىنىڭ ستۋدەنتى  ايدىن ابديۋسۋپوۆ  جەڭىپ الدى.  ءبىرىنشى  ورىنعا اباي اتىنداعى قازۇپۋ ستۋدەنتتەرى مىرزاعالي بەردەنوۆ، ەرجان قونىسبەكوۆ، نۇرجان جۇماباەۆ، سەرىبول باشارانۇلى، ەكىنشى ورىندى  لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنەن   ەردوس جاندارۇلى، ءۇشىنشى ورىندى  پ.چايكوۆسكي  اتىنداعى الماتى  مۋزىكالىق كوللەدجىنەن   جۇلدىز ىسقاقاوۆ ەنشىلەدى.