مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى.

قاسىم-جومارت توقاەۆ ۆلاديمير پۋتينمەن تەلەفون ارقىلى سويلەستى.  مەملەكەت باسشىلارى ەكىجاقتى ىنتىماقتاستىق پەن ەۋرازيالىق ەكونوميكالىق وداق اياسىنداعى ءوزارا ءىس-قيمىل ماسەلەلەرىن ەگجەي-تەگجەيلى تالقىلادى.

قازاقستان پرەزيدەنتى ەكى ەلدىڭ پاندەمياعا قارسى كۇرەس جۇمىستارىنا وڭ باعاسىن بەردى. قاراعاندى   قالاسىندا «سپۋتنيك V» ۆاكتسيناسىنىڭ ءوندىرىسى ىسكە قوسىلدى. ەكى ەلدىڭ ۇكىمەتتەرى رەسەيلىك ۆاكتسينانى قازاقستانعا جەتكىزۋ تۋرالى كەلىسىمگە كەلدى.

ءوزارا ۋاعدالاستىقتار مەن تاپسىرمالاردى ورىنداۋ ماقساتىندا ەكى ەل ۇكىمەتتەرى ءبىر-بىرىمەن تىعىز قارىم-قاتىناستا جۇمىس ىستەپ، ناقتى شەشىمدەر قابىلداپ جاتىر. بيىل كوكشەتاۋ قالاسىندا قازاقستان مەن رەسەيدىڭ ايماقارالىق ىنتىماقتاستىق فورۋمىن وتكىزۋ تۋرالى كەلىسىم جاسالدى.  ال ونى وتكىزۋ فورماسىنا قاتىستى ناقتى شەشىم ەپيدەميالىق جاعدايعا بايلانىستى قابىلدانادى.

ۆلاديمير پۋتين قاسىم-جومارت توقاەۆتىڭ ەۋرازيالىق ەكونوميكالىق وداقتى ودان ءارى دامىتۋعا جانە ونىڭ الەۋەتى مەن بەدەلىن نىعايتۋعا قاتىستى بارلىق ۇسىنىستارىمەن كەلىستى. پرەزيدەنتتەر اتالعان ينتەگراتسيالىق بىرلەستىكتىڭ قىزمەتىنە قاتىستى ماسەلەلەردى شەشۋ ءۇشىن ءوزارا تىعىز بايلانىستا جۇمىس ىستەۋگە ۋاعدالاستى.

تاراپتار حالىقارالىق نارىقتاعى بۇگىنگى ۇدەرىستەر مەن سىن-قاتەرلەردى ەسكەرە وتىرىپ، ەنەرگەتيكا سالاسىنداعى بىرلەسكەن جۇمىستاردى جالعاستىرۋعا كەلىستى.

مەملەكەت باسشىلارى ەكىجاقتى ىنتىماقتاستىق پەن ەۋرازيالىق ينتەگراتسيانىڭ نەگىزگى پروبلەمالارىنا قاتىستى ەكى ەلدىڭ ۇستانىمدارى مەن كوزقاراستارىنىڭ سايكەس كەلەتىنىنە كوڭىلدەرى تولاتىنىن ايتتى.

Abai.kz