"دەرەۋ كارانتينگە كەتەمىز، ايىعۋ پروتسەسىن باستايمىز. ءبارىن بىرگە وتكەرەمىز" دەپ جازدى ترامپ Twitter-دە.
بۇعان دەيىن پرەزيدەنت كەڭەسشىسى حوۋپ حيكستەن كوروناۆيرۋس تابىلعانى حابارلانعان ەدى. سوڭعى بىرنەشە شارا كەزىندە ول ترامپتىڭ جانىندا بولعان.
اق ءۇيدىڭ تاراتقان رەسمي مالىمدەمەسىندە "پرەزيدەنت ءوزى مەن اينالاسىنداعى، ءوزىن قولدايتىن ادامدار مەن امەريكا حالقىنىڭ دەنساۋلىعىنا جاۋاپپەن قارايدى" دەلىنگەن.
وسىعان دەيىن دە اق ءۇي شەنەۋنىكتەرىنەن Covid تابىلعان. مامىر ايىندا اقش ۆيتسە-پرەزيدەنتى مايكل پەنستىڭ بۇرىنعى ءباسپاسوز حاتشىسى كەتي ميللەردەن كوروناۆيرۋس تابىلعان. كەيىنىرەك اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى روبەرت و'برايەنگە دە كوروناۆيرۋس جۇققان. ەكەۋى دە ايىعىپ، جۇمىسىنا ورالدى.
ترامپ سايلاۋالدى كەزەڭنىڭ ناعىز قىزعان شاعىندا كوروناۆيرۋسقا شالدىعىپ وتىر. اقش-تا پرەزيدەنت سايلاۋى 3 قاراشادا وتەدى.
Abai.kz
