رەسەيدە شوشقانىڭ افريكالىق وباسى شىعىپ، مال قىرىلىپ جاتىر. وسىعان بايلانىستى اۋىلشارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى شوشقا مەن جابايى قابانداردى، ولاردىڭ ەتىن، ونىمدەرى مەن جەمازىعىنا دەيىن شەكارادان كىرگىزۋگە تىيىم سالدى.

 «قر اشم ۆەتەريناريالىق باقىلاۋ جانە قاداعالاۋ كوميتەتى رەسەيدىڭ بىرقاتار وڭىرلەرىنەن قازاقستان ارقىلى شوشقا شارۋاشىلىعى جانە ىلەسپە ونىمدەردى الىپ كەلۋگە، سونداي-اق ولاردىڭ ترانزيتىنە شەكتەۋلەر ەنگىزدى»،- دەلىنگەن حابارلامادا.

ونىڭ ىشىندە ۆولگوگراد، كالينينگراد، لەنينگراد، نيجني نوۆگورود، ورەل، سامارا، تامبوۆ، تيۋمەن جانە چەليابى، كراسنودار، كراسنويارسك جانە پريمورسك وبلىستارىنان تەرميالىق وڭدەۋدەن وتپەگەن: جابايى قابانداردىڭ ونىمدەرىن، بىلعارى جانە ىشەك شيكىزاتىن، قىلشىقتاردى، شوشقالارعا ارنالعان جەمدى، سونداي-اق شوشقالاردى ۇستاۋ، سويۋ جانە كەسۋ ءۇشىن پايدالانىلاتىن جابدىقتاردى قازاقستان شەكاراسىنان وتكىزۋگە تىيىم سالىنعان.

سونداي-اق، قر اشم  قازاقستان اۋماعىنداعى ەپيزووتيالىق جاعداي ۆەتەريناريالىق باقىلاۋ جانە قاداعالاۋ كوميتەتىنىڭ قاتاڭ باقىلاۋىندا ەكەنىن ايتادى.

Abai.kz