قازاقستاندىق شىلىمقورلار جىلىنا 28 ميلليارد دانا تەمەكى شەگەدى
شىلىمقورلاردىڭ سانىن ازايتۋ ءۇشىن تەمەكى ونىمدەرىنىڭ اكتسيز مولشەرلەمەسىن كوتەرۋ جەتكىلىكسىز. بۇل قىرعىزستاننىڭ قاراقول دەمالىس ورتالىعىندا ءوتىپ جاتقان باق وكىلدەرىنە ارنالعان «تەڭدەستىرمەلى اكتسيزدىك ساياسات» اتتى ءبىلىم بەرۋ سەمينارىندا ايتىلدى.
«قازىر تەمەكى ونىمدەرىنىڭ اكتسيز مولشەرلەمەسى ورتالىق ازيا ەلدەرىندە ءارتۇرلى. 1 مىڭ تەمەكىگە ول قازاقستاندا 8,5 دوللاردى قۇرايدى. قىرعىزستاندا 3,2 پايىزدىق اكتسيزدىك مولشەرلەمەدەن باسقا بولشەك باعانىڭ 7 پايىزى كولەمىندە الىم الىنادى. ال تاجىكستاندا ول 1 دوللاردى قۇراسا، وزبەكستاندا جەرگىلىكتى ونىمدە 6 پايىز، يمپورتتىق ونىمدە 13 پايىز كولەمىندە بەلگىلەنگەن. 2005 جىلعى دەرەك بويىنشا ەڭ تومەنگى اكتسيزدىك مولشەرلەمە 1 مىڭ دانا تەمەكىگە ۇلىبريتانيادا - 264, فرانتسيادا - 181, گەرمانيادا - 162, يتاليادا - 109, اقش-تا - 108, بولگاريادا - 100, رۋمىنيادا - 90, تۇركيادا - 88, ليتۆادا - 86, جاپونيادا - 72 دوللاردى قۇرايدى. دۇنيەجۇزىلىك دەنساۋلىق ساقتاۋ ۇيىمى وزگە ەلدەرگە بولشەك ساۋدادا ونى 70 دوللارعا جەتكىزۋدى ۇسىنىپ وتىر»، - دەيدى JTI كومپانياسىنىڭ جۇرتشىلىقپەن بايلانىس جونىندەگى مامانى ولجاس بيبانوۆ.
شىلىمقورلاردىڭ سانىن ازايتۋ ءۇشىن تەمەكى ونىمدەرىنىڭ اكتسيز مولشەرلەمەسىن كوتەرۋ جەتكىلىكسىز. بۇل قىرعىزستاننىڭ قاراقول دەمالىس ورتالىعىندا ءوتىپ جاتقان باق وكىلدەرىنە ارنالعان «تەڭدەستىرمەلى اكتسيزدىك ساياسات» اتتى ءبىلىم بەرۋ سەمينارىندا ايتىلدى.
«قازىر تەمەكى ونىمدەرىنىڭ اكتسيز مولشەرلەمەسى ورتالىق ازيا ەلدەرىندە ءارتۇرلى. 1 مىڭ تەمەكىگە ول قازاقستاندا 8,5 دوللاردى قۇرايدى. قىرعىزستاندا 3,2 پايىزدىق اكتسيزدىك مولشەرلەمەدەن باسقا بولشەك باعانىڭ 7 پايىزى كولەمىندە الىم الىنادى. ال تاجىكستاندا ول 1 دوللاردى قۇراسا، وزبەكستاندا جەرگىلىكتى ونىمدە 6 پايىز، يمپورتتىق ونىمدە 13 پايىز كولەمىندە بەلگىلەنگەن. 2005 جىلعى دەرەك بويىنشا ەڭ تومەنگى اكتسيزدىك مولشەرلەمە 1 مىڭ دانا تەمەكىگە ۇلىبريتانيادا - 264, فرانتسيادا - 181, گەرمانيادا - 162, يتاليادا - 109, اقش-تا - 108, بولگاريادا - 100, رۋمىنيادا - 90, تۇركيادا - 88, ليتۆادا - 86, جاپونيادا - 72 دوللاردى قۇرايدى. دۇنيەجۇزىلىك دەنساۋلىق ساقتاۋ ۇيىمى وزگە ەلدەرگە بولشەك ساۋدادا ونى 70 دوللارعا جەتكىزۋدى ۇسىنىپ وتىر»، - دەيدى JTI كومپانياسىنىڭ جۇرتشىلىقپەن بايلانىس جونىندەگى مامانى ولجاس بيبانوۆ.
ونىڭ ايتۋىنشا، شىلىمقورلار سانىن ازايتۋدا مەملەكەتتىك قارجىلىق رەتتەۋدىڭ بۇل قۇرالى جەتكىلىكسىز. ول زاڭسىز ءونىمنىڭ ۇلەسىن كوتەرۋى مۇمكىن. قازىر الەمدە جىل سايىن 70 ميلليارد دوللاردىڭ تەمەكى ونىمدەرى ساتىلاتىنىن ەسكەرسەك، نارىقتاعى زاڭسىز ءونىمنىڭ ۇلەسى ايتارلىقتاي ەكەنىن اڭعارۋعا بولادى. بۇگىنگى تاڭدا ول ەۋروپالىق وداقتىڭ بىرقاتار ەلدەرىندە 40 پايىزدى، ال قازاقستاندا 2 پايىزدى قۇرايدى. 1 مىڭ دانا تەمەكىگە دە تمد ەلدەرى ونىڭ مولشەرلەمەسىن 70 دوللارعا كوتەرگەن جاعدايدا وعان جۇمسالاتىن جەكە تابىستىڭ ۇلەسى 2015 جىلى رەسەيدە 1,4 پايىز; قازاقستاندا 1,7 پايىز، بەلارۋستە 2,5 پايىز، ءازىربايجاندا 3,1 پايىز، ۋكراينادا 3 پايىزدى قۇراۋى مۇمكىن. ساراپشىلاردىڭ پايىمداۋىنشا، 1-1,7 پايىز ارالىعى قاۋىپتى، ال ودان جوعارى بولسا قاتەرلى دەپ سانالادى. ويتكەنى الەمدىك تاجىريبەدە شىعىن كولەمى ارتقان سايىن زاڭسىز ءونىمدى تۇتىنۋ دەڭگەيى وسە تۇسەتىنىن كورسەتىپ وتىر. ماسەلەن ەۋرووداقتا 2010 جىلى ونىڭ دەڭگەيى ليتۆادا - 42,5, لاتۆيادا - 42, بولگاريادا - 32, ەستونيادا - 18, پولشادا -10,2, ۆەنگريادا - 5 پايىزدى قۇراعان.
