Jelide Qazaqstanda jynys auystyru boyynsha operasiyalar tegin bolatyny turaly janalyqty talqylauda. Ota jasatu ýshin jasynyz 21-den asyp, psihikalyq búzylular bolmauy kerek. Búl – ótirik, - jazady Stopfake.kz.

– Morfologiyalyq jynysty ózgertu boyynsha operasiyalar adamnyng ótinishimen josparly týrde, kezen-kezenimen, qajetti tekserulerden ótkennen keyin, komissiyanyng rúqsaty men gormondyq terapiyadan ótken song jýzege asyrylady. Búl operasiya tegin medisinalyq kómekting kepildendirilgen kólemine kirmeydi jәne aqyly qyzmet bolyp tabylady, – dep habarlady vedomstvodan.

Sonday-aq, ministrlikting mәlimetinshe, Qazaqstan Respublikasynda jynys auystyru turaly búiryq alghash ret 2003 jylghy 3 mausymda qabyldanghan. Yaghni, Qazaqstan Respublikasy Densaulyq saqtau ministrining 2020 jylghy 25 qarashadaghy búiryghymen bekitilgen jynystyq sәikestendirude auytqushylyghy bar adamdardy medisinalyq kuәlandyru jәne olardyng jynysyn auystyrudy jýrgizu qaghidalary janalyq emes.

Sonymen qatar, jynystyq baghdar jәne genderlik sәikestilik mәselelerine adam qúqyqtary turaly halyqaralyq normalardy qoldanu úsynystarynyng jiyntyghy bolyp tabylatyn Djokiyakart qaghidattaryna sәikes memleketter «medisinalyq rәsimder arqyly qaytymsyz fizikalyq ózgeristerge jol bermeu maqsatynda zannamalyq, әkimshilik jәne ózge sipattaghy» barlyq qajetti sharalardy qabyldaydy.

Sonday-aq, QR Densaulyq saqtau ministrligining habarlamasyna sәikes, «ózderining jynystyq sәikestiligin ózgertu ýshin medisinalyq aralasugha baratyn adamdar múny ózderining bir sәttik qalauy, qynyrlyghy ýshin emes, genderlik sәikestilik pen tuylghan kezde tirkelgen jynysymen sәikessizdik saldarynan úzaqqa sozylghan kýizelis jaghdayynyng saldarynan jasaydy. Sondyqtan qazirgi medisinalyq tәjiriybede jynysty medisinalyq týzetu genderlik disforiyany jenuding jәne jaghdaydy jenildetuding jalghyz amaly retinde tanylady”.

Abai.kz