2020 جىلدىڭ 18 تامىزىندا Nur Otan پارتياسىنىڭ حاتشىسى ارمان قىرىقباەۆتىڭ، بيزنەس، سپورت، بۇقارالىق اقپارات قۇرالدارى وكىلدەرىنىڭ، بلوگەرلەردىڭ جانە ت.ب. قاتىسۋىمەن «ەلىمىزدەگى الەۋمەتتىك-ساياسي جاعداي. «Nur Otan» پارتياسىنىڭ پرايمەريزى ەلىمىزدە ەۆوليۋتسيالىق وزگەرىستەر جاساۋعا باعىت» تاقىرىبى اياسىندا ليگا جاقتاستارىنىڭ جەتىنشى ZOOM-كونفەرەنتسياسى ءوتتى.

كونفەرەنتسيانى مودەراتور رەتىندە ساياساتتانۋشى ەرلان سايروۆ جۇرگىزدى. ونلاين-كەزدەسۋگە بلوگەر دەنيس گوروبەتس، قاراعاندى وبلىسى دزيۋدو فەدەراتسياسىنىڭ ۆيتسە-پرەزيدەنتى عابدوللا دۇيسەنباەۆ، «ارقالىق قالاسىنىڭ جاستار رەسۋرستىق ورتالىعى» كمم ديرەكتورى امانگەلدى احمەتجانوۆ، ينستاگرامداعى «v Petropavlovske» پابليكتىڭ اۆتورى دميتري پروتوپوپوۆ، ساياساتتانۋشى، جۋرناليست نينا ميتچينوۆا، كاسىپكەر الماگۇل مولداباەۆا جانە باسقالار قاتىستى.

كونفەرەنتسيانىڭ مودەراتورى، ساياساتتانۋشى ەرلان سايروۆ ءىس-شارانى اشا وتىرىپ، بۇگىنگى تاڭدا الەمدەگى احۋال شيەلىسكەنىن ، اقش پەن قىتاي اراسىنداعى جاعداي قيىنداي تۇسكەنىن،سونداي-اق رەسەي مەن بەلورۋسسياداعى تولقۋلاردى اتاپ ءوتىپ، وسىعان بايلانىستى قازاقستان ءبىرىنشى كەزەكتە مەملەكەتىمىزدىڭ ەۆوليۋتسيالىق دامۋى تۋرالى ويلانۋى ءتيىس ەكەنىن ايتتى.

ەرلان سايروۆتىڭ ايتۋىنشا بۇل وزگەرىستەردىڭ سيمۆولى رەتىندە ەلىمىزدىڭ ءاربىر ازاماتى بولۋى ءتيىس. «ءبىز قانداي دا ءبىر وزگەرىستەردى تالاپ ەتكەندە، ارقايسىمىز وزگەرگەنشە ەشقانداي دا وزگەرىس بولمايتىنىن، مىنەز-قۇلىق مادەنيەتى نەمەسە ساياسي تاۋەلدىلىك وزگەرمەيتىنىن ءبىلۋىمىز كەرەك. Nur Otan پارتياسى بۇگىن پرايمەريزدى جاريالاپ وتىر جانە پرايمەريزدىڭ بۇكىل الەمدەگى دەموكراتيانىڭ نەگىزگى اسپەكتىسى ەكەنىن بىلەمىز. بۇل بۇكىل الەمدە ادال جانە اشىق ەرىك-جىگەر», - دەپ اتاپ ءوتتى كونفەرەنتسيا مودەراتورى.

كونفەرەنتسيا بارىسىندا سپيكەرلەر پارتيانىڭ پرايمەريزىنە قولداۋ ءبىلدىرىپ، پرايمەريزگە كانديدات جانە باقىلاۋشى رەتىندە قاتىسۋعا دايىن ەكەندىكتەرىن ءبىلدىردى. اتاپ ايتقاندا، دەنيس گوروبەتس، نينا ميتچينوۆا جانە دميتري پروتوپوپوۆ باق جانە الەۋمەتتىك جەلىلەردە قولداۋ كورسەتۋگە دايىن ەكەنىن جەتكىزدى. «مەنىڭ ويىمشا، الەۋمەتتىك جەلىلەر ارقىلى پرايمەريز جانە بارلىق سايلاۋ پروتسەستەرىن، سونداي-اق بولاشاق دەپۋتاتتاردى قولداۋ قاجەت. مەن مىندەتتى تۇردە كومەكتەسەمىن، پرايمەريزدى قولدايمىن جانە سايلاۋ وتكىزۋ بارىسىندا قوعامدىق باقىلاۋدى جۇزەگە اسىرعىم كەلەدى»، – دەدى «v Petropavlovske» قوعامدىق قورىنىڭ اۆتورى دميتري پروتوپوپوۆ.

دەنيس گوروبەتس «Birgemiz» قورى كومەگىنىڭ ماڭىزدىلىعىن اتاپ ءوتتى. «مەن ينتەرنەتتە پريمەريز بارىسىن جاريالاپ وتىرۋعا كومەك كورسەتەمىن. «Biz Birgemiz» اكتسياسى ادامدارعا كوپ كومەك كورسەتتى. الايدا پارتيا ىشىندە وزگەرىستەر قاجەت جانە بۇل پرايمەريز بىزگە قاجەت», - دەپ اتادى.

نينا ليتۆينوۆانىڭ ايتۋىنشا، اقمولا وبلىسىنىڭ جاستارى پارتيا ىشىندەگى سايلاۋعا بەلسەندى قىزىعۋشىلىق تانىتىپ وتىر جانە قاتىسۋعا دايىن. «پرايمەريزگە قاتىسۋعا كوبىرەك جاستار نيەت ءبىلدىرىپ وتىر», - دەدى ول. ءسوز سوڭىندا سپيكەر وبلىس حالقى قازىر Nur Otan پارتياسىنىڭ پرايمەريزى ءوتىپ جاتقانى تۋرالى بۇقارالىق اقپارات قۇرالدارىنان جانە الەۋمەتتىك جەلىلەر ارقىلى جاقسى حاباردار ەكەنىن اتاپ ءوتتى.

ءوز كەزەگىندە «ارقالىق قالاسىنىڭ جاستار رەسۋرستىق ورتالىعى» كمم ديرەكتورى امانگەلدى احمەتجانوۆ پرايمەريزگە قاتىساتىنىن ايتتى. «ال پرايمەريزگە كەلەر بولساق، مەن اتالعان ناۋقانعا مىندەتتى تۇردە قاتىسامىن. ويتكەنى ول جاڭا مۇمكىندىكتەرگە جول اشادى. بىرىنشىدەن پارتيا ىشىندەگى باسەكەلسىكتى ارتتىرادى»، - دەدى ول. سونداي-اق، سپيكەر ەل بىرلىگىنىڭ ارقاسىندا ۆيرۋستى اۋىزدىقتاعانىن جانە قازىر جاعداي تۇراقتالعانىن ايتتى.

سونىمەن قاتار، جاس ساياساتتانۋشى باۋىرجان سەرىكباەۆ باقىلاۋشى بولام دەگەن ازاماتتارمەن دە بايلانىس ورناتقانىن ايتىپ، پرايمەريز وتكىزۋدىڭ ماڭىزدىلىعى تۋرالى ءوز پىكىرىمەن دە ءبولىستى. «پرايمەريز قازاقستاندا ءبىرىنشى رەت وتكىزىلگەن سوڭ حالىقتىڭ اراسىندا سەنىممەن قاتار ازداعان كۇدىك تە جوق ەمەس. ءبىز تاۋەلسىز باقىلاۋشىلاردى رەسپۋبليكا بويىنشا تارتۋىمىز كەرەك. اۋداندارداعى كاسىپكەرلەردى دە تارتۋ ماڭىزدى. پرايمەريزدىڭ ءادىل وتۋىنە، جالىندى جاستاردىڭ جاڭا قىزمەتتەرگە كەلۋىنە جاعداي جاساۋىمىز كەرەك», – دەيدى ول.

ونلاين-كەزدەسۋگە قاتىسۋشىلار پرايمەريزدى وتكىزۋ ەرەجەلەرىنە، شارتتارى مەن كەزەڭدەرىنە، داۋىس بەرۋ تارتىبىنە، كۆوتالاۋ جۇيەسىنە قىزىعۋشىلىق تانىتتى.

كونفەرەنتسيانى قورىتىندىلاۋ بارىسىندا Nur Otan پارتياسىنىڭ حاتشىسى ارمان قىرىقباەۆ ۇگىت-ناسيحات كەزىندە پرايمەريز قاتىسۋشىلارىنا سىندارلى سىن ۇستانىپ، بار پروبلەمالاردى ايتۋدان قورىقپاۋعا شاقىردى. «ءبىز ورىندى سىن ايتا الاتىن ادامداردىڭ پرايمەريزگە قاتىسۋ ارقىلى جەڭىسكە جەتىپ، تەك «Nur Otan» پارتياسىنىڭ عانا ەمەس، سونداي-اق بيلىك وكىلەتتىكتەرىنە يە، كەلەڭسىز جاعدايلاردى وزگەرتۋ مۇمكىندىگى بار ادامدار توبىنىڭ ءبىر بولىگىنە اينالۋى ءۇشىن مەحانيزم جاسايمىز», - دەپ اتاپ ءوتتى ارمان قىرىقباەۆ.

ەستەرىڭىزگە سالا كەتەيىك، كانديداتتاردى ۇسىنۋ جانە تىركەۋ 17 تامىزدا باستالىپ، 28 تامىزعا دەيىن جالعاسادى. ۇگىت-ناسيحاتقا دايىندالۋ ءۇشىن كانديداتتارعا 31 تامىزدان 6 قىركۇيەككە دەيىن 7 كۇن بولىنەدى.

7 قىركۇيەك پەن 3 قازان ارالىعىندا كانديداتتاردىڭ ۇگىت-ناسيحات جۇمىستارى، سونىڭ ىشىندە 14-30 قىركۇيەك ارالىعىندا كوپشىلىككە جاريا دەباتتار وتەدى. دەباتتار «پرايمەريز» ارنايى اقپاراتتىق جۇيەسى ارقىلى پارتيانىڭ رەسمي اككاۋنتتارىندا كورسەتىلەدى.

Abai.kz