قر قارجى مينيسترلىگى جانىنداعى ەكونوميكالىق تەرگەۋ قىزمەتى (سەر) كوروناۆيرۋس ينفەكتسياسىمەن كۇرەسكە دەپ بولىنگەن مەملەكەت قىرجىسىن جىمقىرۋ فاكتىسى بويىنشا تەرگەۋ جۇرگىزىپ جاتىر ەكەن. بۇل تۋرالى قازتاگ اگەنتتىگى اقوردانىڭ ءباسپاسوز قىزمەتىنە سىلتەمە جاساپ، حابارلادى.

«قارجى مينيسترلىگىنىڭ ەكونوميكالىق تەرگەۋ قىزمەتى كوروناۆيرۋسپەن كۇرەسكە بولىنگەن اسا ءىرى كولەمدەگى مەملەكەت قارجىسىن الاياقتىق ارقىلى جىمقىرۋ فاكتىسى بويىنشا قوزعالعان قىلمىستىق ءىستى تەرگەۋدە»، - دەلىنگەن حابارلامادا.

سونداي-اق، قازىرگى ۋاقىتتا قر سىبايلاس جەمقورلىققا قارسى كۇرەس اگەنتتىگى تاعى ءۇش قىلمىستىق ءىس بويىنشا تەرگەۋ جۇمىستارىن باستاعان. ولار:

- «مەديتسينالىق ساقتاندىرۋ قورى» ۇاق لاۋازىمدى تۇلعالارىنىڭ بيۋدجەت قارجىسىن جىمقىرۋ فاكتىسى بويىنشا قوزعالعان قىلمىستىق ءىس;

- جەكەلەگەن تۇلعالاردىڭ ءىرى كولەمدە مەديتسينالىق بەتپەردەلەردى زاڭسىز يەمدەنۋ فاكتىسى بويىنشا ءىس;

- مەديتسينالىق مەكەمەلەردىڭ جەكەلەگەن باسشىلارىنىڭ اسا ءىرى كولەمدە بيۋدجەت قارجىسىن جىمقىرۋى فاكتىسى بويىنشا ءىس.

«سونىمەن قاتار، قاۋىپسىزدىك كەڭەسى مەن پرەزيدەنت اپپاراتى بىرلەسكەن باستاماسى بويىنشا، قۇقىق قورعاۋ ورگاندارى كوروناۆيرۋسپەن كۇرەسكە دەپ شەت ەلدەردەن كەلىپ جاتقان گۋمانيتارلىق كومەكتىڭ ماقساتتى ءارى ءتيىمدى يگەرىلۋىن باقىلايتىن بولادى»، - دەلىنگەن حابارلامادا.

Abai.kz