سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
578 8 پىكىر 21 قازان, 2020 ساعات 11:09

نۇر-سۇلتاندا LRT قۇرىلىسى كەزىندە اقشا جىمقىرۋ ءىسى بويىنشا سوت باستالدى

نۇر-سۇلتاننىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا العاشقى جەڭىل رەلستى ترانسپورت جۇيەسىن سالۋ كەزىندە انىقتالعان "اقشا جىمقىرۋ ىسىنە" بايلانىستى الدىن الا تىڭداۋ ءوتتى.

استانا سوتىنىڭ ءباسپاسوز قىزمەتىنىڭ مالىمەتىنشە، بۇل ىستە بىرنەشە ايىپتالۋشى بار: نۇر-سۇلتان قالاسىنىڭ التىنشى شاقىرىلىمىنداعى ءماسليحاتتىڭ بۇرىنعى حاتشىسى جانات نۇرپەيىسوۆ، قالالىق كولىك جانە اۆتوموبيل جولدارى باسقارماسىنىڭ بۇرىنعى باستىعى راشيد امانجولوۆ، "استانا Innovations" كومپانياسى باسقارماسىنىڭ بۇرىنعى توراعاسى تالعات ءاشىم جانە ءتورت كاسىپكەر، ەنشىلەس كومپانيا باسشىلارى داۋرەن ءابدىحاميتوۆ، ۇلىقبەك اچيلوۆ، تيمۋر كاساباەۆ، دۋلات مۇسەنوۆ.

ولارعا "ۇيىمداسقان توپ قۇرۋ جانە وعان جەتەكشىلىك ەتۋ" جانە "وزىنە سەنىپ تاپسىرىلعان مۇلىكتى يەمدەنۋ جانە جۇمساۋ" باپتارى بويىنشا ايىپتار تاعىلعان.

وسىعان دەيىن ءىستى تەرگەگەن جەمقورلىقپەن كۇرەس ءىس-قيمىل اگەنتتىگى "اقشا جىمقىرۋ سحەماسىن نۇر-سۇلتان قالاسى اكىمىنىڭ بۇرىنعى ورىنباسارى قانات سۇلتانبەكوۆ، "استانا LRT" كومپانياسىنىڭ بۇرىنعى باسشىسى تالعات اردان ۇيىمداستىرعان" دەپ مالىمدەگەن ەدى. ولارعا حالىقارالىق ىزدەۋ جاريالانعان.

تەرگەۋ ورگاندارىنىڭ مالىمەتىنشە، شەنەۋنىكتەر كاسىپكەرلەرمەن بىرگە جوبا قۇنىن جاساندى تۇردە قىمباتتاتىپ، جالعان كاسىپورىنداردىڭ كومەگىمەن ميلليارد تەڭگەنى قاعاز اقشاعا اينالدىرعان.

LRT جوباسىنىڭ تيىمدىلىگى جايلى ماسەلە قىتايدان ينۆەستيتسيا تارتىلىپ، قۇرىلىسى باستالعان ساتتەن (2017 جىل) بەرى ءجيى ايتىلىپ كەلەدى. قازاقستانداعى العاشقى جەڭىل رەلستى ترانسپورت جۇيەسى استانانىڭ سول جاعالاۋىنان اۋەجاي جانە تەمىر جول ۆوكزالىنا دەيىن جولاۋشىلار تاسىمالداۋى ءتيىس.

بىلتىر جازدا پرەمەر-ءمينيستردىڭ ءبىرىنشى ورىنباسارى، قارجى ءمينيسترى ءاليحان سمايلوۆ LRT جوباسىن جۇزەگە اسىرۋ ءۇشىن قازاقستاننىڭ قىتايدىڭ دامۋ مەملەكەتتىك بانكىنەن 1,5 ملرد دوللار كولەمىندە قارىز العانىن حابارلاعان، ونىڭ 344 ملن دوللارى قۇرىلىسقا جاراتىلىپ قويعان.

بىراق قىتاي بانكى مەردىگەرلەرگە قاتىسى بار پروبلەماعا بايلانىستى قارجىلاندىرۋدى توقتاتىپ، ەندى ۇكىمەت قۇرىلىستى اياقتاۋ ءۇشىن 1,2 ملرد دوللار ءبولۋدى جوسپارلاپ وتىر.

پرەزيدەنت قاسىم-جومارت توقاەۆ 2019 جىلى كۇزدە جوبانى اشىق سىناپ، "داۋلى جوبا" دەپ اتاعان.

دەگەنمەن استانا بيلىگى كەيىنىرەك LRT قۇرىلىسىن جالعاستىرا بەرەتىنىن حابارلادى. ستانتسيالار مەن جەراستى جاياۋ جۇرگىنشىلەر وتكەلى قىسقارادى.

پروتسەستى سۋديا قاجىمۇقان مەكەمتەس جۇرگىزىپ جاتىر. العاشقى سوت وتىرىسى 29 قازاندا وتەدى.

Abai.kz

8 پىكىر