QAZVAC ۆاكتسيناسىن كلينيكالىق زەرتتەۋدىڭ I-II فازاسىنىڭ ناتيجەلەرى بويىنشا ەسەپتەر جانە III فازاسىنىڭ ارالىق ەسەبى ونىڭ قاۋىپسىزدىگىن راستايدى.

ۇسىنىلعان ەسەپتەر نەگىزىندە، قر ۇكىمەتىنىڭ 2020 جىلعى 15 جەلتوقسانداعى № 850 قاۋلىسىمەن بەكىتىلگەن COVID-19 قارسى ۆاكتسينالاردى ۋاقىتشا مەملەكەتتىك تىركەۋ قاعيدالارىنا سايكەس، ۆاكتسينا مەديتسينالىق قولدانۋعا جىبەرىلەدى. ەستەرىڭىزگە سالا كەتەيىك، QAZVAC ۋاقىتشا تىركەۋ كۋالىگى 2020 جىلدىڭ 31 جەلتوقسانىندا بەرىلگەن بولاتىن.

قازاقستاندىق ۆاكتسينانى سىناۋدىڭ ءۇشىنشى كەزەڭى حاتتامادا كوزدەلگەن زەرتتەۋ سۋبەكتىلەرىنىڭ 50% بەلگىسىنەن ءوتتى جانە ونى اعىمداعى جىلدىڭ 25 ماۋسىمىندا اياقتاۋ جوسپارلانىپ وتىر. وسىدان كەيىن QAZVAC تيىمدىلىگىن تولىق باعالاۋ جۇرگىزىلەدى.

ۆاكتسينالاردىڭ كلينيكالىق زەرتتەۋلەرى، سونىڭ ىشىندە III فازادا، بۇكىل الەمدە جالعاسۋدا. سونىمەن، رەسەي فەدەراتسياسى «سپۋتنيك V» زەرتتەۋلەرىن 2021 جىلدىڭ مامىر ايىنىڭ باسىندا اياقتاۋدى جوسپارلاپ وتىر، ال الەمدەگى كوپتەگەن فارماتسەۆتيكالىق كومپانيالار ءوز زەرتتەۋلەرىن 2022-2023 جىلدارى اياقتايدى.

قالىپتاسقان ەپيدەميالىق جاعدايعا بايلانىستى كوروناۆيرۋستىق ينفەكتسياعا قارسى ۆاكتسينالاردى مەديتسينالىق قولدانۋعا جەدەل جىبەرۋ تۋرالى شەشىمدەر الەمنىڭ كوپتەگەن رەتتەۋشى ورگاندارىندا قابىلدانادى. ۆاكتسيناتسيا اۋرۋدىڭ تارالۋىمەن كۇرەسۋدىڭ ەڭ ءتيىمدى ءادىسى جانە ۇجىمدىق يممۋنيتەتتى قالىپتاستىرۋدىڭ سەنىمدى ءادىسى بولىپ قالا بەرەدى. بۇل رەتتە، ۆاكتسينالاردى قولدانۋعا رۇقسات ەتۋدىڭ قىسقا مەرزىمىنە قاراماستان، ولاردىڭ ساپاسى مەن قاۋىپسىزدىگىن تەكسەرۋ مۇقيات جانە بارلىق تالاپتاردى ساقتاي وتىرىپ جۇرگىزىلەدى.

جاعىمسىز رەاكتسيالار انىقتالعان، «پايدا-تاۋەكەلدىڭ» قولايسىز اراقاتىناسى تۋرالى دەرەكتەر الىنعان نەمەسە ونەرتابىسقا نەمەسە پايدالى مودەلگە ءۇشىنشى تۇلعالاردىڭ ايرىقشا قۇقىقتارىن بۇزۋ تۋرالى كۇشىنە ەنگەن سوت شەشىمى بولعان جاعدايلاردا ۆاكتسينانى ۋاقىتشا تىركەۋ توقتاتىلا تۇرۋى نەمەسە جويىلۋى مۇمكىن ەكەنىن اتاپ وتكەن ءجون
قازاقستاندا COVID-19-عا قارسى ۆاكتسيناتسيالاۋ ەرىكتى بولىپ تابىلادى جانە ۆاكتسيناتسيالانۋشى ۆاكتسيناتسيا كەزىندە قولجەتىمدى ۆاكتسيناتسيادان ءوزى ەگگىسى كەلەتىن ۆاكتسينانى تاڭداۋعا دا قۇقىلى.

انىقتاما: QAZVAC ۆاكتسيناسى - قر ءبىلىم جانە عىلىم مينيسترلىگىنىڭ بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى ازىرلەگەن COVID-19-عا قارسى بەلسەندىلىگى جويىلعان ۆاكتسينا. الدىن الا مالىمەتتەر بويىنشا، ونىڭ تيىمدىلىگى 90% — دان جوعارى.

2020 جىلعى 31 جەلتوقساندا «قازاقستان رەسپۋبليكاسىندا وندىرىلگەن COVID-19 كوروناۆيرۋسىنا قارسى ۆاكتسينالاردى ۋاقىتشا مەملەكەتتىك تىركەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2020 جىلعى 15 جەلتوقسانداعى № 850 قاۋلىسىنىڭ نەگىزىندە ۆاكتسيناعا 30.09.2021 جىلعا دەيىنگى مەرزىمگە 31.12.2020 جىلعى قر-بپ-№1 ۋاقىتشا تىركەۋ كۋالىگى بەرىلدى.

ۆاكتسيناتسيا بۇلشىقەت ىشىنە 2 كەزەڭدە جۇرگىزىلەدى، ءبىرىنشى جانە ەكىنشى دوزانى ەنگىزۋ اراسىنداعى ارالىق – 21 كۇن. ۆاكتسيناتسيالاۋ پۋنكتىندە الدىمەن تەكسەرۋ جۇرگىزىلەدى، ساۋالناما تولتىرىلادى جانە ۆاكتسيناتسيالاۋعا جازباشا اقپارات بەرىلەدى.

ۆاكتسيناتسيا 18 جاستان اسقان ادامدارعا ۇسىنىلادى. 18 جاسقا دەيىنگى بالالار ءۇشىن تيىمدىلىك پەن قاۋىپسىزدىك زەرتتەلمەگەن.

QAZVAC ۆاكتسيناسىنىڭ 50 مىڭ دوزاسى وڭىرلەرگە تاراتىلدى: 6000 دوزادان نۇر-سۇلتان مەن الماتى، 4000 دوزادان شىمكەنت، قاراعاندى، شىعىس قازاقستان جانە الماتى وبلىستارى، قالعان وڭىرلەر 2000 دوزادان الدى. مامىر ايىندا تاعى 50 مىڭ دوزا شىعارىلادى دەپ كۇتىلۋدە. بولاشاقتا پرەپارات ءوندىرىسى كەزەڭ-كەزەڭىمەن ايىنا 500 مىڭ دوزاعا دەيىن ارتادى.

Abai.kz