31 قاڭتار كءۇءنى رەسەيدىڭ تءۇكپىر-تءۇكپىرىندە كرەمل سىنشىسى الەكسەي ناۆالنىيدىڭ بوساتىلۋىن تالاپ ەتكەن نارازىلىق اكتسياسى ءوءتتى. ميتينگ ءوتەدى دەگەن جەرلەردى پوليتسيا قاپتاپ, ەل بويىنشا 2-5 مىڭعا جۋىق ادامدى ۇستاپ ءاكەتتى.

پوليتسيا تاراپىنان سۇيرەپ اكەتۋ، ۇرىپ-سوعۋ فاكتىلەرى وسى جولى دا تىركەلدى. ناۆالنىيدى قولدايتىن بۇكىلحالىقتىق قارسىلىق اكتسياسى وسىمەن ەكىنشى رەت ءوتىپ وتىر. ءبىرىنشى نارازىلىق 23 قاڭتاردا بولعان.

نارازىلىق اكتسيالارى ادەتتەگىدەي قيىر شىعىس پەن سىبىردەن باستالدى. اۋا تەمپەراتۋراسى 0 گرادۋستان تومەن بۇل وڭىردەگى قارسىلىق اكتسيالارىندا پوليتسيا جاساعىنىڭ سانى كوبىرەك بولىپ، نارازىلاردى ۇستاپ اكەتىپ جاتتى. پوليتسيا ۆلاديۆوستوكتا كەمى 120 ادامدى، كراسنويارسكىدە كەمى 190 ادامدى ۇستاپ اكەتكەن. باسقا قالالاردا دا وسىنداي جاعداي بولعان. پوليتسيا الىپ كەتكەن ادامدار قاتارىندا بىرقاتار جۋرناليست بار.

"وۆد-ينفو" باسىلىمىنىڭ حابارلاۋىنشا, ەل بويىنشا 2834 (نۇر-سۇلتان ۋاقىتى بويىنشا 19:17-دەگى اقپارات، بۇل سايىن تۇراقتى تۇردە جاڭارىپ جاتىر) ادام ۇستالعان. باسىلىم سونداي-اق بىرنەشە قالادا پوليتسيا بەلسەندىلەرگە نارازىلىق باستالماي تۇرىپ كەلگەنىن حابارلادى.

ۆلاديۆوستوكتا جۇزدەگەن شەرۋشى قالا ورتالىعىنا كىرە الماي، امۋر شىعاناعىنداعى سۋ بەتىندەگى مۇزدىڭ ۇستىندە "پۋتين ۇرى", "رەسەي تۇرمەدە" دەپ ۇرانداتىپ، شەڭبەرمەن اينالىپ ءجۇردى. بۇل اكتسيا ەكى ساعاتقا سوزىلدى.

"ناستوياششەە ۆرەميا" تەلەارناسىنىڭ تىكەلەي ەفيرى پەرم قالاسىندا پوليتسەي سانىنىڭ ادەتتەگىدەن الدەقايدا كوپ بولعانىن كورسەتتى. يركۋتسكىدە پوليتسيا جاساعى ميتينگىنى كۇشپەن تاراتىپ، 24 ادامدى ۇستاپ اكەتتى.

ناۆالنىيدى بوساتۋدى تالاپ ەتكەندەر قاتارىنا ەۋرووداق پەن اقش تا بار. اقش-تىڭ مەملەكەتتىك حاتشىسى ەنتوني بلينكەن 27 قاڭتار كۇنى اقش-تىڭ ناۆالنىيدىڭ جاعدايىنا "الاڭداپ وتىرعانىن", ونىڭ اسكەري ۋمەن ۋلانۋى مەن قاماۋعا الىنۋىنا جاۋاپ رەتىندە شارا قاراستىرىپ وتىرعانىن ايتتى.

ەۋرووداق ناۆالنىي بوساتىلماسا قوسىمشا سانكتسيا سالۋعا بەكىنىپ وتىر.

Abai.kz