قۇرىلىسىنا 28 ميلليارد تەڭگە جۇمسالعان قاراعاندىداعى پاترون شىعاراتىن زاۋىت جەكەنىڭ قولىنا بەرىلمەك. بۇل تۋرالى malim.kz سايتى حابارلادى. 

2016 جىلى قۇرىلىسى باستالىپ، اراعا ءتورت جىل سالىپ، 2020 جىلدىڭ مامىرىندا اشىلعان “STEEL MANUFACTURING” قاراعاندى پاترون زاۋىتى ساتىلىمعا قويىلدى. رrivatization.gosreestr.kz سايتىندا زاۋىتتىڭ 95 پايىزى جەكەنىڭ قولىنا بەرىلەتىنى جونىندە جازىلعان.

زاۋىتتاعى پاترونداردى شىعارۋ ءۇشىن تەك قانا وتاندىق شيكىزات پايدالانىلادى دەپ ايتىلعانىمەن، قاجەتتى بولشەكتەردىڭ باسىم بولىگى وزگە ەلدەردەن كەلەدى ەكەن. 164 ادامعا جۇمىس بەرۋى ءتيىس بولعان زاۋىتتا قازىرگى تاڭدا 64 ادام عانا جۇمىس ىستەپ ءجۇر. زاۋىتتىڭ تابىس تاريحى دا قىزىق. مىسالى 2020 جىلى زاۋىت 132 ميلليون تەڭگە تابىس تاۋىپ، شىعىندارىنا 245 ميلليون تەڭگە جۇمساعان. ياعني وتكەن جىلى 113 ميلليون تەڭگە شىعىنعا ۇشىراعان دەپ ناقتى ايتۋعا بولادى.

Abai.kz