جۇما, 7 مامىر 2021
1109 0 پىكىر 19 ءساۋىر, 2021 ساعات 11:32

ءتىل ۇيرەتۋدىڭ زاماناۋي ءادىسناماسى...

قازاقستان رەسپۋبليكاسى ءبىلىم جانە عىلىم مينيسترلىگى ءتىل ساياساتى كوميتەتى ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى «قازاق ءتىلىن ۇيرەتۋدىڭ زاماناۋي ءادىسناماسى» تاقىرىبى اياسىندا ونلاين رەجىمدە ادىستەمەلىك سەمينار وتكىزدى.  

قازاقستان رەسپۋبليكاسىندا مەملەكەتتىك ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسى اياسىندا ءتىلدى وقىتۋدىڭ بازالىق ءادىسناماسىنىڭ نەگىزدەرى مەن الەمدىك تاجىريبەلەردى باسشىلىققا الا وتىرىپ، بالاباقشا، مەكتەپ، كوللەدج، جوعارى وقۋ ورىندارى، ماگيستراتۋرا مەن مەملەكەتتىك قۇرىلىمداردا قازاق ءتىلىن  دەڭگەيلەپ ۇيرەتۋ جۇيەسىنىڭ جاڭا جولدارىن ىزدەۋ، ءادىسناماسىن قالىپتاستىرۋعا باعىتتالعان ءىس-شارانى ءتىل ساياساتى كوميتەتىنىڭ توراعاسى ادىلبەك قابا كىرىسپە ءسوز سويلەپ اشتى.

«مەملەكەت باسشىسى قاسىم-جومارت كەمەلۇلى توقاەۆ: «ءتىل كوميتەتىن 2021 جىلدان باستاپ ءبىلىم جانە عىلىم مينيسترلىگىنىڭ قاراۋىنا وتكىزگەن ءجون. بۇل قازاق ءتىلىن وقىتۋ ادىستەمەسىن ازىرلەۋ جانە ونى ۇيلەستىرۋ ىسىنە قاتىستى الەۋەتىمىزدى ءبىر ورتالىققا شوعىرلاندىرۋعا مۇمكىندىك بەرەدى»،– دەپ تاپسىرعان بولاتىن. وسىعان وراي، ءبىلىم جانە عىلىم مينيسترلىگى ەل ازاماتتارىنىڭ، اسىرەسە جاستاردىڭ مەملەكەتتىك ءتىلدى مەڭگەرۋى ءۇشىن ادىستەمەلىك بازانى جەتىلدىرۋ، وزىق الەمدىك تاجىريبەگە نەگىزدەلگەن وقۋ جانە وقۋ-ادىستەمەلىك قۇرالدار ازىرلەۋ مىندەتىن الدىمىزعا قويىپ وتىر. بۇگىنگى باس قوسۋدىڭ ماقساتى دا مەملەكەت باسشىسىنىڭ تاپسىرماسىنا سايكەس  قازاق ءتىلىن ۇيرەتۋ پروتسەسىن جاڭاشا ۇيىمداستىرۋ، دەڭگەيلەپ وقىتۋدىڭ جاڭا جولدارىن ىزدەۋ، ادىستەمەسىن جەتىلدىرۋ  ماسەلەسىن ادىسكەر عالىمدارمەن القالى تۇردە اقىلداسىپ قاراپ، ءتيىستى قۇجات جوباسىن ازىرلەۋدە ورتاق ءبىر شەشىم قالىپتاستىرۋ»،– دەدى ول.

ونلاين باس قوسۋدا قازاق ءتىلىن وقىتۋدىڭ قالىپتاسقان ءادىسناماسىنىڭ   ارتىقشىلىقتارى مەن كەمشىلىكتەرى ءسوز بولىپ، قازاق ءتىلىن مەڭگەرتۋدە شەت ءتىلىن ۇيرەتۋدىڭ جالپىەۋروپالىق قۇزىرەتتىلىكتەرىن باسشىلىققا الۋ ماسەلەسى سارالاندى. سونداي-اق قوعامنىڭ ءتۇرلى سالاسىندا قازاق ءتىلىن  وقىتۋ جاعدايى تالدانىپ، قازاقستان رەسپۋبليكاسى ازاماتتارىنا مەملەكەتتىك ءتىلدى دەڭگەيلەپ  مەڭگەرتۋ جۇيەسىنىڭ ستراتەگياسى مەن ونى ىسكە اسىرۋ تەتىكتەرى جايلى ماسەلە قوزعالدى.

سەميناردا ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى، فيلول.ع.ك. ەربول تىلەشوۆ قازاق ءتىلىنىڭ ادىسنامالىق ستراتەگياسى, م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى قازاقستان فيليالى فيلولوگيا كافەدراسىنىڭ پروفەسسورى، پەد.ع.د. نەسىبەلى قۇرمان قازاق ءتىلىن وقىتىپ-ۇيرەتۋدىڭ ءححى عاسىرداعى ءادىسنامانىڭ نەگىزدەرىنە توقتالىپ,   فۋنكتسيونالدىق-گرامماتيكالىق، كوممۋنيكاتيۆتىك-گرامماتيكالىق، پسيحوديداكتيكالىق، اقپاراتتىق-كوممۋنيكاتسيالىق تەوريالىق تۇعىرلارىن قالىپتاستىرۋ جايلى ناقتى، باتىل ۇسىنىستارىمەن ءبولىستى.

نوتتينگەم ۋنيۆەرسيتەتىنىڭ (ۇلىبريتانيا) دوكتورانتى، فيلول.ع.ك. ەدىلباي وسپان قازاق ءتىلىن  اكادەميالىق باعىتتا وقىتۋدىڭ وزەكتىلىگىن،  ناتيجە بەرەتىن ءادىس-تاسىلدەردى جان-جاقتى تالداپ بەردى.  

قر ءبىلىم جانە عىلىم مينيسترلىگى «مەكتەپكە دەيىنگى بالالىق شاق» رەسپۋبليكالىق  ورتالىعىنىڭ ديرەكتورى، پەداگوگيكا جانە پسيحولوگيا عىلىمدارىنىڭ ماگيسترى مانارا اداموۆا مەكتەپكە دەيىنگى ءبىلىم بەرۋ جۇيەسىندەگى قازاق ءتىلىن وقىتۋ نەگىزدەرى, ى.التىنسارين اتىنداعى ۇلتتىق ءبىلىم  اكادەمياسى ورتا ءبىلىم ورتالىعىنىڭ جەتەكشى عىلىمي قىزمەتكەرى، فيلول.ع.ك. الماگۇل مۇقىشەۆا جاڭارتىلعان ءبىلىم مازمۇنى اياسىندا «قازاق ءتىلى جانە ادەبيەتى» پاندەرىن وقىتۋدىڭ وزەكتى ماسەلەلەرىنە توقتالىپ، جالپى ءبىلىم بەرۋ دەڭگەيىندە شەت ءتىلىن مەڭگەرۋدىڭ جالپىەۋروپالىق قۇزىرەتتەرىن   نەگىزگە الۋ كەرەكتىگى جايلى تۇششىمدى پىكىر ايتتى.

نازارباەۆ زياتكەرلىك مەكتەبى «لينگۆيستيكالىق باعىتتاعى پاندەر» ءبولىمىنىڭ اعا مەنەدجەرى، فيلول.ع.ك. نۇرلىگۇل داۋلەتكەرەەۆا نازارباەۆ زياتكەرلىك مەكتەپتەرىندەگى قازاق ءتىلىن ۇيرەتۋدىڭ كەشەندى باعىتتارى، باعدارلامالاردى جەتىلدىرۋ جايلى ايتسا،  م.S. Narıkbaev atyndaģy كاZGUU Unıversıtetiniń دوتسەنتى، فيلول.ع.ك.  قارلىعاش دۇسىپباەۆا جوعارى وقۋ ورنىندا قازاق ءتىلىن مەڭگەرتۋدىڭ تالاپتارى، ستۋدەنتتەردى وقىتۋ جانە سەرتيفيكاتتاۋ تاجىريبەلەرىمەن ءبولىستى.

قر ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ قازتەست جۇيەسىن دامىتۋ جونىندەگى باسقارما باسشىسى، پەد.ع.ك. مانشۇك مۇقامەتقالي  تىلدىك ءبىلىمدى باعالاۋداعى «قازتەست» جۇيەسىنىڭ ءرولى، بولاشاقتا ونى دامىتۋ جولدارى، ءبىلىم بەرۋ سالاسىنا ەنگىزۋ مەحانيزمدەرى جايلى ماڭىزدى اقپاراتتارىمەن ءبولىستى.

رەسپۋبليكالىق سەمينار Zووم پلاتفورماسىنداعى تىكەلەي ەفيردەن باسقا، ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ فەيسبۋك، ينستاگرام جەلىسىندەگى پاراقشاسى ارقىلى اشىق كورسەتىلدى. ءسويتىپ بۇل شاراعا «مەكتەپتە دەيىنگى بالالىق شاق» رەسپۋبليكالىق ورتالىعىنىڭ ماماندارى،  ورتا، تەحنيكالىق جانە كاسىبي،   جوعارى ءبىلىم بەرۋ سالاسىنىڭ قىزمەتكەرلەرى، تىلدەردى دامىتۋ باسقارماسى مەن وقىتۋ ورتالىقتارىنىڭ ادىسكەر-وقىتۋشىلارىمەن بىرگە قالىڭ كوپشىلىك قاتىستى.

سەمينار سوڭىندا سپيكەرلەر مەن قاتىسۋشىلاردىڭ ۇسىنىستارى نەگىزىندە قازاق ءتىلىن ۇيرەتۋ ءادىسناماسىن جەتىلدىرۋ بويىنشا قارار قابىلداندى.

Abai.kz

0 پىكىر