سەنبى, 27 اقپان 2021
1511 12 پىكىر 20 قاڭتار, 2021 ساعات 11:10

بايدەن پرەزيدەنت مىندەتىنە كىرىسۋ ءۇشىن ۆاشينگتونعا كەلدى

اقش-تىڭ سايلانعان پرەزيدەنتى دجو بايدەن 20 قاڭتارعا بەلگىلەنگەن يناۋگۋراتسياسى الدىندا، ءوزى تۋىپ-وسكەن دەلاۆەر شتاتىندا قوشتاسۋ ءسوزىن سويلەدى.

شارا دجو بايدەننىڭ ۇلكەن ۇلى دجوزەف "بو" بايدەننىڭ ەسىمى بەرىلگەن دەلاۆەر شتاتىنىڭ ۇلتتىق گۆاردياسىنىڭ ءۇشىنشى رەزەرۆيستەر ورتالىعىندا ءوتتى. 2007 جىلدان 2015 جىلعا دەيىن دەلاۆەردىڭ باس پروكۋرورى قىزمەتىندە ىستەگەن بايدەننىڭ ۇلى ايىقپاس دەرتتەن كوز جۇمعان.

سايلانعان پرەزيدەنت پەن بولاشاقتاعى ءبىرىنشى حانىم سەيسەنبى كۇنى كەشكىسىن دەلاۆەر قالاسىنىڭ نيۋ-كاستل اۋەجايىنان مەريلەندەگى "ەندريۋس" اسكەري بازاسىنا بارىپ، ول جەردەن ۆاشينگتونعا كەلدى. سارسەنبى كۇنى اقش-تىڭ 46-پرەزيدەنتى انت بەرەدى.

Associated Press اگەنتتىگى يناۋگۋراتسياعا دونالد ترامپ قاتىسپايتىنىن جەتكىزدى. اق ءۇي ترامپتىڭ قوشتاسۋ ۆيدەوسىن بايدەننىڭ ۇشاعى "ەندريۋس" اۋە بازاسىنا قونىپ جاتقان كەزدە جاريالادى. ترامپ جاڭا اكىمشىلىككە بارلىق جاقسىلىقتاردى تىلەگەن. بىراق 20 مينوتتىك سوزىندە بايدەننىڭ اتى-ءجونىن بىردە-ءبىر اتامادى.

Abai.kz

12 پىكىر