بۇگىن ءماجىلىس دەپۋتاتتارى «قازاقستان رەسپۋبليكاسىنىڭ ۇلتتىق قورىنان 2021-2023 جىلدارعا ارنالعان كەپىلدەندىرىلگەن ترانسفەرتتەر تۋرالى» جانە «2021-2023 جىلدارعا ارنالعان رەسپۋبليكالىق بيۋدجەت تۋرالى» زاڭ جوبالارىن ماقۇلدادى.

وتىرىستا ۇلتتىق ەكونوميكا ءمينيسترى رۋسلان دالەنوۆ 2023 جىلعا دەيىنگى رەسپۋبليكالىق بيۋدجەت تۋرالى زاڭ جوباسى بويىنشا پرەزەنتاتسيا جاساپ، 2021-2023 جىلدارعا ارنالعان بيۋدجەتكە ارنالعان بولجامدار تۋرالى باياندادى.

ونىڭ ايتۋىنشا، بولجامدى مۇناي باعاسى باررەلىنە 35 دوللاردى قۇرايدى. سونداي-اق، ونىڭ سوزىنشە 2021-2022 جىلدارى ينفلياتسيا 4-6% ارالىعىندا، 2022-2023 جىلدارى 4-5% ارالىعىندا بولادى دەپ كۇتىلۋدە.

رەسپۋبليكالىق بيۋدجەت جوباسىنا سايكەس، 2021 جىلى الەۋمەتتىك سالانى دامىتۋعا بولىنگەن قاراجات 7 ترلن. تەڭگەنى قۇرادى، بۇل الدىڭعى جىلمەن سالىستىرعاندا 454 ملرد.تەڭگەگە كوپ.

ءماجىلىستىڭ ءباسپاسوز قىزمەتى اتاپ وتكەندەي، ماجىلىستە بيۋدجەت جوباسىن قاراۋ ناتيجەسىندە ەكونوميكانىڭ ناقتى سەكتورىن دامىتۋعا، ونىڭ ىشىندە شوب-تى قولداۋعا 1,7 ترلن.قاراستىرىلعان. ال، ايماقتارعا رەسپۋبليكالىق بيۋدجەتتەن شامامەن 3,9 ترلن.تەڭگە بولىنبەك.

Abai.kz