دۇيسەنبى, 30 قاراشا 2020
COVID-19 قازاقستاندا. جۇقتىرعاندار — 131659. جازىلعاندار — 116461. قايتىس بولعاندار — 1990
46 - ءسوز 1308 9 پىكىر 19 قازان, 2020 ساعات 14:54

الەمدىك باسەكەدە «ءنول» دەگەن باعاعا لايىقتىمىز

"بايراكتار" بەسپيلوتنيكتەرىن شىعاراتىن تۇركيا قاجەتتى كامەرالاردى كانادالىق "Wescom" فيرماسىنان الۋشى ەدى. ارمەنياعا قارسى سوعىسقان ازەربايجان ەلىنە بەسپيلوتنيكتەر بەرگەنى ءۇشىن كانادا ۇكىمەتى تۇركياعا سانكتسيا سالدى. ەندى كانادا فيرماسى تۇركياعا بەسپيلوتنيكتەرگە قاجەتتى كامەرالار ساتپايتىن بولدى.

بىراق تۇرىكتىڭ دە ەسەبى مىقتى. 10-15 جىلدا وزدەرىنە قاجەت 150-گە جۋىق بەسپيلوتنيكتەر شىعارىپ ۇلگەرگەن. ونىمەن توقتاپ قالماي "Aselsan" فيرماسى ارقىلى وزدەرى دە بەسپيلوتنيكتەرگە قاجەتتى كامەرالار جاساۋدى بۇرىننان قولعا العان. تۇركيانىڭ "Aselsan" فيرماسى قازىرگى تاڭدا "سATS" كامەرالارىن شىعاراتىن دەڭگەيگە دەيىن كوتەرىلگەن. تۇرىك ۇكىمەتى قيىن ساتتەردىڭ بولاتىنىن ءبىلىپ، سىن ساعاتتا اياقتا تۇرار وزدەرى وندىرەتىن التەرناتيۆالى ءوندىرىستىڭ فۋندامەنتىن قالاپ ۇلگەرگەن. بۇدان بولەك وسى ۋاقىتقا دەيىن بەسپيلوتنيكتەر ءۇشىن ۋكراينادان موتور ساتىپ الىپ كەلگەن تۇركيا بۇگىنگى كۇنى وزدەرى موتور شىعارا الاتىن العاشقى قادامدى دا جاسادى. "SOM" زىمىراندارىن ءوندىرۋ دە جولعا قويىلعان.

تەك ءبىر عانا "اتتەڭ-اي" دەيتىن تۇسى "Wescom" كومپانياسى كامەرالارىنىڭ سالماعى 19 كگ بولسا، "ساTS" كامەرالارى 60 كگ شاماسىندا. بۇل بەسپيلوتنيكتەردىڭ اۋادا قالۋ ۇزاقتىعىنا اسەر ەتەدى. بىراق شارتتار وزگەرگەننەن كەيىن "Aselsan" قازىرگى تاڭدا سالماعى جەڭىل كامەرالار ءوندىرۋدى تەزدەتۋگە كىرىستى.

كەيدە ءوزىم ويلانامىن. الەمدە وركەنيەتتى ەلدەر تەحنولوگيادان جارىسىپ جاتىر. تەحنولوگيا تۇتاس مەملەكەتتەردىڭ شەكاراسىنا، تاۋەلسىزدىگىنە اسەر ەتەتىنىن كوز كورىپ وتىر. ءبىزدىڭ مەملەكەت ء"تالىم ترەند" كەرەك پە جوق پا؟، "اناۋ جاۋ", "مىناۋ ساتقىن", "سالافيت", "سوپى", "توقال", "بالاق", "ساقال", "نۇربوت", "وپپوزيتسيا", "ۇلتشىل", "ۇلتجاندى" دەگەن اڭگىمەنىڭ اينالاسىندا ءجۇر. نەگىزى اڭگىمەسى كوپ، سىنشىل، ءمىنشىل، قىرتىمباي قوعامبىز ءبىز. الەمدىك باسەكەدە "نول" دەگەن باعاعا لايىقتىمىز. ەگەر تۋراسىن ايتساق الەمدىك باسەكەگە ءتۇسىپ تە كورمەگەن ەلمىز.

تاۋەلسىزدىك پەن تەحنولوگيا ەگىز ۇعىم ەكەنىن تۇسىنسەك جاقسى. ايتاتىن اڭگىمەمىزدىڭ سيقىنا قاراپ قارنىڭ اشادى كەيدە. مويىندايىقشى. قىرتىمبايمىز عوي ءبىز؟!

باۋىرجان سەرىكباەۆتىڭ الەۋمەتتىك جەلىدەگى پاراقشاسىنان الىندى

Abai.kz

9 پىكىر