پاشينيان ءوزى جۇرگىزگەن ساياساتتىڭ سوعىستىڭ باستالۋىنا سەبەپ بولىپ، سونىڭ سالدارىنان تاۋلى قاراباق اينالاسىنداعى اۋدانداردىڭ ازەربايجانعا ءوتتى دەگەن ايىپتاۋلارمەن كەلىسپەدى. ارمەنيا پرەمەر-ءمينيسترىنىڭ پىكىرىنشە، سوعىس ءورتى وبەكتيۆتى سەبەپتەردەن تۇتانعان.

وپپوزيتسيا مەرزىمىنەن بۇرىن پارلامەنت سايلاۋىن وتكىزۋدى تالاپ ەتىپ وتىر. پاشينيان مۇنداي شەشىمدى جالعىز ءوزى قابىلداي المايتىنىن، ول ءۇشىن تاراپتار «كونسەنسۋسقا» كەلۋى كەرەكتىگىن ايتتى.

ەرەۆاندا پاشينياننىڭ قىزمەتتەن كەتۋىن، مەرزىمىنەن بۇرىن سايلاۋ ءوتۋىن تالاپ ەتۋشىلەر جاپپاي نارازىلىق اكتسياسىن وتكىزىپ جاتىر. ولار ارمەنيانىڭ كورشى ەلمەن سوعىستا جەڭىلۋىنە پاشينيان كىنالى دەپ ەسەپتەيدى.

وپپوزيتسيا جالپىۇلتتىق ەرەۋىلدى 22 جەلتوقساندا باستايتىنىن مالىمدەدى.

پاشينيان بيلىكتەن كەتپەيتىنىن ايتتى. بىراق ونىڭ پارلامەنتتەگى جاقتاستارى مەرزىمىنەن بۇرىن سايلاۋ وتكىزۋ مۇمكىندىگىن تالقىلاۋعا دايىن ەكەنىن بىلدىرگەن.

Abai.kz