"ازاماتتار دەمالىس كۇندەرى اۋرۋحاناعا بارعىسى كەلمەيدى. ونىڭ ۇستىنە، سەنبى-جەكسەنبىدە ەمحانا جابىق تۇرادى، سول سەبەپتى دۇيسەنبى-سەيسەنبى كۇندەرى ادامدار قارالۋعا كوپ كەلەدى", – دەدى ءباسپاسوز حاتشىسى.

قازاقستاندا وتكەن تاۋلىكتە بەلگىلەرى كوروناۆيرۋسقا ۇقساس پنەۆمونياعا 1081 ادامنىڭ شالدىققانى انىقتالعان. ءبىر تاۋلىكتە پنەۆمونيانىڭ وسى تۇرىنەن 11 ادام قايتىس بولعان. بۇل تۋرالى دەنساۋلىق ساقتاۋ مينيسترلىگى حابارلادى.

1-18 تامىز ارالىعىندا "كوروناۆيرۋستىق پنەۆمونياعا" شالدىققاندار 19 754 ادامعا جەتكەن. وسى ارالىقتا 231 ادام قايتىس بولعان.

دەنساۋلىق ساقتاۋ مينيسترلىگىنىڭ حابارلاۋىنشا، 18 تامىزدا سovid جۇققانى زەرتحانالىق تالداۋمەن راستالعان 15 ادام كوز جۇمعان. 13 ناۋرىزدان بەرى بارلىعى 1446 ادام قايتىس بولعان.

قازىر كوروناۆيرۋس ينفەكتسياسىنان 15 839 ادام ەمدەلىپ جاتىر. 71-ءى – بالا. 7 383 ناۋقاس ستاتسيوناردا جاتىر. 366 ادامنىڭ جاعدايى – اۋىر، 90 ادامنىڭ جاعدايى – وتە اۋىر. 59 ادام جاساندى تىنىس الۋ اپپاراتىمەن دەمالىپ جاتىر.

دۇنيەجۇزىلىك دەنساۋلىق ساقتاۋ ۇيىمى الەم ەلدەرىنە ونىڭ ىشىندە قازاقستانعا دا كوروناۆيرۋس پەن بەلگىلەرى كوروناۆيرۋسقا ۇقسايتىن، بىراق زەرتحانالىق تالداۋمەن راستالماعان پنەۆمونيا ءتۇرىن بىرىكتىرۋگە كەڭەس بەرگەن. كورشى قىرعىزستان شىلدە ايىنىڭ ورتاسىندا كورسەتكىشتى بىرىكتىرگەن. ال قازاقستان باستاپقىدا بىرىكتىرەتىنىن مالىمدەگەنمەن كەيىنىرەك بۇل نيەتىنەن اينىپ قالدى. ەگەر ەكى كورسەتكىشتى قوسسا، قازاقستاندا كوروناۆيرۋس جۇقتىرعاندار – 123 754 ادامعا جەتەدى. ددسۇ رەسمي سايتىندا قازاقستانداعى Covid ستاتيستيكاسىن سولاي بىرىكتىرىپ كورسەتكەن.

رەسمي مالىمەت بويىنشا، جىل باسىنان تامىزعا دەيىن پنەۆمونياعا (پنەۆمونيانىڭ بارلىق تۇرىنە) 256 مىڭ ادام شالدىققان. بۇل – وتكەن جىلدىڭ العاشقى جەتى ايىمەن سالىستىرعاندا 3,3 ەسە كوپ كورسەتكىش. بىلتىر وسى ارالىقتا وكپە اۋرۋىنان 2,3 مىڭ ادام قايتىس بولسا، بيىل ءتورت مىڭنان استام ادام كوز جۇمعان.

Abai.kz