سۋدان ءوز اۋماعىندا سالىنىپ جاتقان رەسەيلىك اسكەري-تەڭىز بازاسىنىڭ قۇرىلىسىن توقتاتتى. بۇل جونىندە اراب اقپارات قۇرالدارى حابارلادى. ونداعى اقپاراتقا قاراعاندا، حارتۋم كەز كەلگەن رەسەيلىك اسكەري كەمەنىڭ كىرۋىنە جول بەرمەيدى.

Al Arabia كانالىنىڭ حابارلاۋىنشا، ەكى ەل اراسىنداعى كەلىسىم سۋدان زاڭ شىعارۋ ورگانى بەكىتكەنگە دەيىن توقتاعان. حارتۋم بۇل جونىندە ماسكەۋگە ەسكەرتكەن.

بىلتىر قاراشا ايىندا رەسەي سۋدان اۋماعىندا، قىزىل تەڭىز جاعاسىندا اسكەري-تەڭىز فلوتىن تەحنيكالىق قۇرال-جابدىقتارمەن قامتاماسىز ەتۋ بەكەتىن اشۋدى جوسپارلاپ وتىرعانىن مالىمدەگەن. بۇل جوبانى 2019 جىلى اسكەري توڭكەرىستەن كەيىن ورنىنان كەتكەن سۋداننىڭ بۇرىنعى پرەزيدەنتى ومار ءال-باشير قولداعان. ول اقش اگرەسسياسىنان قورعانۋ ءۇشىن كەرەك دەپ مالىمدەگەن.

2020 جىلى ميحايل حودوركوۆسكيدىڭ "دوسە" زەرتتەۋ ورتالىعى مەن The Guardian بريتان باسىلىمى ءال-ءباشيردىڭ كەڭەسشىلەرى رەسەيلىك بيزنەسمەن ەۆگەني پريگوجينگە قاتىسى بار ساياسي تەحنولوگتار بولدى دەپ حابارلاعان.

اقش قارجى مينيسترلىگىندەگى "قارا تىزىمدە" ەۆگەني پريگوجيننىڭ اتى-ءجونى بار. اقش مالىمەتى بويىنشا، پريگوجين رەسەيدەگى ۆاگنەرا جەكەمەنشىك اسكەري كومپانياسىن قارجىلاندىرادى.

دەرەككوز: Centralasian

Abai.kz