پارلامەنت ءماجىلىسىنىڭ جالپى وتىرىسىندا «قر كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

اتالعان زاڭ جوباسىن پارلامەنت دەپۋتاتتارى ازىرلەدى.

«بۇل قۇجات جول ءجۇرىسى سالاسىنداعى زاڭنامانى جەتىلدىرۋگە باعىتتالعان. زاڭ جوباسىندا قازاقستاندا بەرىلگەن جۇرگىزۋشى كۋالىگى جانە كولىك قۇرالىن تىركەۋ تۋرالى كۋالىكتى جۇرگىزۋشىنىڭ وزىمەن بىرگە الىپ جۇرۋگە مىندەتتەيتىن نورمالاردى الىپ تاستاۋ كوزدەلەدى. اتالعان نورمالاردى ساقتاماعانى ءۇشىن اكىمشىلىك جاۋاپتىلىقتى الىپ تاستاۋ ۇسىنىلادى»، - دەدى ءماجىلىس دەپۋتاتى قانات مۋسين.

سونىمەن قاتار، بۇل تۇزەتۋلەر شەتەلدىك جۇرگىزۋشىلەر مەن شەتەلدىك كولىك قۇرالدارىنا قولدانىلمايدى.

سونداي-اق، زاڭ جوباسىندا جول سالۋشىلاردى جولعا بايلانىستى قۇرىلىستاردى الدىن الا كەلىسۋگە جانە ولارعا ساراپتاما جۇرگىزۋگە مىندەتتەيتىن نورمالار ەسكەرىلدى.

«شىعارىلعان ۋاقىتى 10 جىلدان اسقان اۆتوبۋستاردى باستاپقى مەملەكەتتىك تىركەۋگە تىيىم سالۋ ۇسىنالادى»، - دەدى دەپۋتات.

Abai.kz