تانىمال بلوگەر ايدا جەكسەن مەن قر پرەزيدەنتىنىڭ ەكس-كەڭەسشىسى ولجاس قۇدايبەرگەن وزدەرىنىڭ Telegram-كانالىندا ساۋالناما جۇرگىزىپ، قازاقستاندىقتاردىڭ قاي پارتياعا كوبىرەك سەنىم بىلدىرەتىنىن انىقتاپ كوردى.

ساۋالناما ناتيجەسى مىنانداي:14 مىڭنان استام جازىلۋشىسى بار JexeNews (ايدا جەكسەن) كانالىندا جۇرگىزىلىپ جاتقان ساۋالناماعا داۋىس بەرگەندەردىڭ 80 پايىزى (7392 داۋىس) «Nur Otan» پارتياسىنىڭ الدىنا تۇسەر ساياسي ۇيىم ازىرگە جوق دەپتى. سونداي-اق، OKChannel (ولجاس قۇدايبەرگەن) كانالى جازىلۋشىلارىنىڭ 71% اتالعان پارتياعا داۋىس بەرگەن.ايتا كەتۋ كەرەك، ولجاس قۇدايبەرگەنوۆتىڭ ارناسىندا ساۋالناما بىرنەشە ساعات قانا اشىق بولدى، ال ايدا جەكسەن ءوزىنىڭ Facebook-پاراقشاسىندا جازبا قالدىرىپ، ساۋالنامانىڭ الداعى ءماجىلىس سايلاۋىنا دەيىن قوسۋلى بولاتىنىن حابارلادى.

ايتا كەتەيىك، مۇنداي ونلاين-داۋىس بەرۋ تامىز ايىندا – پرايمەريزدىڭ ۇگىت-ناسيحات ناۋقانى باستالعانعا دەيىن دە وتكىزىلگەن ەدى.ول كەزدە وزگە دە Telegram-كانالدار، اتاپ ايتقاندا، «ALIBEKOV» (55 670 جازىلۋشى), «ALIBEKOV» (55670 جازىلۋشى), «كازاحستان ي ۆسە-ۆسە-ۆسە» (3751), «دوم س پارانورمالنىمي ياۆلەنيامي» (8892), «Kozachkovoffside» (10362) ءوز وقىرماندارى اراسىندا «ءسىز قانداي پارتيانى قولدايسىز؟ ەگەر سايلاۋ قازىر وتكىزىلسە، ءسىز كىمگە داۋىس بەرەسىز؟» دەگەن ساۋالناما جۇرگىزگەن بولاتىن.

ونلاين داۋىس بەرۋگە بارلىعى 24 069 ادام قاتىستى، بۇل Telegram-كانالداردىڭ قازاقستاندىق جازىلۋشىلارىنىڭ 1/3 قۇرايدى. ساۋالنامالاردىڭ قورىتىندىسى بويىنشا، «Nur Otan» ءۇشىن 40-تان 69%-عا دەيىن داۋىس بەرىلدى. بۇل رەتتە، باسقا پارتيالاردىڭ داۋىسى ءىس جۇزىندە 10%-دان اسپادى.ايتا كەتۋ كەرەك، Telegram IT, عىلىم جانە ونەردى ۇناتاتىن شىعارماشىلىق قاۋىمنىڭ پلاتفورماسى بولىپ قالا بەرەدى. بۇل – ستۋدەنتتەر، مەنەدجەرلەر مەن ماماندار، جوعارى ءبىلىمى بار ورتا تاپ.

Abai.kz