سەنات سپيكەرى ماۋلەن اشىمباەۆتىڭ توراعالىعىمەن پالاتانىڭ بيۋرو وتىرىسى ءوتتى. وندا دەپۋتاتتار الداعى جالپى وتىرىستىڭ كۇن ءتارتىبىن تالقىلادى جانە ماجىلىستەن كەلىپ تۇسكەن زاڭ جوباسى كوميتەتتەرگە ءبولىپ بەردى.

بيۋرودا كەزەكتى سەنات وتىرىسىنىڭ كۇن ءتارتىبى انىقتالدى. سوعان سايكەس 22 قازان كۇنى سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى. سونداي-اق، پالاتا وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قالدىقتاردى ەنەرگەتيكالىق كادەگە جاراتۋ، سۋ قورعاۋ بەلدەۋلەرى جانە جۇكتەردى تەمىرجول كولىگىمەن تاسىمالداۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا قارايتىن بولدى.

سونىمەن قاتار بيۋرو وتىرىسىندا ماجىلىستەن كەلىپ تۇسكەن زاڭ جوباسى كوميتەتتەرگە ءبولىنىپ بەرىلدى. سونىڭ ناتيجەسىندە كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى «1994 جىلعى 9 قىركۇيەكتەگى ەۋرازيالىق پاتەنت كونۆەنتسياسىنا ونەركاسىپتىك ۇلگىلەردى قورعاۋ تۋرالى حاتتامانى راتيفيكاتسيالاۋ تۋرالى» زاڭ جوباسى بويىنشا باس كوميتەت بولىپ بەلگىلەندى.

وتىرىس بارىسىندا سەنات توراعاسى ماۋلەن اشىمباەۆ 23 قازان كۇنى وتەتىن پارلامەنتتىك تىڭداۋعا نازار اۋداردى. تىڭداۋ كەزىندە قاتىسۋشىلار اۋىلدىق اۋماقتاردى الەۋمەتتىك-ەكونوميكالىق دامىتۋ ماسەلەلەرىن جانە ولاردىڭ پەرسپەكتيۆالارىن تالقىلايدى.

Abai.kz