جاڭاوزەندە جاريالانعان توتەنشە جاعداي ەلباسىنىڭ جارلىعىمەن 31 قاڭتارعا دەيىن ۇزارتىلعان بولاتىن. بۇگىن ورتالىق سايلاۋ كوميسسياسى جاڭاوزەن قالاسىندا ءماجىلىس سايلاۋىنىڭ وتپەيتىندىگى تۋرالى حابارلادى. جۋرانليستەردى جاڭاوزەندە سايلاۋدىڭ وتپەيتىنى تۋراسىندا  وسك توراعاسىنىڭ ورىنباسارى ۆلاديمير فووس   قۇلعادار ەتتى.  

«ورتالىق سايلاۋ كوميسسياسى كونستيتۋتسيالىق كەڭەستىڭ شەشەمىنە سۇيەنە وتىرىپ، جاڭاوزەندە بەسىنشى رەت شاقىرىلىپ وتىرعان ءماجىلىس سايلاۋى مەن ءماسليحات سايلاۋى وتپەيتىندىگىن حابارلايدى»، - دەيدى فووس. قالعان قالالار مەن ەلدى مەكەندەردە سايلاۋ 15-ءشى قاڭتاردا بولادى.  

جاڭاوزەندە جاريالانعان توتەنشە جاعداي ەلباسىنىڭ جارلىعىمەن 31 قاڭتارعا دەيىن ۇزارتىلعان بولاتىن. بۇگىن ورتالىق سايلاۋ كوميسسياسى جاڭاوزەن قالاسىندا ءماجىلىس سايلاۋىنىڭ وتپەيتىندىگى تۋرالى حابارلادى. جۋرانليستەردى جاڭاوزەندە سايلاۋدىڭ وتپەيتىنى تۋراسىندا  وسك توراعاسىنىڭ ورىنباسارى ۆلاديمير فووس   قۇلعادار ەتتى.  

«ورتالىق سايلاۋ كوميسسياسى كونستيتۋتسيالىق كەڭەستىڭ شەشەمىنە سۇيەنە وتىرىپ، جاڭاوزەندە بەسىنشى رەت شاقىرىلىپ وتىرعان ءماجىلىس سايلاۋى مەن ءماسليحات سايلاۋى وتپەيتىندىگىن حابارلايدى»، - دەيدى فووس. قالعان قالالار مەن ەلدى مەكەندەردە سايلاۋ 15-ءشى قاڭتاردا بولادى.  
2011 جىلدىڭ 16 جەلتوقسانىندا جاڭاوزەن قالاسىندا ورىن العان جاپپاي تارتىپسىزدىك رەسمي دەرەكتەر بويىنشا 16 ادامنىڭ ءومىرىن قيىپ، جۇزدەن اسا جاندى جاراقاتتادى. جاڭاوزەندەگى مۇنايشىلار ماسەلەسىنىڭ وڭدى شەشىلمەۋى قالا ەكونوميكاسىنىڭ كۇيرەۋىنە اكەلىپ، بيلىك قالانى قالىپقا كەلتىرۋ ءۇشىن 20 ميلليون دوللار كولەمىندە قاراجات ءبولدى. جارتى جىلدان بەرى اشتىق جاريالاپ، جالاقىنىڭ ازدىعىنا قاپالانعان مۇنايشىلاردىڭ قالاسى ءبىر كۇندە تالقاندالدى. ايماقتاعى اسقىنعان جاعدايدى رەتتەۋ ءۇشىن ەلباسىنىڭ كەلگەنى دە  جاعدايدىڭ ءماز ەمەستىگىن اڭعارتسا كەرەك. اكىم اۋىستى، شەنەۋنىكتەر قىزمەتىنەن قاعىلدى. قالادا كومەنداتتىق ساعات ورناپ، توتەنشە جاعداي جاريالاندى. بۇگىندە جاڭاوزەندەگى جاعداي تۇراقتالىپ كەلەدى. تىنىش ءومىر قايتا باستالعانداي. ۇكىمەتباسى كارىم ءماسىموۆتىڭ ءباسپاسوز حاتشىسى جاڭاوزەندەگى مۇناي كومپانيالارى جۇمىسىنان قۋىلعان مۇنايشىلاردى قايتادان قىزمەتكە قابىلداپ جاتقانىن حابارلاعان. "قاراجامباسمۇناي" جانە "وزەنمۇنايگاز" كومپانيالارىنا بۇگىنگە دەيىن 400-گە جۋىق جۇمىسقا قابىلداۋ تۋرالى ءوتىنىش كەلىپ ءتۇستى. تارتىپسىزدىك كەزىندە تۋىستارى قايتىس بولعان وتباسىلاردىڭ 1 ميلليون، جاقىندارى جاراقات العان جانۇيالاردىڭ 500 مىڭ تەڭگە كولەمىندە كومەكاقى الاتىنىن ومىرزاق شوككەۆتىڭ ءوز اۋزىنان ەستىدىك. جاڭا جىل مەرەكەسى جاڭاوزەندە شىعىنسىز، تىنىش ءوتتى. قالاداعى مەكتەپتەر مەن بالاباقشالار دا ەسىگىن ايقارا اشىپ، قىزمەتىنە كىرىسكەنىن وقىرمانعا جەتكىزگەنبىز. الايدا، قالاداعى كومەنداتتىق ساعاتتىڭ قاڭتاردىڭ سوڭىنا دەيىن سوزىلۋى كوڭىلگە كۇدىك ۇيالاتادى. بۇل ءالى دە بولسا حالىقتىڭ كوتەرىلىپ كەتۋ قاۋپى بار دەگەن بيلىكتىڭ قورقىنىشىن كورسەتسە كەرەك.  ونىڭ  ۇستىنە، قالاداعى كومەنداتتىق ساعاتتىڭ سوزىلا ءتۇسۋى جاڭاوزەندىكتەردى سايلاۋعا قاتىسۋ قۇقىنان ءبىرجولاتا ايىردى. سەبەبى، اتا زاڭدا توتەنشە جاعداي جاريالانىپ، كومەنداتتىق ساعات ورناتىلعان ايماقتاردا  سايلاۋدىڭ وتپەيتىنى تۋرالى جازىلعان. كونستيتۋتسيالىق كەڭەستىڭ توراعاسى يگور روگوۆ كونستيتۋتسياعا سايكەس جۇمىس ىستەپ وتىرعاندىقتان، جاڭاوزەندىكتەردىڭ سايلاۋعا قاتىسپايتىنىن حابارلادى. جاڭاوزەندەگى جاعداي وسىنداي. ەڭ باستىسى، قالادا تىنىشتىق ورناپ، بەيبىت كۇندەر قايتا ورالسىن دەپ تىلەيمىز.
«ماسا-اقپارات»