قاراعاندى وبلىسىنىڭ جاڭاارقا اۋدانىندا مۇناي قالدىعى جولعا توگىلدى. بۇل تۋرالى حابار 24 مالىمدەدى.

اتاسۋ اۋىلى مەن جۇماجانوۆ اتىنداعى اۋىلدىق وكرۋگتىڭ ارالىعىنداعى ۋچاسكەدە 10 توننا مۇناي قالدىعىن الىپ بارا جاتقان جۇك كولىگىنىڭ ارتقى جاعىنداعى بورتى اشىلىپ كەتىپ، 3 توننا قالدىق جولعا توگىلىپ قالدى.

اۋداندىق اكىمدىكتەگىلەردىڭ مالىمەتىنشە، كولىك قالدىقتى قاراعاندىداعى      «قازترانسويل» مۇناي قۇبىرىن باسقارۋ كومپانياسىنان كادەگە جاراتۋ ءۇشىن اتاسۋ بۋلاندىرۋ تسەحىنا الىپ جارا جاتقان. شەنەۋنىكتەردىڭ ايتۋىنشا، مۇناي قالدىعى توگىلگەن 10 شارشى مەتر جەر تازارتىلعان. قانشا شىعىن كەلتىرىلگەنىن انىقتاۋ ءۇشىن بارلىق ماتەريال ەكولوگتارعا جىبەرىلگەن.

«قازىر ءبىز بارلىق مۇناي قالدىعىن تازالادىق. قاجەت قۇجاتتار جينالدى جانە ءتيىس ورگاندارعا جىبەرىلدى», - دەدى جۇماجانوۆ اتىنداعى اۋىلدىق وكرۋگ اكىمى دۋمان بۇكىرباەۆ.

Abai.kz