سيريانىڭ حاساكە پروۆينتسياسىنىڭ سولتۇستىك-شىعىسىنداعى ال-حول بوسقىندار لاگەرىندەگى ورتتە تاجىك ايەلدەرى مەن بالالارى تۇرعان بەس شاتىر ورتەنىپ كەتتى. 

تاجىكستاننىڭ كۋۆەيتتەگى ەلشىلىگى، سيرياداعى تاجىك ايەلدەرى مەن بالالارىن وتانىنا قايتارۋ ماسەلەلەرىمەن اينالىسادى، بوسقىندار لاگەرىندەگى ءورت تۋرالى اقپاراتتى راستادى.

ال-حول لاگەرىندە تاجىك ايەلدەرى مەن بالالارىنىڭ سانى  400-دەن اسادى. ولاردىڭ بارلىعى «يسلام مەملەكەتى» سودىرلارىنىڭ وتباسىلارىنىڭ مۇشەلەرى جانە 2017-2018 جىلدان بەرى سول لاگەردە تۇرىپ جاتىر. لاڭكەستەر جەڭىلىس تاپقاننان كەيىن، لاگەر كۇرد جاساقتارىنىڭ باقىلاۋىنا وتكەن.

ال-حول لاگەرى بۇۇ-نىڭ قارجىلاي كومەگىمەن قۇرىلدى. سودىرلاردىڭ ايەلدەرى مەن بالالارى وتانىنا ورالعانعا دەيىن سول لاگەردە تۇراتىن بولادى. لاگەردەگى تاجىك ايەلدەرى تاجىكستانعا ورالۋدى ءتورت جىل بويى كۇتىپ كەلەدى. 9 ساۋىردە تاجىكستان پرەزيدەنتى ەمومالي راحمون 500 تاجىك ايەلدەرى مەن بالالارى ءوز ەلدەرىنە قايتارىلاتىنىن ايتقان ەدى.

Abai.kz