تۋريزم بۇگىنگى ادامزات بالاسى ءۇشىن ەڭ جاقىن، ەڭ ۇيرەنشىكتى سوزگە اينالدى. سەبەبى الەمدە ەكىنىڭ ءبىرى ترۋسي، ەكىنىڭ ءبىرى تۋريزم سالاسىندا قىزمەت ىسەيتىن ازامات نەمەسە ەكىنىڭ ءبىرى تۋريزمگە سۇيەنىپ ناپاقا تاۋىپ وتىر. ءتىپتى الەمدە كەيبىر ەلدەر تۋريزم سالاسىن مەيلىنشە دامىتىپ، وسى سالاداعى تابىستارىنىڭ ارقاسىندا عانا ەل ەكونوميكاسىن دامىتىپ وتىر. مۇندي مىسالدار ءبىر ەمەس، ونداپ سانالادى.

ءبىز ءسوز ەتىپ وتىرعان تۋريزم سالاسى ءبىزدىڭ ەلدە، قازاقستاندا دا قارىشتاپ دامىپ كەلەدى. الەمدىك ساراپشىلاردىڭ زەتەرتتەۋلەرىنە قاراعاندا، كەيىنگى جىلدارى تۋريستەر كوبىنە كونە تاريحي ورتالىقتار، مادەني مۇرالارعا قىزىعۋشىلىق تانىتا باستاعان. دەمەك تاريحى باي، مىڭ جىلدىق مادەنيەتى بار قازاقستان ءۇشىن ۇلكەن مۇمكىندىك تۋىپ تۇر دەگەن ءسوزى.

وسىعان وراي ەلىمىزدىڭ ءار ايماعىندا تۋريستىك قىزمەتتىك دامىتاتىن شارالار قولعا الىنىپ، جۇزەگە اسىپ جاتىر. تۋريستىك ورىندار سالىنىپ، كونە مادەني ورتالىقتار جىل سايىن جاڭارتىلۋدا. اتاپ ايتار بولساق، ماڭعىستاۋ وبلىسىندا الداعى ەكى جىلدا ەكى بىردەي تۋريستىك ۆيزيت-ورتالىق اشىلادى دەپ جوسپالارنىپ وتىر. اتالعان ورتالىقتا ەڭ باستىسى ەتنو-اۋىلدار، شاتىرلى قالاشىقتارعا ارنالعان ورىندار، كەمپينگ، گلەمپينگ جانە قوناق ۇيلەر ورنالاستىرىرلادى.

وسىلايشا، تاريحي نىساندارعا باي ماڭعىستاۋ ءوڭىرىنىڭ مادەني مۇرالارىن ەل تۇرعىندارىنىڭ دا، شەتەلدىك ساياحاتشىلاردىڭ دا نازارىنا ۇسىنىپ، ءوڭىردىڭ ەكونوميكاسىن تۋريزم ارقىلى ارتتىرۋعا مۇمكىندىك جاسالماق. جاقىندا اقتاۋ قالاسىندا القالى جينالىس ءوتتى. وعان تۋريزم سالاسىن دامىتۋ ماسەلەلەرى بويىنشا مادەنيەت جانە سپورت مينيسترلىگىنىڭ وكىلدەرى، جەرگىلىكتى اكىمشىلىك پەن Kazakh Tourism كومپانياسىنىڭ جاۋاپتى قىزمەتكەرلەرى قاتىستى. اتالعان جينالىس بارىسىندا ايماقتىڭ ءتۋريزمىن دامىتۋ ماسەلەلەرى جان-جاقتى تالقىلاندى.

عالىمجان نيازوۆ،

ماڭعىستاۋ وبلىسى اكىمىنىڭ ورىنباسارى: 

«ماڭعىستاۋ قىزىقتى تاريحي-مادەني نىسانداردىڭ، لاندشافتتاردىڭ، قاجىلىق ورىندارىنىڭ الۋان تۇرلىلىگىمەن، سالت-داستۇرلەرگە بەرىك ۇستانۋشىلىعىمەن ەرەكشەلەنەدى. ءوڭىردىڭ اۋماقتىق ورنالاسۋى دا بىرەگەي، ءبىز كاسپي تەڭىزى ارقىلى بىردەن بەس شەت مەملەكەتپەن شەكتەسەمىز، ال بۇل كوپ ميلليوندىق الەۋەتتى نارىق. سوندىقتان ءوڭىر سوڭعى جىلدارى ءوزىنىڭ تۋريستىك الەۋەتىن بارىنشا ىسكە اسىرعىسى كەلەدى. ءبىز ۇسىنىستارعا اشىقپىز».

ماڭعىستاۋ وبلىسىنىڭ ءتۋريزمدى دامىتۋعا، وسى سالاعان ينۆەستورلار تارتۋدا مۇمكىندىگى مول. قازىرگى تاڭدا اتالعان ايماقتا سەگىز نىسان مەن ون ەكى بىرلىك سانيتارلىق-گيگيەنالىق توراپتىڭ قۇرىلىسى جۇرگىزىلىپ جاتىر. مۇنداي ينفراقۇرىلىم نىسانىنىڭ قۇرىلىسى الداعى ۋاقىتتا دا جالعاسادى. جوسپار بويىنشا تاعى ون قۇرلىس سالىنادى دەپ كۇتىلۋدە.

جوعارىدا ايتقان، سانيتارلىق-گيگيەنالىق قوندىرعىنىڭ قۇرىلىسىنا رەسپۋبليكالىق بيۋدجەتتەن 144 ميلليون تەڭگە ءبوىلىنىپ وتىر. وسى قارجىنىڭ ارقاسىندا ون ەكى نىسان بوي كوتەرەدى. وبلىس اكىمدىگىنىڭ جوسپارى بويىنشا، بۇل قوندىرعىلار ءوڭىردىڭ ماڭعىستاۋ، تۇپقاراعان جانە قاراقيان اۋداندارىندا ورنالاستىرىلاتىن بولادى. بۇل قۇرلىس جۇمىستارىنىڭ بۇگىنگى تاڭدا 95 پايىزى اياقتالىپ ۇلگەردى. ال الداعى جىلى ساياحاتشىلاردىڭ اتالعان تۋريستىك ورتالىقتارعا قينالماي جەتۋى ءۇشىن جول جاعدايى جاقسارتىلاتىن بولادى.

تۋريزم سالاسىن دامىتۋعا ەل استاناسى نۇر-سۇلتان قالاسى دا باسا نازار اۋدارىپ وتىر. ەلوردادا جاقىن بولاشاقتا ەكى بىردەي ەكولوگيالىق ساياباق سالىناتىن بولادى. بۇل اقپاراتتى نۇر-سۇلتان قالالىق ساۋلەت، قالا قۇرىلىسى جانە جەر قاتىناستارى باسقارماسى جاريالاپ وتىر.

اتالعان ەكى ەكولوگيالىق ساياباقتىڭ ءبىرى تالدىكول كولىنىڭ جاعاسىندا ورنالاستىرىلادى. اتالعان اۋماق ەلوردانىڭ وڭتۇستىك-باتىس بولىگىندە ورنالاسقان. جوسپارلانعان ايماقتىڭ جالپى كولەمى 5700 گەكتاردى قۇرايدى. سونىمەن قاتار، بۇل اۋماقتا زەرتتەۋشى ماماندار ءۇشىن ارنايى الاڭدار مەن ەكسكليۋزيۆتى ءبىلىم بەرۋ ورتالىقتارىن ورناتۋ جوسپارلانىپ وتىرعان كورىنەدى. اتالعان ەكولوگيالىق ساياباقتىڭ قۇرىلۋى ەرەكشە قورعالاتىن، قىزىل كىتاپقا ەنگەن سيرەك كەزدەسەتىن قۇستار مەن جانۋارلاردى قورعاۋعا، ولاردىڭ ەركىن ءومىر سۇرەتىن ورتاسىن قالىپتاستىرۋعا مۇمكىندىك بەرەدى.

ال ەكىنشى ەكولوگيالىق ساياباق مايبالىق كولىنىڭ ماڭىندا ورنالاستىرىلادى. بۇل ساياباق تا ءبىرىنشىسى سەكىلدى ماڭىزدى ورتالىق بولادى دەپ كۇتىلۋدە. مايبالىق ەكوپاركىنىڭ جەر كولەمى 400 گەكتاردى قۇرايدى. ال سۋ قويمالارىنىڭ كولەمى 120 گەكتار. بۇل ساياباقتىڭ باستى ەرەكشەلىگى، مۇندا بالىق اۋلاۋعا ارنالعان جاساندى سۋ قويمالارى ورنالاساتىن بولادى. سونداي-اق، ەكوپاركتە ۆەلوسيپەد جولدارى، سەرۋەندەۋ جولاعى، ەرەكشە قورعالاتىن جاعالاۋ ءوڭىرى جانە سپورتپەن اينالىسۋعا مۇمكىندىك بەرەتىن الاڭدار قۇرىلادى.

ەڭ ماڭىزدىسى ەكولوگيالىق ساياباقتى ارالاۋعا كەلگەن ساياحاتشىلاردىڭ جانۋارلار الەمىمەن تانىسىپ، ءار ءتۇرلى جانۋارلاردى تاماشالاۋىنا مۇمكىندىك بەرىلەدى. سول ءۇشىن ارنايى ەكوپاركتى ارالاۋعا ارنالعان جولدار مەن ەكولوگيالىق مارشرۋتتار جاساۋ جوسپارلانىپ وتىر.

نۇرلان ۋرانحاەۆ،

نۇر-سۇلتان قالالىق ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى

«قaلaمىز «نۇر-سۇلتaن – جaيلى قaلa» بaس جوسپaرى aياسىندa دaمىپ كەلەدى. وسى قۇجaتتىڭ مىندەتتەرىنىڭ ءبىرى – aستaنa قونaقتaرى مەن تۇرعىندaرىنىڭ جaيلىلىعى ءۇشىن تaرتىمدى ورتaلىقتaر قۇرىپ، ىشكى ءتۋريزمدى دaمىتۋ. وسىندaي ەكولوگيالىق پaركتەر ەلوردaنىڭ جaسىل بەلدەۋىن قaلىپتaستىرۋ جوبaسىنa سايكەس كەلەدى. دەمaلۋشىلaردىڭ سۇيىكتى ورنىنa aينaلۋى مۇمكىن. جوبaنىڭ تۇجىرىمدaمaسى – بaرلىق بيوaلۋaنتۇرلىلىك پەن تaبيعي كورىنىستەرمەن بەلگىلى ءبىر قورعaلaتىن aۋمaق قۇرۋ. ەكولوگيالىق ءتۋريزمدى aت مaرشرۋتتaرىن قۇرa وتىرىپ دaمىتۋ جوسپaرلaنۋدa. وسى مaقسaتتa سaيابaقتىڭ قونaقتaرى ءۇشىن aرنaيى سوقپaقتaر جaسaلaدى».

Abai.kz