«Abai.kz» اقپاراتتىق پورتالىنىڭ (بۇدان ارى – سايت)  مەنشىك يەسى – «اباي اقپارات» قازاق ينتەرنەت كەڭىستىگىن دامىتۋ قورى» قوعامدىق قورى. «Abai.kz» اقپاراتتىق پورتالى 2009 جىلدىڭ 15 ءساۋىر كۇنى قۇرىلعان. 

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 3-تارماعىنىڭ تالاپتارىنا سايكەس ەفيردى جانە باسپا الاڭىن تولەۋدىڭ مولشەرى، شارتتارى مەن ءتارتىبى تۋرالى مالىمەتتەردى سايلاۋ الدىنداعى ۇگىت جۇرگىزۋ باستالعانعا دەيىن بەس كۇننەن كەشىكتىرمەي (2020 جىلعى 4 جەلتوقساننان كەشىكتىرمەي) ءتيىستى بۇقارالىق اقپارات قۇرالدارى حابارلاۋ كەرەك! وسىعان بايلانىستى:

قازاقستان رەسپۋبليكاسى كونستيتۋتسياسىنىڭ 44-بابىنىڭ 2) تارماقشاسىنا، «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 85-بابىنا نەگىزدەلگەن قازاقستان پرەزيدەنتىنىڭ «قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى» قاۋلىسىنا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا سايكەس 2021 جىلدىڭ 10 قاڭتارىندا وتەتىن قازاقستان رەسپۋبلكاسى پارلامەنتى ماجىلىسىنە كەزەكتى سايلاۋعا قاتىسۋ ءۇشىن پارتيالىق تىزىمدەر ۇسىنعان جانە تىركەلگەن، قازاقستان رەسپۋبليكاسى پارلامەنتى ماجىلىسىنە دەپۋتاتتىقتان ۇمىتكەرلەردى (بۇدان ارى – ساياسي پارتيالار), سايلاۋالدى ۇگىت ماتەريالدارىن ورنالاستىرۋ ءۇشىن باسىلىم الاڭدارىن بەرۋ شارتتارى مەن ءتارتىبى جونىندە، تولەم مولشەرى تۋرالى حابارلايمىز.

سايلاۋالدى ۇگىت ماتەريالدارىن ورنالاستىرۋ ءۇشىن ينتەرنەت الاڭدارىن بەرۋدىڭ جالپى شارتتارى مەن ءتارتىبى:

سايتتان ينتەرنەت الاڭدارىن بەرۋ پارتيالىق تىزىمدەردى ۇسىنعان ساياسي پارتيالاردىڭ سەنىمدى وكىلى اراسىندا ۇگىت-ناسيحات ماتەريالدارىن ورنالاستىرۋعا ارنالعان باسىلىم الاڭىن بەرۋگە جاسالعان كەلىسمشارت نەگىزىندە جۇزەگە اسىرىلادى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنىڭ 27-بابى، 2-تارماعىنىڭ تالاپتارىنا سايكەس سايلاۋ الدىنداعى ۇگىت كانديداتتار تىركەلگەن مەرزىمى اياقتالعان كەزدەن باستالىپ، سايلاۋ بولاتىن كۇننىڭ الدىنداعى كۇنگى جەرگىلىكتى ۋاقىت بويىنشا ءنول ساعاتتا اياقتالادى. وسىلايشا، سايلاۋ الدىنداعى ۇگىت 2020 جىلعى 10 جەلتوقسان كۇنى ساعات 18:00-دە باستالادى.

سايتقا جازباشا ءوتىنىش وسى اقپاراتتىق حابارلاما نەگىزىندە دەمالىس جانە مەرەكە كۇندەرىن قوسپاعاندا كۇن سايىنعى ساعات 09-00-دەن 18-00-گە دەيىن قازاقستان رەسپۋبليكاسى، الماتى  قالاسى،  ۋاليحانوۆ كوشەسى، 64/47 ءۇي، 6 قابات، 623 وفيس مەكەنجايى بويىنشا قابىلدانادى.

جاريالانىمداردا قارجىلاندىرۋ كوزدەرى، ولاردىڭ تولەنۋى تۋرالى اقپاراتتار بولۋعا ءتيىستى.

باسپالىق ماتەريالداردى ورنالاستىرۋدىڭ كەزەكتىلىگى جازباشا وتىنشىتەردىڭ كەلىپ ءتۇسۋ رەتتىلىگىنە بايلانىستى سايتتىڭ مەنشىك يەسىمەن بەلگىلەنەدى.

ۇگىتتىك باسپا ماتەريالدارىن بەرۋدىڭ ءتارتىبى:

سايتقا ۇگىتتىك باسپا ماتەريالدارى ماقالا جارىق كورەتىن داتاعا 1 ء(بىر) كۇنتىزبەلىك كۇن قالعانعا دەيىن مودۋلدەر نەمەسە ماقالالار تۇرىندە تاپسىرىلۋعا ءتيىستى.

سايتقا بەرىلگەن ماتەريالداردا كونستيتۋتسيالىق قۇرىلىستى كۇشتەپ وزگەرتۋگە، رەسپۋبليكانىڭ تۇتاستىعىن بۇزۋعا، مەملەكەتتىڭ قاۋىپسىزدىگىن بۇلدىرۋگە، الەۋمەتتىك، ناسىلدىك، ۇلتتىق، ءدىني، تاپتىق جانە رۋلىق الاۋىزدىق تۋدىرۋعا، سونداي-اق زاڭمەن قاراستىرىلماعان جانە زاڭمەن قاراستىرىلعان تاعى باسقا دا نەگىزدەردە اسكەريلەندەرىلگەن قۇرىلىمدار قۇرۋ يدەيالارى كورىنىس بەرگەن جاعدايدا ۇگىتتىك ينتەرنەت ماتەريالدارىن ورنالاستىرۋدان باس تارتۋعا قۇقىلى.
سايت ساياسي پارتيالاردىڭ ابىرويى مەن قادىر-قاسيەتىنە نەمەسە ىسكەرلىك بەدەلىنە نۇسقان كەلتىرەتىن اقپاراتتار بولعان جاعدايدا ۇگىتتىك ينتەرنەت ماتەريالدارىن ورنالاستىرۋدان باس تارتۋعا قۇقىلى.

وسى اقپاراتتىق حابارلامادا كورسەتىلگەن ينتەرنەت الاڭدارىن بەرۋدىڭ شارتتارى مەن ءتارتىبى ۋاكىلەتتى ورگانداردىڭ تالابىنا ساي تۇزەتىلۋى مۇمكىن.

سايت  الاڭدارىن تولەۋدىڭ ءتارتىبى مەن مولشەرى:

https://www.election.gov.kz/upload/docs/2020-10/sved_predostavleniya_efira/internet_smi_too_abai_aqparat_rus.pdf

تولەم سايت مەنشىك يەسىنىڭ بانكتىك رەكۆيزيتتەرى ينتەرنەت الاڭىن بەرۋ جونىندەگى ءتيىستى كەلىسىمشارتتا نەمەسە ەسەپشوتتا كورسەتىلگەن رەكۆيزيتتەرىنە تولەنەدى.

Abai.kz