قازاقستاننىڭ باس سانيتار دارىگەرى ايجان ەسماعامبەتوۆا كارانتين تۋرالى 2020 جىلعى 15 تامىزداعى قاۋلىسىنا وزگەرىس ەنگىزدى.

وزگەرىس ەنگىزىلگەن جاڭا قاۋلى دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سايتىندا جاريالاندى.

قاۋلىعا مىناداي وزگەرىستەر ەنگىزىلدى:

1) 1-تارماقتىڭ 1) تارماقشاسى مىناداي رەداكتسيادا جازىلسىن:

"1) قالا ماڭىنداعى جولاۋشىلار پوەزدارىنىڭ/ەلەكتر پوەزدارىنىڭ قوزعالىسىن قايتا باستاۋدى;";

2) 2-تارماقتىڭ 1) تارماقشاسى مىناداي رەداكتسيادا جازىلسىن:

"1) قالاارالىق وبلىسىشىلىك اۆتوبۋس، شاعىن اۆتوبۋس تاسىمالدارىن قايتا باستاۋدى;";

3) 2-تارماقتىڭ 4) جانە 5) تارماقشالارى مىناداي رەداكتسيادا جازىلسىن:

"4) مادەنيەت وبەكتىلەرىنىڭ، كىتاپحانالاردىڭ، مۇراجايلاردىڭ قىزمەتىنە رۇقسات بەرۋدى (30 ادامنان اسپايتىن جەكە، توپتىق رەپەتيتسيالار);

5) بەلگىلەنگەن تالاپتار ساقتالعان جاعدايدا جانە ۇجىمدىق ءىس-شارالاردى وتكىزبەي ءدىني وبەكتىلەردىڭ (مەشىتتەر، شىركەۋلەر، سوبورلار، سيناگوگالار جانە ت. ب.) قىزمەتىنە رۇقسات بەرۋدى";

4) 2-تارماقتىڭ 9) تارماقشاسىندا "باسسەيندەردىڭ" دەگەن ءسوز الىپ تاستالسىن;

5) 2-تارماقتىڭ 13) تارماقشاسىندا "كابينەتتەرىنىڭ" دەگەن ءسوز "كابينەتتەرىنىڭ/ورتالىقتارىنىڭ" دەگەن سوزدەرمەن اۋىستىرىلسىن;

6) 2-تارماقتىڭ 16) جانە 17) تارماقشالارىندا "(باسسەيندەرسىز)" دەگەن ءسوز الىنىپ تاستالسىن;

7) 2-تارماقتىڭ 35) تارماقشاسى مىناداي رەداكتسيادا جازىلسىن:

"35) قازاقستان رەسپۋبليكاسىنىڭ ەڭبەك زاڭناماسىنا سايكەس دەمالىس جانە مەرەكە كۇندەرى مىناداي:

- ازىق-تۇلىك سۋپەرماركەتتەرى مەن ءدارىحانالاردى قوسپاعاندا، ساۋدا ۇيلەرىنىڭ، ساۋدا جەلىلەرىنىڭ، ساۋدا-ويىن-ساۋىق ورتالىقتارىنىڭ جۇمىسىن توقتاتا تۇرۋ;

- ازىق-تۇلىك ەمەس جانە ازىق-تۇلىك جابىق بازارلارىنىڭ جۇمىسىن توقتاتا تۇرۋ;

- سۇلۋلىق سالوندارىنىڭ، شاشتارازداردىڭ، سپا ورتالىقتارىنىڭ، كوسمەتولوگيالىق قىزمەت كورسەتەتىن وبەكتىلەردىڭ جۇمىسىن توقتاتا تۇرۋ;

- فيتنەس-ورتالىقتار مەن سپورتتىق-ساۋىقتىرۋ ورتالىقتارىنىڭ، باسسەيندەردىڭ، جاتتىعۋ زالدارىنىڭ، سپورت كەشەندەرىنىڭ جۇمىسىن توقتاتا تۇرۋ;

- ساۋنالاردىڭ جۇمىسىن توقتاتا تۇرۋ;

- اشىق اۋاداعى اتتراكتسيونداردىڭ جۇمىسىن توقتاتۋ;

- ءدىني وبەكتىلەردىڭ قىزمەتىن توقتاتا تۇرۋ بويىنشا شەكتەۋ شارالارىن ەنگىزۋدى;";

8) 2-تارماق مىناداي مازمۇنداعى 36), 37), 38), 39), 40), 41) جانە 42)-تارماقتارمەن تولىقتىرىلسىن:

"36) كونتينگەنتى 5-تەن 180 ادامعا دەيىنگى، سىنىپتارداعى بالالار سانى 15 ادامعا دەيىنگى مەكتەپتەردىڭ; مەكتەپالدى، 1-4 سىنىپتاردىڭ ءبىلىم الۋشىلارى ءۇشىن اتا-انالارىنىڭ ءوتىنىشى بويىنشا سىنىپتاردىڭ جيىنتىعى 15 بالادان اسپاعان جاعدايدا ءبىلىم بەرۋ ۇيىمدارىنداعى كەزەكشى سىنىپتاردىڭ جۇمىس ىستەۋىنە رۇقسات بەرۋدى;

37) ءبىر ادامعا سۋ بەتىنىڭ 5 ش.م. ەسەبىنەن جەكە فورماتتا، الدىن الا جازىلۋ بويىنشا باسسەيندەردىڭ قىزمەتىنە رۇقسات بەرۋدى;

38) 5 ادامنان اسپايتىن جەكە جانە توپتىق جاتتىعۋلارعا ارنالعان سپورت كەشەندەرىنىڭ قىزمەتىنە رۇقسات بەرۋدى;

39) ماسكا رەجيمىن جانە كەمىندە 2 مەتر قاشىقتىقتى ساقتاي وتىرىپ، 15 ادامنان اسپايتىن جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا (مەملەكەتتىك ۇلتتىق تابيعي پاركتەرگە، قورىقتارعا، رەزەرۆاتتارعا جانە وزگەلەرگە) بارۋعا رۇقسات بەرۋدى;

40) وسى قاۋلىعا 4-قوسىمشاعا سايكەس الگوريتمدى ساقتاي وتىرىپ، كەڭەستەردى (وتىرىستاردى) كوزبە-كوز وتكىزۋگە رۇقسات بەرۋدى (ولاردى قاشىقتىقتان وتكىزۋ مۇمكىندىگى بولماعان كەزدە);

41) وڭىرلەردەگى ەپيدەميولوگيالىق جاعدايدى ەسكەرە وتىرىپ، "بالداۋرەن" رەسپۋبليكالىق وقۋ-ساۋىقتىرۋ ورتالىعى» جانە "بوبەك" ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعى» رمقك قىزمەتىنە رۇقسات بەرۋدى;

42) ەرەكشە ءبىلىم بەرۋدى قاجەت ەتەتىن بالالارعا ارنالعان (ونىڭ ىشىندە اتا-اناسىنىڭ قامقورلىعىنسىز قالعان بالالارعا ارنالعان) ارنايى، مامانداندىرىلعان ۇيىمداردىڭ، ارنايى مەكتەپ-ينتەرناتتاردىڭ، جالپى تيپتەگى مەكتەپ-ينتەرناتتاردىڭ، دارىندى بالالارعا ارنالعان مەكتەپ-ينتەرناتتاردىڭ قىزمەتىنە رۇقسات بەرۋدى قامتاماسىز ەتسىن".

Abai.kz