الماتى وبلىسىنىڭ مادەنيەت باسقارماسى قازاق كسر كومپارتياسى وك ءبىرىنشى حاتشىسى دىنمۇحامەد قوناەۆ ەسكىرتكىشىن ورناتۋ جۇمىستارىن توقتاتتى. بۇل تۋرالى حابارلايدى Tengrinews.kz حابارلادى.

ەسكەرتكىشتىڭ رۇقسات قۇجاتتارىنسىز ورناتىلا باستاعانى بەلگىلى بولعان. ەندى اۆتورلار جوبانى كوميسسيا الدىندا قايتا قورعاۋى كەرەك ەكەن.

«2020 جىلدىڭ 15 قازانىندا قازاقستاننىڭ مەملەكەت جانە قوعام قايراتكەرى د.ا.قوناەۆتىڭ ەسكەرتكىشىن ورناتۋ جونىندەگى بارلىق ءتيىس قۇجاتتى تاريح جانە مادەنيەت ەسكەرتكىشتەرىن قورعاۋ جونىندەگى وبلىستىق كوميسسياسى قاراپ، ول ماقۇلداندى. سودان كەيىن قۇجاتتار نۇر-سۇلتان قالاسىنا مونۋمەنتتى ونەردىڭ جاڭا قۇرىلىستارىن ورناتۋ جونىندەگى قازاقستاننىڭ مەملەكەتتىك كوميسسياسىنىڭ قاراۋىنا جىبەرىلدى.

20 قازاندا الەۋمەتتىك جەلىلەردە مەملەكەتتىك كوميسسيانىڭ شەشىمىن كۇتپەستەن قوناەۆقا ەسكەرتكىش ورناتىلا باستاعانى بەلگىلى بولدى.

21 قازاندا جۇمىس توبى قۇرىلىپ، زاڭبۇزۋشىلىقتاردى انىقتاۋ ءۇشىن بالقاش اۋدانىنا باردى. بارلىق جاۋاپتى تۇلعانى، سونىڭ ىشىندە ءمۇسىنشىنى جيناپ، جۇمىس توبى ەسكەرتكىشتى ورناتۋ بويىنشا بارلىق قۇرىلىس جۇمىسىن توقتاتتى، سونداي-اق ەسكەرتكىش بويىنشا بارلىق ەسكەرتۋدى ەكى اپتا مەرزىمدە جويۋعا نۇسقاۋ بەرىلدى.

مونۋمەنتتى ونەردىڭ جاڭا قۇرىلىستارىن ورناتۋ جونىندەگى قازاقستاننىڭ مەملەكەتتىك كوميسسياسى وسى ەسكەرتكىشتىڭ بارلىق قۇجاتىن قارامادى. ءوز كەزەگىندە بالقاش اۋدانىنىڭ اكىمدىگى تاريحي جانە مادەني ەسكەرتكىشتەردى قورعاۋ جونىندەگى وبلىستىق كوميسسيانىڭ قاراۋىنا قۇجاتتار مەن ەسكيزدىك جوبالاردى قايتا ۇسىنۋى كەرەك»، - دەپ جازىلىپتى الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسى مالىمەتىندە.

ەسكە سالايىق، مۇنىڭ الدىندا قوناەۆتىڭ تۋىستارى جاڭا ەسكەرتكىشكە نارازىلىق بىلدىرگەن. سونداي-اق، جەلى قولدانۋشىلارى دا ءمۇسىندى سىنعا العان بولاتىن.

Abai.kz