جەلىدە قازاقستاندا جىنىس اۋىستىرۋ بويىنشا وپەراتسيالار تەگىن بولاتىنى تۋرالى جاڭالىقتى تالقىلاۋدا. وتا جاساتۋ ءۇشىن جاسىڭىز 21-دەن اسىپ، پسيحيكالىق بۇزىلۋلار بولماۋى كەرەك. بۇل – وتىرىك، - جازادى Stopfake.kz.

– مورفولوگيالىق جىنىستى وزگەرتۋ بويىنشا وپەراتسيالار ادامنىڭ وتىنىشىمەن جوسپارلى تۇردە، كەزەڭ-كەزەڭىمەن، قاجەتتى تەكسەرۋلەردەن وتكەننەن كەيىن، كوميسسيانىڭ رۇقساتى مەن گورموندىق تەراپيادان وتكەن سوڭ جۇزەگە اسىرىلادى. بۇل وپەراتسيا تەگىن مەديتسينالىق كومەكتىڭ كەپىلدەندىرىلگەن كولەمىنە كىرمەيدى جانە اقىلى قىزمەت بولىپ تابىلادى، – دەپ حابارلادى ۆەدومستۆودان.

سونداي-اق، مينيسترلىكتىڭ مالىمەتىنشە، قازاقستان رەسپۋبليكاسىندا جىنىس اۋىستىرۋ تۋرالى بۇيرىق العاش رەت 2003 جىلعى 3 ماۋسىمدا قابىلدانعان. ياعني، قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 جىلعى 25 قاراشاداعى بۇيرىعىمەن بەكىتىلگەن جىنىستىق سايكەستەندىرۋدە اۋىتقۋشىلىعى بار ادامداردى مەديتسينالىق كۋالاندىرۋ جانە ولاردىڭ جىنىسىن اۋىستىرۋدى جۇرگىزۋ قاعيدالارى جاڭالىق ەمەس.

سونىمەن قاتار، جىنىستىق باعدار جانە گەندەرلىك سايكەستىلىك ماسەلەلەرىنە ادام قۇقىقتارى تۋرالى حالىقارالىق نورمالاردى قولدانۋ ۇسىنىستارىنىڭ جيىنتىعى بولىپ تابىلاتىن دجوكياكارت قاعيداتتارىنا سايكەس مەملەكەتتەر «مەديتسينالىق راسىمدەر ارقىلى قايتىمسىز فيزيكالىق وزگەرىستەرگە جول بەرمەۋ ماقساتىندا زاڭنامالىق، اكىمشىلىك جانە وزگە سيپاتتاعى» بارلىق قاجەتتى شارالاردى قابىلدايدى.

سونداي-اق، قر دەنساۋلىق ساقتاۋ مينيسترلىگىنىڭ حابارلاماسىنا سايكەس، «وزدەرىنىڭ جىنىستىق سايكەستىلىگىن وزگەرتۋ ءۇشىن مەديتسينالىق ارالاسۋعا باراتىن ادامدار مۇنى وزدەرىنىڭ ءبىر ساتتىك قالاۋى، قىڭىرلىعى ءۇشىن ەمەس، گەندەرلىك سايكەستىلىك پەن تۋىلعان كەزدە تىركەلگەن جىنىسىمەن سايكەسسىزدىك سالدارىنان ۇزاققا سوزىلعان كۇيزەلىس جاعدايىنىڭ سالدارىنان جاسايدى. سوندىقتان قازىرگى مەديتسينالىق تاجىريبەدە جىنىستى مەديتسينالىق تۇزەتۋ گەندەرلىك ديسفوريانى جەڭۋدىڭ جانە جاعدايدى جەڭىلدەتۋدىڭ جالعىز امالى رەتىندە تانىلادى”.

Abai.kz