سەنات كوروناۆيرۋسپەن كۇرەسۋ جانە قازاقستان ەكونوميكاسىن قالپىنا كەلتىرۋ ءۇشىن ازيا دامۋ بانكى مەن ازيا ينفراقۇرىلىمدىق ينۆەستيتسيالار بانكىنەن 1,5 ميلليارد ەۋرو قارىز الۋ تۋرالى زاڭدى قابىلدادى.

وسىعان دەيىن ءماجىلىس دەپۋتاتتارى "قازاقستان مەن ازيا دامۋ بانكى اراسىنداعى قارىز تۋرالى كەلىسىمدى راتيفيكاتسيالاۋ تۋرالى" جانە "قازاقستان مەن ازيا ينفراقۇرىلىمدىق ينۆەستيتسيالار بانكى اراسىنداعى قارىز تۋرالى كەلىسىمدى راتيفيكاتسيالاۋ تۋرالى" زاڭداردى قابىلداعان ەدى.

ەندى بۇل قۇجاتتار پرەزيدەنتكە قول قويۋعا جىبەرىلەدى.

ەسكە سالايىق، 908 ميلليون ەۋرو كولەمىندەگى العاشقى قارىزدى ازيا دامۋ بانكى بەرۋى كەرەك. 454 ميلليون ەۋرو كولەمىندەگى قارىزدىڭ ءبىر بولىگىن قازاقستان 10 جىل ىشىندە وتەۋى ءتيىس. قالعان 454 ميلليون ەۋرو 5 جىلدا تولەنۋى ءتيىس.

ەكىنشى كەلىسىم ازيا ينفراقۇرىلىمدىق ينۆەستيتسيالار بانكىمەن جاسالعان. ول بويىنشا قازاقستان 661 ميلليون ەۋرو قارىز الادى. قارىز 10 جىلعا بەرىلەدى.
سىياقى مولشەرلەمەسى - Euribor 0,5 پايىز.

قارىز وتەۋ قارجى مينيسترلىگى بيۋدجەت قاراجاتى ەسەبىنەن جۇزەگە اسىرىلادى.

Abai.kz