الماتىنىڭ مونيتورينگتىك توپتارى مەگاپوليس اۋماعىندا شەكتەۋ شارالارىنىڭ ساقتالۋىن باقىلاۋدى كۇشەيتىپ جاتىر. بۇل تۋرالى Tengrinews.kz جازدى. 

24 قازاندا شەكتەۋ شارالارىن ساقتاۋ بويىنشا 59 تەكسەرۋ ءىس-شاراسى وتكىزىلدى. ەرەجە بۇزعان 11 نىسان انىقتالدى، ولارعا 230 اەك كولەمىندە ايىپپۇل سالىنادى. ال قايتالانعان جاعدايدا نىساندار قىزمەتىن سوتپەن توقتاتا تۇرۋ ماسەلەسى قارالادى.

- AINABAI HALL مەيرامحاناسىندا 50 ادامعا قۇدالىق بولعان;

- "توميريس" مەيرامحاناسىندا 40 ادامعا توي وتكىزىلگەن;

- "بودرۋم" مەيرامحاناسىندا 70 ادامعا ارنالعان ۇيلەنۋ تويى ءوتتى;

- "زەرە" دۇكەنىندە سانيتايزەرلەر بولمادى، ساتۋشى ماسكاسىنسىز وتىردى;

- Happy event دۇكەنىندە جۇمىس ورنىندا ساتۋشىلاردا قورعانىس ماسكاسى بولمادى، دەزينفەكتسيالىق كىلەمشەلەر مەن سانيتايزەرلەر جوق;

- "التىن ارۋ" تاتتىلەر دۇكەنىندە ساتۋشى جۇمىس ورنىندا قورعانىس ماسكاسىز جانە قولعاپسىز بولدى، دەزينفەكتسيالىق كىلەمشەلەر مەن سانيتايزەرلەر بولمادى، جۋرنالعا دەرەكتەردى ەنگىزە وتىرىپ، قىزمەتكەرلەردى تەرمومەتريالاۋ جۇرگىزىلمەگەن;

- "اگيباەۆا" ازىق-تۇلىك دۇكەنىندە كەلۋشىلەرگە ارنالعان سانيتايزەرلەر بولمادى.

ناۋرىزباي اۋدانىنىڭ سالتانات زالىندا 100 ادامعا ارنالعان توي وتكىزىلدى.

المالى اۋدانىندا جۇمىس رەجيمىن بۇزعان نىساندار انىقتالدى (ساعات 23.00-دەن كەيىن ىستەۋ، كاليان ساتۋ). ولاردىڭ قىزمەتىنە تىيىم سالىندى:

- "مياتا" لاۋنج-بارى ساعات 23.00-دەن كەيىن جۇمىس ىستەگەن، كەلۋشىلەرگە كاليان ساتقان;

- "گراند وپەرا" كاراوكەسىنىڭ قىزمەتىنە ۋاقىتشا تىيىم سالىندى;

- Finik كافەسى ساعات 23.00-دەن كەيىن جۇمىس ىستەگەن، كەلۋشىلەرگە كاليان ساتىلعان.

جەرگىلىكتى پوليتسيا قىزمەتى مەن مەملەكەتتىك-قۇقىقتىق ءبولىم قۇرامىنداعى مونيتورينگتىك توپتار كارانتين شارالارىن، الەۋمەتتىك قاشىقتىق پەن بەتپەردە تاعۋ رەجيمىن، سونداي-اق رۇقسات ەتىلگەن ساۋدا وبەكتىلەرىنىڭ جۇمىس رەجيمىن ساقتاۋ بويىنشا قالا تۇرعىندارىنا اقپاراتتىق حابارلاندىرۋ جۇرگىزەتىنىن اتاپ وتكەن ءجون. اقپاراتتىق قۇلاقتاندىرۋ ماگيسترال كوشەلەر، اۋلالار جانە قالا تۇرعىندارىنىڭ كوپشىلىك دەمالاتىن ورىندارىندا جۇرگىزىلەدى.

Abai.kz