اقپارات جانە قوعامدىق دامۋ مينيسترلىگى ۇەۇ دەرەكقورىنا كەزەكتى ەسەپتى كەزەڭىنىڭ قورىتىندىلارىن شىعاردى. ەسكە سالا كەتسەك، ۇيىمداردىڭ ءوز قىزمەتى تۋرالى مالىمەتتەردى ۇسىنۋ مەرزىمى 2021 جىلعى 1 ساۋىردە اياقتالدى.

2020 جىلدىڭ ەسەپتىك كەزەڭىندە ءوز قىزمەتى تۋرالى مالىمەتتەردى بازاعا قازاقستان رەسپۋبليكاسى بويىنشا 5 856 ۇكىمەتتىك ەمەس ۇيىم ۇسىندى.
ۇسىنىلعان مالىمەتتەرگە سايكەس، ۇكىمەتتىك ەمەس ۇيىمدار قىزمەتىنىڭ نەگىزگى باعىتتارى: حالىقتىڭ الەۋمەتتىك وسال توپتارىن قولداۋ – 874, دەنە شىنىقتىرۋ جانە سپورت – 726, ازاماتتاردىڭ، ۇيىمداردىڭ زاڭدى مۇددەلەرى مەن قۇقىقتارىن قورعاۋ – 611, جاستار ساياساتىن قولداۋ جانە بالالاردى قورعاۋ – 444, ءبىلىم جانە عىلىم – 407, قوعامدىق كەلىسىمدى جانە جالپىۇلتتىق بىرلىكتى نىعايتۋ – 294, سالاۋاتتى ءومىر سالتىن ناسيحاتتاۋ، دەنساۋلىقتى ساقتاۋ – 274, مادەنيەتتى جانە ونەردى دامىتۋ – 246 جانە ۇەۇ-دىڭ وزگە قىزمەت باعىتتارى بويىنشا 1 980 ۇيىم بولىپ تابىلادى.

سولتۇستىك قازاقستان، اتىراۋ جانە قوستاناي وبلىستارىنىڭ ىشكى ساياسات جانە قوعامدىق دامۋ باسقارمالارى ءتيىستى ءوڭىردىڭ ۇكىمەتتىك ەمەس ۇيىمدارى اراسىندا كەڭ اۋقىمدى اقپاراتتىق-ءتۇسىندىرۋ جۇمىستارىن جۇرگىزىپ، بازاعا مالىمەتتەردى ۋاقتىلى ۇسىنۋدى قامتاماسىز ەتۋ بويىنشا بارلىق وڭىرلەر اراسىندا ەڭ جوعارى ناتيجەلەردى كورسەتتى.

ۇەۇ دەرەكقورىنا مالىمەت ۇسىنۋ مەملەكەتتىك الەۋمەتتىك تاپسىرىس جانە مەملەكەتتىك گرانتتار شەڭبەرىندە الەۋمەتتىك باعدارلامالاردى جانە (نەمەسە) الەۋمەتتىك جوبالاردى ىسكە اسىرۋعا، سونداي-اق ۇەۇ ءۇشىن سىيلىق الۋعا ارنالعان كونكۋرسقا قاتىسۋ ءۇشىن مىندەتتى شارت بولىپ تابىلادى. ۇەۇ دەرەكقورىندا بولۋ ۇيىمدارعا ۇەۇ-دىڭ تابىستى جوبالارىمەن تانىسۋعا، تاجىريبە الماسۋعا، ىنتىماقتاستىق پەن سەرىكتەستىك ورناتۋعا مۇمكىندىك بەرەدى.

دەرەكقورعا مالىمەت ۇسىنعان ۇكىمەتتىك ەمەس ۇيىمداردىڭ ءتىزىمى كەلەسى سىلتەمە بويىنشا قولجەتىمدى https://infonpo.gov.kz/web/guest/otkrytyj-reestr, سونداي-اق، ولاردى وڭىرلەر بولىنىسىندە، قىزمەت باعىتى بويىنشا، ەسەپتىك كەزەڭ جانە باسقا دا ولشەمشارتتار بويىنشا كورە الاسىز.

Abai.kz